Category: Ахборот

ИШТИРОКИ НАМОЯНДАИ МАЪМУРИЯТИ МОИ “СУҒД” ДАР ФОРУМИ БАЙНАЛМИЛЛАЛИИ “ТАДЖИКИСТАН 2024”

ИШТИРОКИ НАМОЯНДАИ МАЪМУРИЯТИ МОИ “СУҒД” ДАР ФОРУМИ БАЙНАЛМИЛЛАЛИИ “ТАДЖИКИСТАН 2024”

Санаи 24 – 26 октябри соли равон дар шаҳри Душанбе намоишгоҳи универсалии байналмиллалӣ таҳти унвони “Таджикистан-2024” дар марказӣ Экспо баргузор гардид. Дар маросими кушодашавии намоишгоҳ Раиси палатаи савдо ва саноат Ҷумахонзода Ҷамшед ва муовини аввали Вазорат рушди иқтисод ва савдои Ҷумҳуриии Тоҷикистон Солеҳзода Ашурбой бо сухани ифтитоҳӣ баромад намуданд. Дар намоишгоҳи мазкур инчунин сафирони фавқуллодаи давлатҳои Ҷумҳурии исломии Эрон, Покистон, Белоруссия, Россия, Туркманистон ва дигарон иштирок намуданд.

   

Дар ин намоишгоҳ вохуриҳо миёни соҳибкорони кишварҳои иштирокчӣ дар формати В2В ва гуфтушунидҳо гузаронида шуд, аз ҷумла намояндаи Маъмурияти МОИ “Суғд” бо соҳибкорони хориҷӣ гуфтушунидҳо гузаронида аз имтиёзу афзалиятҳои МОИ “Суғд” маълумот дод. Дар намоишгоҳ бештар молу маҳсулотҳо, аз қабили: асбобҳои тиббӣ, ғизоӣ ва автомашинаҳои замонавии барқӣ намоиш дода шуданд.

   

Маълумоти бештар
ТАШРИФИ МУОВИНИ РАИСИ МНМОҶТ – МАВСУМА МУИНӢ БА МОИ “СУҒД”

ТАШРИФИ МУОВИНИ РАИСИ МНМОҶТ – МАВСУМА МУИНӢ БА МОИ “СУҒД”

