Category: Ахборот

• 19.04.202419.04.2024

Вохурии намояндагони Маъмурияти МОИ “Суғд” бо устодон ва донишҷуёни Муассисаи таълимии ғайридавлатии “Донишкадаи саноат ва хизматратрасонӣ” ва намояндагони субъектони МОИ “Суғд”.

Санаҳои  17-18 апрели соли 2024 дар асоси фармоиши Роҳбари Маъмурияти МОИ “Суғд” аз 11 апрели соли 2024 таҳти №06, намояндагони Маъмурияти МОИ “Суғд” дар толори Муассисаи таълимии ғайридавлатии “Донишкадаи саноат ва хизматрасони” бо  устодон ва донишҷӯёни донишкадаи мазкур ва санаи 18 апрели соли 2024 бо намояндагони субъектони МОИ “Суғд” оиди суханрониҳои Асосгузори сулҳу ваҳдати миллӣ – Пешвои Миллат, Президенти Ҷумҳурии Тоҷикистон муҳтарам Эмомалӣ Раҳмон дар мулоқот бо фаъолон, намояндагони ҷомеа ва ходимони дини кишвар, ки дар Кохи Ваҳдати шаҳри Душанбе санаи 9 марти соли 2024  баргузор гардида буд, вохурӣ баргузор намуданд.

Ректори “Донишкадаи саноат ва хизматрасонӣ”, Холиқов М., сухани ифтитоҳиро оғоз бахшида ҳозиринро бо рӯзномаи ҷаласа шинос намуд ва суханро ба муовини якуми Роҳбари Маъмурияти МОИ “Суғд”, Зикриёзода С., дод.

Сипас Зикриёзода С. доир ба паҳлуҳои асосии суханронии Асосгузори сулҳу ваҳдати миллӣ – Пешвои Миллат, Президенти Ҷумҳурии Тоҷикистон муҳтарам Эмомалӣ Раҳмон дар мулоқот бо фаъолон, намояндагони ҷомеа ва ходимони дини кишвар, ки дар Кохи Ваҳдати шаҳри Душанбе санаи 9 марти соли 2024 баргузор гардида буд, баромад намуд. Ҳамчунин ҳуқуқшиноси Маъмурияти МОИ “Суғд” Носиров М., доир ба  риояи Қонунгузориҳои Ҷумҳурии Тоҷикистон: “Дар бораи масъулияти падару модар дар таълиму тарбияи фарзанд”, “Дар бораи танзиму анъана ва ҷашну маросимҳо”, “Дар бораи озодии виҷдон ва иттиҳодияҳои динӣ” ҳамчунин доир ба соли 2024 эълон гаштани соли маърифати ҳуқуқӣ баромад намуд.

Инчунин дар рафти вохури оид ба  моҳияти Қонуни Ҷумҳурии Тоҷикистон “Дар бораи муқовимат бо коррупсия ” масъалаҳои хавфҳои  коррупсионӣ ва пешгирии он мавриди таҳлил ва баррасӣ қарор дода шуданд.

• 12.04.202416.04.2024

Ҷаласаи кории Роҳбари Маъмурияти МОИ “Суғд” доир ба “Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар мулоқот бо фаъолон, намояндагони ҷомеа ва ходимони дини кишвар” бо кормандони Маъмурияти МОИ “Суғд”

Санаи 11 апрели соли 2024 дар маҷлисгоҳи Маъмурияти МОИ “Суғд” Роҳбари Маъмурият Муҳаммадзода  Муҳамад Султон  доир ба “Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар мулоқот бо фаъолон, намояндагони ҷомеа ва ходимони дини кишвар” ки санаи 9 марти соли 2024 баргузор гардида буд, ба аҳли кормандони Маъмурияти МОИ “Суғд” оид ба мӯҳтавои ин баромади муҳим суханронӣ намуданд.

Ҳамчунин Роҳбари Маъмурият қайд намуданд, ки ҳар яки мо бояд ҳисси баланди вадтандӯстӣ дошта бошем ва ба аҳли ҷомеа бояд корҳои фаҳмондадиҳӣ гузаронем то ватану миллати хешро дӯст доранд ва барои ояндаи Ватан, давлат миллат масъулияти баланд дошта бошанд. Чи тавре, ки Пешвои миллат  дар суханрониашон қайд намуданд: “Мо бояд иттиходу ҳамбастагӣ, сулҳу суботи ҷомеа ва ваҳдати миллиамонро, ки ҷавшани миллии мо дар муқобили хатарҳои замони муосир мебошанд, чун гавҳараки чашм ҳифз кунем, зеро қудрати мо дар иттиҳоду сарҷамъӣ, ватандӯстӣ ва заҳмати содиқонаи мо ба хотири ободии Ватан ва рушди давлатамон аст”.

