Санаи 3-юми апрели соли 2025 ташрифи донишҷӯёни курси 2-юми факултаи Иқтосоди ҷаҳонии Донишгоҳи иқтисод ва савдои шаҳри Хуҷанд ба МОИ “Суғд” баргузор гардид. Донишҷӯёнро мутахассиси пешбари шӯъбаи Муносибатҳои байналмиллалӣ ва ҷалби сармоягузорӣ Раҳимова Умеда пешвоз гирифта, дар бораи МОИ “Суғд” маълумот пешниҳод намуд.
Ҳадафи ташрифи донишҷӯён ба МОИ “Суғд” шиносоӣ ва мукаммал гардонидани маълумотҳо дар бораи корхонаҳои саноатӣ мебошад. Аз ин лиҳоз донишҷӯён бо якчанд субъектони МОИ “Суғд”, аз ҷумла ҶДММ “Азияполитекс” ва ҶДММ “Тоҷпанел” аз наздик дидан намуда, доир ба фаъолияти онҳо маълумот гирифтанд. Дар охир донишҷӯён миннатдории хешро ба Роҳбарияти МОИ “Суғд” баён намуданд.
Маълумоти бештар
Санаи 1-уми апрели соли 2025 ба Маъмурияти МОИ “Суғд” соҳибкорони Ҷумҳурии Халқии Чин, Мистер Ли ва Мистер Пьнг ташриф оварданд. Роҳбари Маъмурияти Маъмурияти МОИ “Суғд” Муҳаммадзода Муҳаммад Султон дар маҷлисгоҳи Маъмурият меҳмононро хуш пазируфта, дар бораи афзалият ва бартариятҳои МОИ “Суғд” маълумоти мушаххас доданд.
Инчунин дар рафти вохӯрӣ ба довталабон тартиби гирифтани мақоми субъекти МОИ “Суғд” ва аз ҷониби меҳмонон муҳокимаи масъалаи дар оянда мақоми субъекти МОИ “Суғд” шуданро дар самти фаъолияти истеҳсоли масолеҳи сохтмонӣ ( аз ҷумла газаблок) баррасӣ карда шуд.
Маълумоти бештар
30 марти соли 2025 дар доираи тантанаҳои Наврӯзи байналмилалӣ дар МОИ “Суғд” Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон корхонаи истеҳсоли панелҳои сохтмонии ҶДММ “Тоҷпанел”-ро ифтитоҳ намуданд. Иқтидори корхонаи истеҳсолӣ дар 1 сол истеҳсоли 15 ҳазор метри мураббаъ панелҳои ороишӣ ва 500 метри мураббаъ панелҳои байниҳуҷравӣ мебошад. Семент ва дигар ашёи хоми истифодашаванда дар истеҳсолот ватанӣ аст.
Маълумоти бештар
.Санаи 25 марти соли 2025 ба Маъмурияти МОИ «Суғд» таҳти роҳбарии муовини Раиси вилояти Фарғонаи Ҷумҳурии Ӯзбекистон Турсунов Алибек Маъмурҷонович ва ҳайати соҳибкорони вилояти мазкур бо мақсади шиносоӣ аз фаъолияти МОИ “Суғд” ташриф оварданд.
Роҳбари Маъмурияти МОИ “Суғд” Муҳаммадзода Муҳаммад Султон дар даромадгоҳи МОИ “Суғд” меҳмононро хуш пазируфта аз рафти фаъолияти якчанд субъекҳо аз ҷумла: ҶДММ КМ ТТ “Таҷпроф”, ҶДММ “Азияполитекс”, ҶДММ КФ “Фортуна-Ко” ва ҶДММ КМ ТТ “Арча- мебел” дидан намуда, бо роҳбарияти корхонаҳои мазкур ҳамсӯҳбат шуданд.
Маълумоти бештар
Қаблан фарорасии Наврӯзи байналмиллалиро, ки бо пайки хуҷастаи худ ба табиати куҳандиёр таровати тоза, ба хонадон шодиву нишот ва файзу баракат, ба дили мардум армуғони умеду орзуҳои наҷиб меорад, бароятон табрик намуда, олитарин ормонҳои некро таманно дорам.
Наврӯз қадимтарин ҷашн дар давоми солҳо шаҳомати таърихии моро таъмин намуда, барои шинохти миллати мо бисёр пояи бузург гузошт. Мо миллати наврӯзем, ки беш аз шаш ҳазор сол мешавад онро ҷашн мегирем.
Бояд қайд намоем, ки Наврӯз покиву покизакорӣ ва осодагиву накӯкориро дар ҳама давру замон талқин намуда, мардумро ба созандагиву бунёдкориҳо даъват мекунад. Ҳамин аст, ки ин ҷашни бузург бо шарофати озодиву соҳибистиқлолии Ватани маҳбубамон на танҳо мақоми расмиро соҳиб гардид, балки бо талошҳои Пешвои муаззами миллат, муҳтарам Эмомалӣ Раҳмон ба ҳайси ҷашни эҳёи табиату зебоӣ мақоми байналмиллалиро касб карду ҳамчун омили ҳамгироӣ дар замони ҷаҳонишавӣ пазируфта шуд.
Ба ин манзур якояки Шуморо ба муносибати фаро расидани Наврӯзи ҷаҳонӣ самимона табрик гуфта, умедворам, ки соли нави аҷдодиро дар фазои амни сулҳу миллат ва дастоварҳои тозаи корӣ сипарӣ мекунед.
Наврӯзи оламафрӯз муборак!
Бо эҳтиром,
Роҳбари МД Маъмурияти МОИ “Суғд” Муҳаммадзода М.С.
Маълумоти бештар
Санаи 14 марти соли 2025 донишҷӯёни хатмкунандаи факултаи Иқтосоди ҷаҳонии Донишгоҳи иқтисод ва савдои шаҳри Хуҷанд ба МОИ “Суғд” ташриф оварданд. Донишҷӯёнро дар маҷлисгоҳи МОИ “Суғд” муовини Роҳбари МОИ “Суғд” Ҳакимов Н.А. пешвоз гирифтанд. Сипас аз ҷониби Сармутахассиси шӯъбаи муносибатҳои байналмиллалӣ ва ҷалби сармоягузорӣ Ҳалимбойзода Озодҷон муаррифинамоӣ (презентатсия) гузаронида шуда, ба донишҷӯён дар бораи фаъолияти МОИ “Суғд” ва субъектон малумоти мушаххас пешниҳод карда шуд.
Ҳадафи ташрифи донишҷӯён ба МОИ “Суғд” шиносоӣ ва мукаммал гардонидани маълумотҳо дар бораи корхонаҳои саноатӣ мебошад. Аз ин лиҳоз донишҷӯён бо якчанд субъектони МОИ “Суғд”, аз ҷумла ҶДММ “КФ Фортуна Ко” ва ҶДММ “Азияпоитекс” аз наздик дидан намуда, доир ба фаъолияти онҳо маълумот гирифтанд.
Ҳамчунин донишҷӯён дар вақти боздид бо маълумотҳои нав дар бораи корхонаҳои саноатӣ ва технологияҳои муосир шинос шунанд, ки ин ба онҳо барои мукаммал намудани дониш ва маҳорати касбиашон кӯмак мерасонад. Дар интиҳо омӯзгорон ва донишҷӯён миннатдории хешро ба Роҳбарияти МОИ “Суғд” баён намуданд.
Маълумоти бештар