Санаи 25 октябри соли 2024 тибқи ҷадвали вохӯрии вакилони Маҷлиси намояндагони Маҷлиси Олии Ҷумҳурии Тоҷикистон бо интихобкунандагон ба минтақаи озоди иқтисодии “Суғд” муовини Раиси Маҷлиси намояндагони Маҷлиси Олии Ҷумҳурии Тоҷикистон Мавсума Муинӣ бо муовини раиси шаҳри Хуҷанд Муяссара Каҳҳорӣ ва намояндаи ҲХДТ дар шаҳри Хуҷанд Мунзифа Пулотова ташриф оварданд.
Муовини Маъмурияти МОИ “Суғд” Ҳакимов Насимҷон меҳмононро хуш пазируфта, дар толори маҷлисгохи МТҒ “Донишкадаи хизматрасонӣ ва саноат” вохӯрӣ бо роҳбарону намояндагони субъектҳои минтақа ва донишҷӯёни ин донишкада бо иштироки зиёда аз 100 нафар иштироккунандагон гузаронида шуд.
Мавсума Муинӣ зимни мулоқот доир ба муҳтавои Паёми Президенти мамлакат ба Маҷлиси Олӣ иттилоъ дода, аз ҷумла афзуд, ки Пешвои миллат зимни ироаи Паём иброз доштанд, ки таъмин намудани рушди устувор ва босуръати кишвар танзими ҳуқуқии саривақтӣ ва ҳамаҷонибаро талаб менамояд. Зимнан, таъкид намуданд, ки қонунгузорӣ бояд пайваста такмил дода шавад ва ҳамқадами ислоҳоти сиёсӣ, иқтисодӣ, иҷтимоӣ ва фарҳангӣ бошад.
Илова бар ин, ба аъзои Маҷлиси миллӣ ва вакилони Маҷлиси намояндагон муроҷиат карда, даъват намуданд, ки биёед, минбаъд низ якҷоя кору фаъолият намуда, кишвари худро ободу зебо созем, сатҳу сифати зиндагии халқамонро баланд бардорем, баҳри вусъат бахшидани саноатикунонии кишвар, пешрафти соҳаи саноат, бунёди корхонаҳои нав ва таъсиси ҷойҳои нави корӣ саҳми босазои худро гузорем.
Ҳамчунин зикр карда шуд, ки дар раванди бунёди ҷомеаи пешрафта ва адолатпарвар масъалаи ташаккули маърифати ҳуқуқии шаҳрвандон нақши калидӣ дорад.
Иброз гардид, ки амалӣ намудани меъёрҳои Конститутсия ба мо имкон дод, ки пояҳои устувори ҷомеа ва давлатро созмон диҳем, сулҳу оромӣ, суботи сиёсӣ ва ваҳдати миллиро таҳким бахшем, рушди устувори иқтисодии кишварамонро таъмин намоем, барои ҳар як шаҳрванди мамлакат шароити зиндагии арзанда ва инкишофи озодонаро муҳайё созем.
Дар охир Мавсума Муинӣ бо намояндагону роҳбарони субъектҳо ҳамсуҳбат гардида, тамоми иштирокдорони вохуриро бо идҳои давлатии дарпешистода Ҷашни 30 – солагии Сарқонуни Ҷумҳурии Тоҷикистон, Рӯзи Президенти Ҷумҳурии Тоҷикистон ва Иди Парчами давлатӣ табрик гуфта, барои иштирок арзи сипос намуд.
Маълумоти бештар
ИШТИРОКИ РОҲБАРИЯТИ МАЪМУРИЯТИ МОИ “СУҒД” ДАР ФОРУМИ БАЙНАЛМИЛАЛИИ САРМОЯГУЗОРӢ – СОДИРОТӢ “ХАТЛОН ИНВЕСТ – 2024”

ИШТИРОКИ РОҲБАРИЯТИ МАЪМУРИЯТИ МОИ “СУҒД” ДАР ФОРУМИ БАЙНАЛМИЛАЛИИ САРМОЯГУЗОРӢ – СОДИРОТӢ “ХАТЛОН ИНВЕСТ – 2024”

Санаҳои 17 – 18 октябри соли равон дар шаҳри Бохтари вилояти Хатлон  Форуми байналмилалии сармоягузорӣ – содиротӣ  «Хатлон инвест ва Намоишгоҳи Бохтар Фуд – 2024» баргузор гардид, ки дар он роҳбарияти маъмурияти минтақаи озоди иқтисодии “Суғд” Муҳаммадзода Муҳаммад Султон ва роҳбарону намояндагони субъектҳои он, инчунин  муовини Раиси вилояти Суғд Анвар Яъқубӣ иштирок намуданд.

 

Дар кори Форум беш аз 800 нафар роҳбарону намояндагони мақомотҳои давлатӣ, соҳибкорону сармоягузорони хориҷӣ, намоянадгони шарикони рушд иштирок намуданд.

Форум бо сухани ифтитоҳии муовини Сарвазири Ҷумҳурии Тоҷикистон Усмонзода Усмоналӣ ва Раиси вилояти Хатлон Давлаталӣ Саид оғоз гардид.

 

Ҳамзамон дар доираи Форуми мазкур бахши алоҳида дар мавзӯи «Пешбурди истеҳсолоти инноватсионӣ дар минтақаҳои озоди иқтисодӣ» аз ҷониби Вазорати рушди иқтисод ва савдои Ҷумҳурии Тоҷикистон баргузор гардид.

Дар кори бахш имкониятҳои сармоягузорӣ дар минтақаҳои озоди иқтисодӣ, рақамикунонии соҳаҳои иқтисоди миллӣ ва аҳамияти он муаррифӣ гардид. Ҳамзамон дар кори бахш маърӯзаҳо аз ҷониби намояндагони кишварҳои хориҷӣ тариқи маҷозӣ дар самти таҷрибаи муваффақи рақамикунонии минтақаҳои озоди иқтисодӣ шунида шуд.