Дар рафти ҷаласса ба масъулин супориш вогузор намуд, ки шахсони мутассади ва гуруҳи кори тибқи фармон таъин карда шуда ба корхонаҳои ҳудуди МОИ “Суғд” оиди суханони презеденти Ҷумҳурии Тоҷикистон, Пешвои миллат муҳтарам Эмомалӣ Раҳмон дар мулоқот бо фаъолон, намояндагони ҷомеа ва ходимони дини кишвар ба пурраги шинос намуда корҳои фаҳмондадиҳи гузаронида шавад.

Дар хотимаи ҷаласа Роҳбари Маъмурияти МОИ “Суғд” Муҳаммадзода Муҳаммад Султон хоҳиш ва иброз намуд, ки ҳар як корманди маъмурият масъулияти баланди ватанпарастиву ватандӯстиро ҳис намуда, баҳри сулҳу субот ва ороми дар кишвар якумин аз оилаи худ, ба фарзандону, наберагон, хеше ақрабову ҳамсоягон корҳои фахмондадиҳӣ ташкил намоянд.

• 12.04.202412.04.2024

Сухани табрикотии Роҳбари Маъмурияти МОИ “Суғд” ба мардуми шаҳри Истиқлол

Санаи 10 апрели соли 2024 Роҳбари Маъмурияти МОИ “Суғд” Муҳаммадзода Муҳаммад Султон Паёми табрикотии Раиси вилояти Суғд мӯҳтарам Раҷаббой Аҳмадзодаро ба мардуми шаҳри Истиқлол баён намуда, чунин таманиётҳоро зикр намуд.

Иди саиди Фитр ифодагари беҳтарин арзишҳои олии инсонӣ – сабру таҳаммул, накўкорӣ, раҳму шафқат ва меҳру муҳаббат буда, ҳамасола дар кишвари соҳибистиқлоли мо бо ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва шарофати озодиву соҳибистиқлолии Ватани маҳбубамон дар сатҳи баланд таҷлил мегардад.

Дар рафти суханронӣ Муҳаммадзода Муҳаммад Султон қайд кард, ки Пешвои муаззами миллат муҳтарам Эмомалӣ Раҳмон дар мулоқоташон бо намояндагони ҷомеа, фаъолон ва ходимони дини ҷумҳурӣ ба муносибати фарорасии моҳи шарифи Рамазон роҷеъ ба фазилатҳои ин моҳи муборак, аз ҷумла чунин таъкид намуданд: “Ин моҳи муборак барои мусулмонон василаи эътиқодии муҳим ҷиҳати анҷом додани корҳои хайру савоб, амалҳои писандида, дасту забони пок доштан, гузашт кардану бахшидан, бо сабру таҳаммул будан ва дигар хислатҳои ҳамидаи инсонӣ маҳсуб мешавад”.

Воқеан ҳам, бунёд ва таъмиру азнавсозӣ намудани роҳу пулҳо, беморхонаву бунгоҳҳои тиббӣ, марказҳои хизматрасонӣ, мактабу кӯдакистон, кофтани чоҳҳои амудӣ ва обёрӣ намудани заминҳо аз ҷумлаи садақаи ҷория мебошад, ки анҷомдиҳандаи ин иқдом ҳам дар дунё ва ҳам дар охират аз ин амалҳои хайр савоб мегирад.

Муҳаммадзода Муҳаммад Султон дар идомаи суханони табрикотӣ иброз кард, ки боварии комил дорам, ки сокинони сарбаланди вилоят дар оянда низ баҳри рушду шукуфоӣ ва ободии Ватани азизамон заҳмат кашида, барои дар амал татбиқ намудани ҳадафҳои созандаи давлату Ҳукумат ва болоравии сатҳу сифати зиндагии мардум аз ҳарвақта бештар  талош меварзанд.

Бо ҳамин ниятҳои нек, ба самми иштирокдорону ҳамватанони гиромиро боз як бори дигар бо фарорасии Иди саиди Фитр табрик гуфта, сиҳату саломатӣ, зиндагии орому осуда, хонаи обод, файзу баракат ва ризқу рўзии фаровон орзу намуд.

• 09.04.2024

• 01.04.2024

ТАШРИФИ ҲАЙАТИ ПАЛАТАИ САВДО ВА САНОАТИ ВИЛОЯТИ НИЖЕГОРОДСКИ ФЕДЕРАТСИЯИ РОССИЯ БА МАЪМУРИЯТИ МОИ “СУҒД”

28  марти соли 2024 ба МОИ «Суғд»  таҳти роҳбарии муовини Раиси вилояти Суғд Анвар Яъқубӣ ва Директори палатаи савдо ва саноати вилояти Нижегородски Федератсияи Россия Разуваев Иван Андреевич бо мақсади шиносоӣ аз фаъолияти МОИ “Суғд” ташриф оварданд. 