Зимни ба имзо расонидани панҷ санади ҳамкорӣ дар ҳаҷми 32 миллион доллар байни маъмурияти минтақаҳои озоди иқтисодӣ ва сармоягузорони ватаниву хориҷӣ субъекти МОИ “Суғд” ҶДММ “Донаи Алмос” бо сармоягузорони Туркия ширкати “Мега Нут” меморандум ба миқдори 1,5 млн доллари ИМА ба имзо расонид.

Инчунин, дар доираи Форум  ба ғолибони Озмуни ҷумҳуриявии «Беҳтарин содироткунандаи Тоҷикистон», ки аз ҷониби Агентии содирот якҷо бо вазорату идораҳои дахлдор ва шарикони рушд гузаронида шуд, ҷоизаҳои озмун супорида шуданд. Субъекти МОИ “Суғд” ҶДММ “Донаи Алмос”, роҳбари он Қулова Озодамоҳ дар озмуни мазкур сазовори ҷоизаи “Содироткунандаи беҳтарини сол”  гардид.

 

 

Маълумоти бештар
БАРРАСИИ МАСОИЛИ ҲАМЛУ НАҚЛИ БОР ДАР МОИ “СУҒД”

БАРРАСИИ МАСОИЛИ ҲАМЛУ НАҚЛИ БОР ДАР МОИ “СУҒД”

13 сентябри соли ҷорӣ, Фазл Хан Марват – менеҷери минтақавии ширкати байналмилалии логистикӣ Pyramid Logistics and Trading, ки сардафтараш дар ш. Карочии Покистон воқеъ аст ба МОИ “Суғд” ташриф овард.

Ширкати мазкур намояндагӣ дар ш. Душанбе дошта, бо корхонаву ширкатҳои истеҳсолию тиҷоратии маҳаллӣ дар соҳаи логистика ҳамкорӣ менамояд.   

Ҳангоми вохӯрӣ бо роҳбарияти МД Маъмурияти МОИ “Суғд” сараввал фаъолият ва имконияту афзалиятҳои МОИ муаррифӣ карда шуда, баъдан доир ба имкониятҳои ташкили ҳамлу нақлу маҳсулоти дар МОИ истеҳсолшуда, ба кишварҳои ҳамҷавор ва наздики дур, ҳамчунин дарёфт ва дастраскунии хомашё, дастгоҳу таҷҳизоти истеҳсолии зарурӣ аз мамлакатҳои хориҷӣ ба субъектҳои минтақа баррасӣ карда шуданд. Сипас, Роҳбари Маъмурият – Муҳаммадзода Муҳаммад Султон чунин қайд намуд, ки дар МОИ “Суғд” аллакай омӯзиши масъалаи амалисозии лоиҳаи бузурги маркази логистикӣ бо кӯмаки молиявии Бонки ҷаҳонӣ ва таъсиси корхонаи коркард ва консервкунии маҳсулоти гӯштӣ дар ҳамкорӣ бо ширкатҳои Россия ҷараён дорад, ки дар сурати амалӣ гаштани лоиҳа ба Pyramid Logistics and Trading низ ҷиҳати дарёфт ва дастраскунии таҷҳизоти зарурӣ, хомашё ва шарикон барои ҳамкорӣ муроҷиат карда мешавад. Ҳамчунин, дар асоси натиҷаи ин вохӯрӣ, ба субъектҳои МОИ “Суғд” доир ба самти фаъолияти ширкати Pyramid Logistics and Trading маълумот барои роҳандозии ҳамкорӣ дастрас мегардад.

Дар охири сӯҳбат ҷаноби Фазл Хан Марват барои вохӯрӣ ва гуфтушуниди муфид изҳори миннтадорӣ намуда, чунин қайд намуд, ки дар оянда аз маводҳои иттилоотии МОИ “Суғд” ҷиҳати муаррифии фаъолият ва афзалиятҳои он ба гурӯҳҳои соҳибкорию сармоягузории доираҳои шарик, бо умеди ташкили ҳамкории судманд истифода мебарад.  

Маълумоти бештар
БАҚАЙДГИРИИ СУБЪЕКТИ НАВ – ҶДММ «САМАНДИ СУГД» ДАР МОИ «СУҒД»

БАҚАЙДГИРИИ СУБЪЕКТИ НАВ – ҶДММ «САМАНДИ СУГД» ДАР МОИ «СУҒД»

2 сентябри соли равон Маъмурияти МОИ «Суғд» ба субъекти навбатии худ, ҶДММ «Саманди Суғд» Тасдиқнома супорид. Муассис ва директори генералӣ: шаҳрванди Чин ҷаноби Ма Ю Юн аз Junchi Machinery мебошад.

ҶДММ «Саманди Суғд» дар МОИ «Суғд» лоиҳаи истеҳсоли мошинаҳои барқӣ дар шакли мотосиклҳои барқӣ, мотороллерҳо ва мошинҳои хурди барқиро дар се марҳила бо сармоягузории умумии беш аз 300 ҳазор доллари ИМА амалӣ мекунад.

Ду марҳилаи аввали лоиҳаи сармоягузорӣ аз воридоти маҳсулоти тайёр ё қисман ҷудошуда, ҷамъоварӣ ва фурӯши минбаъдаи онҳо дар бозори дохилӣ бо мақсади омӯзиши даромаднокӣ ва рақобатпазирӣ дар муқоиса бо истеҳсолкунандагони шабеҳ ва воридкунандагони чунин воситаҳои нақлиёт иборат аст.

Марҳилаи сеюм, ки барои соли 2027 ба нақша гирифта шудааст, аз ҷамъоварӣ ё қисман истеҳсоли мотосиклҳои электрикӣ ва автомобилҳо тибқи меъёрҳои коркарди кофӣ дар кишварҳои ИДМ иборат аст.

Ҷамъоварӣ ва истеҳсоли мошинҳои барқӣ дар таҷҳизоти замонавӣ ва мошинҳо, дар коргоҳҳои махсус муҷаҳҳаз бо ҷалби 30 нафар мутахассисони маҳаллӣ ва хориҷӣ бо назардошти омодагии онҳо ба роҳ монда мешавад. Шумораи коргароне, ки ба кор қабул мешаванд, сол то сол афзоиш ёфта, дар охири соли 2027 ба 300 нафар мерасанд.

Истеҳсоли маҳсулоти тайёр бо пурра ба кор андохтани корхона дар як сол 1200 адад ба нақша гирифта шудааст.

Айни замон  ҶДММ «Саманди Суғд» ба омода намудани  ҳуҷҷатҳои худ ва машғул аст.

Маълумоти бештар
ШАНБЕГИИ ДАСТАҶАМЪОНА ДАР МОИ “СУҒД” БАХШИДА БА ПЕШВОЗИ ҶАШНИ ИСТИҚЛОЛИЯТИ ДАВЛАТИИ ҶУМҲУРИИ ТОҶИКИСТОН

ШАНБЕГИИ ДАСТАҶАМЪОНА ДАР МОИ “СУҒД” БАХШИДА БА ПЕШВОЗИ ҶАШНИ ИСТИҚЛОЛИЯТИ ДАВЛАТИИ ҶУМҲУРИИ ТОҶИКИСТОН

Маъмурияти минтақаи озоди иқтисодии “Суғд” бахшида  ба сазовор ҷашн гирифтани  33 юмин солгарди Истиқлолияти давлатии Ҷумҳурии Тоҷикистон, ободу зебо гардонидан ва тозаву озода нигоҳ доштани ҳудуду биноҳои  МОИ “СУҒД”мунтазам шанбегии дастаҷамъона ташкил карда истодааст, ки дар он кормандони Маъмурияти МОИ “Суғд”, роҳбару намояндагони субъектҳои МОИ “СУҒД” фаъолона иштирок намуда,  барои ободонӣ ва мунтазам тоза нигоҳ доштани ҳудуд ҳар як иштирокчии шанбегӣ саҳми худро гузоштанд.