Роҳбари Маъмурияти МОИ “Суғд” Муҳаммадзода Муҳаммад Султон дар даромадгоҳи МОИ “Суғд” меҳмононро хуш пазируфта, меҳмононро бо фаъолияти як қатор субъектҳои МОИ “Суғд” аз ҷумла: ҶДММ КМ ТТ “Таҷпроф”, ҶДММ КМ “Силкоат-Бойя”, ҶДММ “Азияполитекс”, ҶДММ КФ “Фортуна Ко” ва МТҒ “Донишкадаи саноат ва хизматрасонӣ” шинос намуда, бо масъулини корхонаҳо ҳамсӯҳбат шуданд.

Сипас, дар маҷлисгоҳи ҶДММ КФ “Фортуна Ко”  сармутахассиси шӯъбаи итилоотӣ Қаюмова Ф. тариқи рунамо оиди фаъолияту имтиёзҳо, МОИ “Суғд”-ро муаррифӣ намуда, ба саволҳои  меҳмонон ҷавобҳои мушаххас дод.

• 20.03.2024

ҶАШНИ БАЙНАЛМИЛАЛИИ НАВРӮЗИ ҶАҲОНАФРӮЗ МУБОРАК!

Маъмурияти МОИ ”Суғд” бо камоли эҳтиром ва ифтихори бепоён ҳамватанони азизро ба муносибати фарорасии ҷашни шукӯҳманди аҷдодӣ – Наврӯзи байналмилалӣ самимона табрику муборакбодӣ намуда, бароятон сиҳативу саломатӣ, хушбахтиву хушҳолӣ, сарбаландиву пирӯзӣ ва дар фаъолиятатон барору комёбиҳо таманно менамоем. Боиси ифтихору сарфарозист, ки Наврӯз дар партави ғояҳои зиндагиафрӯз ва нусратбахши Истиқлолияти давлатиамон ба марҳалаи нави эҳёи худ расида, туфайли сиёсати тамаддунофар ва фарҳангпарваронаи давлат ва Ҳукумати Ҷумҳурӣ, пеш аз ҳама Асосгузори сулҳу Ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мақоми хоса пайдо намуд ва аз ҷашни мардумӣ то сатҳи ҷашни давлатӣ ва байналмилалӣ эътироф гардид. Дар партави сиёсати халқпарварона ва ободкоронаи Пешвои муаззами миллат имрӯзҳо сокинони меҳнатқарини шаҳрамон чун тамоми мардуми шарифи Тоҷикистони азиз ба раванди корҳои созандагиву бунёдкорона вусъати тоза бахшида, баҳри шукуфоиву сарсабзӣ ва ободии Ватани маҳбубамон фидокорона меҳнат менамоянд. Бигзор, Наврӯзи бостонӣ ва баҳори нозанин барои мардуми Тоҷикистони азиз фаровониву ободӣ, шодиву нишот ва дастовардҳои беназир оварад.

• 15.03.2024

ТАШРИФИ САФИРИ ФАВҚУЛЛОДА ВА МУХТОРИ ФЕДЕРАТСИЯИ РОССИЯ ДАР ҶУМҲУРИИ ТОҶИКИСТОН ГРИГОРЬЕВ С.В. БА МАЪМУРИЯТИ МОИ “СУҒД”

13 марти соли 2024 ба МОИ «Суғд» Сафири Фавқуллода ва Мухтори Федератсияи Россия дар Ҷумҳурии Тоҷикистон мӯҳтарам Григорьев С.В. бо мақсади шиносоӣ аз фаъолияти МОИ “Суғд” ташриф оварданд. 

 Роҳбари маъмурияти МОИ “Суғд” Муҳаммадзода М.С. дар даромадгоҳи МОИ “Суғд” меҳмонони олиқадрро хуш пазируфта, оиди фаъолият, имтиёз ва бартариҳои МОИ “Суғд” маълумоти мушаххас доданд.

 Сипас, меҳмонон аз як қатор субъектҳои МОИ “Суғд” аз ҷумла: ҶДММ КМ ТТ “Таҷпроф”, ҶДММ КФ “Фортуна Ко” ҶДММ КМ ТТ “Арча-мебел” ва ҶДММ “Азияполитекс” дидан намуда, бо роҳбарияти корхонаҳо ҳамсӯҳбат шуданд.

• 07.03.2024

ЗАНОНУ МОДАРОН НИГИНИ ПУРҶИЛОИ ТОҶИ МИЛЛАТАНД! ИД МУБОРАК БОНУВОНИ АЗИЗ!