Корҳои ободонӣ ва кабудизоркунӣ дар ин самт мунтазам идома доранд.

Маълумоти бештар
САФАРИ ГУРУХИ СОХИБКОРОН АЗ ҶМЧ

САФАРИ ГУРУХИ СОХИБКОРОН АЗ ҶМЧ

29 августи соли равон як гурӯҳ соҳибкорони Ҷумҳурии Мардумии Чин ба МОИ «Суғд» ташриф оварда, бо фаъолият ва имтиёзҳои он шинос шуданд.

Зимни вохӯрӣ бо роҳбарияти МОИ «Суғд» ба меҳмонон оид ба афзалиятҳо ва имтиёзҳо дар МОИ “Суғд” бо назардошти навовариҳо дар низомнома оид ба фаъолияти минтақаҳои озоди иқтисодӣ дар Тоҷикистон маълумоти муфассал дода шуд.

   

Роҳбари гурӯҳи соҳибкорон ҷаноби Ма Йен барои маълумоти муфассал изҳори сипос намуда, арз намуд, ки мехоҳад бо шарикон имкониятҳои ташкили комплекси саноатӣ, ки дар он як гурӯҳи ширкатҳои истеҳсолӣ дар доираи маҷмӯи корхонаҳои саноатӣ бунёд мегардад, омӯзад ва муҳокима кунад. Намудҳои маҳсулоти маҷмӯи корхонаҳои саноатии пешниҳодшуда аз истеҳсоли сумкаҳои мактабӣ, дарҳои оҳании даромадгоҳ, нахи шишаю базалт ва маҳсулоти тайёр аз онҳо дар майдони тақрибан 20 гектар ташкил кунад.

    

Дар анҷоми вохӯрӣ Роҳбари Маъмурият ба меҳмонон барои ташриф ва таваҷҷуҳи онҳо изҳори сипос намуда, омода будани МОИ “Суғд” барои ҳамкорӣ дар доираи қонунгузории амалкунанда дар соҳаи минтақаҳои озоди иқтисодии кишварро изҳор намуд.

 

Маълумоти бештар
ТАШРИФИ СОҲИБКОРОН АЗ ҶУМҲУРИИ МАРДУМИИ ЧИН БАРОИ ШИНОСОӢ АЗ ФАЪОЛИЯТИ МОИ «СУҒД»

ТАШРИФИ СОҲИБКОРОН АЗ ҶУМҲУРИИ МАРДУМИИ ЧИН БАРОИ ШИНОСОӢ АЗ ФАЪОЛИЯТИ МОИ «СУҒД»

Санаи 19 августи соли 2024 ба МОИ “СУҒД” як гуруҳ соҳибкорони Ҷумҳурии мардумии Чин барои шиносоӣ аз фаъолият ва имтиёзҳои минтақа ташриф оварданд.

Дар рафти вохурӣ бо роҳбарияти МОИ “СУҒД” маълум гардид, ки соҳибкорони чинӣ нақшаи роҳандозии воридот, нигоҳдорӣ ва фуруши нахи пахтаро доранд.

Роҳбари МД Маъмурияти МОИ “СУҒД” Муҳаммадзода Муҳаммад Султон ба меҳмонон оид ба имтиёз ва афзалиятҳои минтақаи озод маълумот дода, онҳоро аз талабот ва  меъёрҳои қонунгузории ҶТ вобаста ба нахи пахта шинос намуд.

 Баъд аз вохурӣ соҳибкорон ба якчанд бино ва иншоотҳои ҳудуди минтақа ташриф оварда, ҷиҳати амалисозии дигар нақшаву лоиҳаҳои сармоягузории худ дидан намуданд.

Дар ҷамъбасти ташрифи худ, соҳибкорон чунин иброз намуданд, ки ҳамаи афзалиятҳои МОИ “СУҒД” – ро таҳти омӯзиш қарор дода, дар оянда бо нақша ва лоиҳаҳои дигари сармоягузории худ дар ҳамкорӣ бо дигар шарикон ташриф меоранд.

Маълумоти бештар
НИШАСТИ МАТБУОТӢ ДАР МОИ “СУҒД”

НИШАСТИ МАТБУОТӢ ДАР МОИ “СУҒД”

26 июли  соли 2024 дар бинои Маъмурияти МОИ “Суғд” нишасти матбуотӣ доир ба ҷамъбасти натиҷаҳои фаъолияти МОИ “Суғд” дар нимсолаи аввали соли 2024 баргузор гардид.  Роҳбари Маъмурият Муҳаммадзода Муҳаммад Султон  намояндагони ВАО – ро хайрамақдам гуфта,  оид ба дастовардҳои МОИ “Суғд” иттиллоъ доданд.

Зимни баромад  Муҳаммадзода Муҳаммад Султон қайд намуданд, ки Маъмурияти МОИ “Суғд” ҷиҳати иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон, Қарорҳои Ҳукумати Ҷумҳурии Тоҷикистон, супоришҳо ва фармоишҳои Вазорати рушди иқтисод ва савдо, татбиқи Қонуни Ҷумҳурии Тоҷикистон  “Дар бораи минтақаҳои озоди иқтисодӣ”, Низомномаи минтақаи озоди иқтисодии “Суғд”, Нақшаи кории минтақа барои соли 2024 тадбирҳои зуруриро роҳандозӣ намуд.

Ҳамзамон дар нимсолаи аввали соли 2024 МОИ “Суғд” 3 субъекти нав ба қайд гирифта шуд, ки дар натиҷа шумораи субъектҳо  ба 37 адад  расид, 21 адади он ба фаъолияти истеҳсолӣ, сохтмонӣ, хизматрасонӣ ва савдо машғул мебошад.

Дар ин замина  маҷмўи маҳсулоти саноатии истеҳсолшудаи МОИ “Суғд” дар соли 2024 ба  180,3 млн. сомонӣ баробар гардид, ки нисбат ба ҳамин давраи соли 2023 116,3 % ё 25,3 млн. сомонӣ зиёд мебошад. 

Инчунин ҳаҷми корҳои сохтмонӣ ва хизматрасонӣ  дар ин давраи ҳисоботӣ ба 1,9 млн.сомонӣ расонида шуд, ки  нисбат ба ҳамин давраи соли 2023 146,2 фоиз ё 0,6 млн. сомонӣ зиёд мебошад.     

Бояд қайд кард, ки бозори фурӯши маҳсулоти субъектҳои МОИ “Суғд” ба ғайр аз Ҷумҳурии Тоҷикистон дигар кишварҳо, аз қабили Ӯзбекистон, Қазоқистон, Туркманистон,  Ироқ, Озорбойҷон ва Туркияро дар бар мегирад. Ҳаҷми маҳсулоти содиротии субъектҳо дар давраи ҳисоботӣ 46,2 млн.сомонро ташкил намудааст.

Дар шашмоҳи аввали соли 2024 ҳаҷми сармоягузории мустақим 28,4 млн сомониро ташкил намуд, ки нисбат ба ҳамин давраи соли гузашта (12,8 млн. сомонӣ)  2,2 баробар ё 15,4 млн. сомонӣ зиёд гардида, аз оғози фаъолияти МОИ “Суғд” ба 199,4 млн. сомонӣ баробар гардид.

Дар давраи ҳисоботӣ шумораи умумии ҷойҳои корӣ дар МОИ «Суғд» 885 нафарро ташкил дод, ки нисбат ба ҳамин дарваи соли 2023 (838 нафар) ба 47 ҷойи кории нав ё 105,6 фоиз зиёд мебошад.

Ҳамчунин намояндагони васоити ахбори омма бо Роҳбари Маъмурияти МОИ “Суғд” саволу ҷавоб намуда, ба ҳамаи саволҳояшон посухи мушаххас гирифтанд.

Дар охир Роҳбари Маъмурияти МОИ “Суғд” Муҳаммадзода Муҳаммад Султон ба намояндагони васоити ахбори омма изҳори миннатдории хешро бобати ҳамкории доимӣ бо МОИ “Суғд” баён намуда, онҳоро бо сипоснома қадрдонӣ намуданд.