Ҳамасола  санаи 8 март тибқи Фармони Президенти Ҷумҳурии Тоҷикистон муҳтарам Эмомалӣ Раҳмон ҳамчун «Рӯзи модар» таҷлил мегардад. Ин рӯз бо мақсади бузургдошти Зан-Модар, ки офарандаи ҳаёт, тарбиятгари наслҳо, ҳидоятгари наврасону ҷавонон ба роҳи нек ва пойдории оила медошад, «Рӯзи модар» эълон гардидааст.

Зан – модар азизтарин вуҷуди рӯи замин мебошад ва зиндагӣ аз нафаси гарму дилнавози ӯ оғоз мегирад. Зан – модар сарчашмаи меҳру вафо, олиҳаи зебоӣ, рамзи ишқи ҷовидонӣ, нахустин мураббӣ ва муаллими фарзанд мебошад. Зеро тору пуди модарон аз риштаи меҳру садоқат бофта шудааст.

Дар замири фарзанд тарбия кардани эҳсоси садоқату самимият, некиву накӯкорӣ, хайру саховат ва ташаккули маънавии наслҳо натиҷаи заҳмати шабонарӯзии модарони мушфиқу ғамхор ва мӯнису меҳрубон мебошад.

Ҳамду сано ба зан – модар, ки муҳаббати ӯ интиҳо надорад ва пойдории ҳаёти инсоният ва бақои одамият аз бузургиву фазилатҳои ӯст.

• 05.03.202405.03.2024

ТАШРИФИ НАМОЯНДАИ ПАЛАТАИ  САВДО ВА САНОАТИ ҶУМҲУРИИ ТОҶИКИСТОН ДАР ҶУМҲУРИИ КОРЕЯ ҶАНОБИ БЕКИ ХАН БА МАЪМУРИЯТИ МОИ “СУҒД”

29  феврали соли 2024 ба МОИ «Суғд» намояндаи  Палатаи савдо ва саноати Ҷумҳурии Тоҷикистон дар Ҷумҳурии Корея  – ҷаноби Беки Хан бо мақсади шиносоӣ аз фаъолияти МОИ “Суғд” ва  ҳамкорӣ намудан ташриф овард. 

Роҳбари Маъмурияти МОИ “Суғд” Муҳаммадзода М.С. дар маҷлисгоҳи Маъмурият меҳмононро хуш пазируфта, оиди фаъолият, имтиёз ва афзалиятҳои МОИ “Суғд” маълумоти мушаххас доданд.

Дар навбати худ ҷаноби Беки Хан қайд кард, ки худ соҳибкор аст ва мехоҳад дар МОИ “Суғд” корхонаи истеҳсоли қубурҳо барои сохтани гармхона бунёд намояд. Дар ин замина ӯ бизнес-нақшаи худ оид ба истеҳсоли ингуна қубурҳоро муаррифӣ намуд.

Сипас Роҳбари Маъмурияти МОИ “Суғд” Муҳаммадзода М.С бизнес-нақшаи муаррифигардидаро қобили дастгири арзёбӣ намуда, омодагии худро ҷиҳати ҳамкорӣ намудан ҳангоми муроҷиати расмӣ баён намуд.

• 05.03.2024

ТАШРИФИ НАМОЯНДАГОНИ РАЁСАТИ АНДОЗИ ВИЛОЯТИ СУҒД ВА НОЗИРОТИ АНДОЗИ ШАҲРИ ХУҶАНД БА МОИ “СУҒД”

23 юми феврали соли 2024 намояндагони Раёсати андоз дар вилояти Суғд Исломиддинов Х.М., Ҳусейнзода Б. ва муовини нозироти андоз дар шаҳри Хуҷанд Нуризода Ф. бо мақсади фаҳмонидани пешниҳоди эъломияҳо ва ҳисоботи дигар андозҳо ба Маъмурияти МОИ “Суғд”  ташриф оварданд.

Роҳбари Маъмурияти МОИ “Суғд” Муҳаммадзода М.С. дар маҷлисгоҳи Маъмурият намояндагони Раёсати андоз ва роҳбарону сармуҳосибони субъектҳои минтақаро хуш пазируфта ҷаласаи кориро ҳусни ифтитоҳ бахшиданд.

Сипас, намояндаи Раёсати андоз дар вилояти Суғд Исломиддинов Х.М. баромад карда, иштирокчиёнро бо рӯзномаи ҷаласа шинос намуданд. Инчунин дар рафти ҷаласаи корӣ бо роҳбарону сармуҳосибони субъектҳои МОИ “Суғд” оиди масъалаҳо ва муаммоҳои мавҷуда саволу ҷавоб доир гардид.

Дар охир Роҳбари Маъмурияти МОИ “Суғд” Муҳаммадзода М.С. ба намояндагони Раёсати андоз дар вилояти Суғд барои ташкил ва гузаронидани ҷаласаи корӣ изҳори миннатдорӣ карда, ба ҳама бурдбориҳо таманно намуданд.