Тибқи барнома барои аҳли қалам пресс тур ташкил карда шуд, ки меҳмонон аз ширкатҳои  истеҳсолкунандаи МОИ “Суғд” аз наздик дидан намуда, бо роҳбару намояндагони корхонаҳо ҳамсӯҳбат гардидаанд.

  

Маълумоти бештар
МОИ «СУҒД»: МУҲОКИМАИ ИМКОНПАЗИРИИ АМАЛИСОЗИИ ЛОИҲАИ ИННОВАТСИОНӢ ВА АЗ ҶИҲАТИ ЭКОЛОГӢ ТОЗА

МОИ «СУҒД»: МУҲОКИМАИ ИМКОНПАЗИРИИ АМАЛИСОЗИИ ЛОИҲАИ ИННОВАТСИОНӢ ВА АЗ ҶИҲАТИ ЭКОЛОГӢ ТОЗА

Санаҳои 20 то 22 июли соли равон соҳибкори чинӣ Ма Ю Юн аз Ҷумҳурии Мардумии Чин ҷиҳати шоносоӣ бо фаъолият ва бартариҳои МОИ «Суғд» ташриф овард. Ҷаноби Ма намояндаи ширкатҳои Junchi machinery ва Jinpeng, ки бо истеҳсоли автомашинаҳои барқӣ машғуланд, мебошад.

Зимни чанд вохӯриву гуфтушунид ба ҷаноби Ма ва шарики маҳаллии ӯ дар бораи МОИ маълумоти муфассал дода шуда, аз ҳудуди минтақа низ дидан ба амал баровада шуд.

Баъд аз боздид, меҳмонон имконияту имтиёзҳои дар МОИ фароҳамгаштаро баланд арзёбӣ намуда, хоҳиши худро ҷиҳати омӯзиши амиқи имконияти роҳадозии лоиҳаи истеҳсоли автомашина ва мотосиклҳои барқӣ дар зудуди МОИ, бо ҷалби шарикони чинӣ изҳор намуд.

Аз ҷониби Раҳбарияти Маъмурияти МОИ “Суғд” гуфта шуд, ки лоиҳаи мазкур қобили қабул ва имконпазир буда, тибқи қонун дар бораи минтақаҳои озоди иқтисодӣ ба намудҳои афзалиятноки фаъолият дар МОИ мувофиқат мекунад. Аз ҷумла, Роҳбари Маъмурият Муҳаммадзода Муҳаммад Султон чунин қайд намуд, ки Маъмурият ҳамеша ба чунин лоиҳаҳои навоварона таваҷҷуҳи хоса зоҳир намуда, барои ҳамкорӣ ва дастгирии ҳамаҷониба омода мебошад ва дар сурати зарурат тамоми маълумотҳоро иловатан дастрас менамояд.

Дар интиҳои вохӯрӣ Муҳаммадзода Муҳаммад Султон ба ҷаноби Ма Ю Юн барои таваҷҷуҳ ва рағбат изҳори сипос намуда, хотиррасон намуд, ки ҷаноби Ма пас аз мувофиқа кардани лоиҳа бо шарикони дигар ва тасмими ниҳоӣ, бояд лоиҳаи муфассали сармоягузориро таҳия намояд, ки дар асоси санҷиш ва таҳлили он Маъмурият ва мақомотҳои ваколатдори давлатӣ оид ба масъалахои МОИ дар Точикистон, қарорҳои муайян ва дахлдор қабул мекунанд.

Ҷаноби Ма Ю Юн, дар навбати худ барои пазироӣ ва дастгирӣ изҳори сипос намуда, чунин изҳор намуд, ки пас аз бозгашт ба Чин раванди омӯзиш ва машварат бо шарикони чиниро дар мавриди имкониятҳои ифтитоҳи корхонаи истеҳсоли автомашинаҳои барқӣ ​​дар ҳудуди МОИ “Суғд” суръат мебахшад.

Маълумоти бештар
loading