Category: Ахборот

БОЗДИДИ ҲАЙАТИ СОҲИБКОРОН ВА НАМОЯНДАГОНИ ВИЛОЯТИ МОГИЛЁВИ ҶУМҲУРИИ БЕЛОРУС ТАҲТИ РОҲБАРИИ МУОВИНИ РАИСИ ВИЛОЯТИ МОГИЛЁВ СТРАХАН РУСЛАН АЗ МИНТАҚАИ ОЗОДИ ИҚТИСОДИИ “СУҒД”.

БОЗДИДИ ҲАЙАТИ СОҲИБКОРОН ВА НАМОЯНДАГОНИ ВИЛОЯТИ МОГИЛЁВИ ҶУМҲУРИИ БЕЛОРУС ТАҲТИ РОҲБАРИИ МУОВИНИ РАИСИ ВИЛОЯТИ МОГИЛЁВ СТРАХАН РУСЛАН АЗ МИНТАҚАИ ОЗОДИ ИҚТИСОДИИ “СУҒД”.

Зимни боздид аз вилояти Суғд, ҳайати калони соҳибкорон ва намояндагони вилояти Могилёв санаи 03 декабри соли 2021 ба Минтақаи озоди иқтисодии “Суғд” ташриф оварданд. Ҳайати намояндагони вилояти Могилёвро сафири Ҷумҳурии Белорус дар Ҷумҳурии Тоҷикистон ҷаноби Денисенко Виктор Александрович ҳамроҳӣ мекард.

       

Роҳбари Маъмурият Камолиддинзода Илёсиддин ҳамроҳи кормандони масъули минтақа, меҳмононро пешвоз гирифта, бо соҳибкорон ва намояндагони вилояти зикргардида, алалхусус бо муовини якуми Роҳбари минтақаи озоди иқтисодии Моглиёви Ҷумҳурии Белорус Туз Максим Владимирович аз фаъолият, инфрасохтор ва имкониятҳои бештари сармоягузорӣ дар Минтақаи озоди иқтисодии “Суғд” шинос намуданд. Сипас дар доираи гуфтушунид байни ду минтақаҳои озоди иқтисоди ёддошти тафовум ба имзо расонида шуд ва дар ин васила ҳамкорӣ байни соҳибкорони Ҷумҳурии Белорус ва Ҷумҳурии Тоҷикистон қавитар гардид. Ин созиши ба имзо расида ба соҳибкорон ва сармоягузорон имконият медиҳад бо истифода аз технологияҳои муосир корхонаҳои нав бунёд намояд, ва ба рушди иқдисодиёти кишварҳо саҳми худро гузоранд.

        Сипас Роҳбари Маъмурият меҳмононро аз субъектҳои минтақа ҶДММ КФ “Фортуна-Ко”, ҶДММ КМ ТТ “Таҷпроф” ва ҶДММ КМ ТТ “Силкоат-боя” шинос карданд.

        Бояд тазаккур дод, зимни боздид аз субъектҳои минтақа байни ширкатҳои ҶДММ КФ “Фортуна-Ко”, ҶДММ КМ ТТ “Таҷпроф” ва ҶДММ КМ ТТ “Силкоат-боя” бо соҳибкорони вилояти Моглиёви Ҷумҳурии Белорус созишномаи ҳамкорӣ баста шуд.

Маълумоти бештар
Боздиди ҳайати калони соҳибкорони вилояти Красноярски Федератсияи Россия, бо роҳбарии Президенти Палатаи савдо ва саноати Сибири марказӣ Рафаел Шагиев аз Минтақаи озоди иқтисодии “Суғд”.

Боздиди ҳайати калони соҳибкорони вилояти Красноярски Федератсияи Россия, бо роҳбарии Президенти Палатаи савдо ва саноати Сибири марказӣ Рафаел Шагиев аз Минтақаи озоди иқтисодии “Суғд”.

Зимни ташрифи ҳайати калони соҳибкорони вилоятии Красноярски Федератсияи Россия, бо роҳбарии Президенти Палатаи савдо ва саноати Сибири марказӣ Рафаел Шагиев зимни ташриф ба вилояти Суғд бо ҳамроҳии намояндагони мақомоти иҷроияи ҳокимияти давлатии вилоят санаи 26 ноябри соли 2021 аз Минтақаи озоди иқтисодии “Суғд” боздид намудаанд.  

          Роҳбари Маъмурият Камолиддинзода Илёсиддин меҳмононро аз фаъолият ва имкониятҳои сармоягузорӣ дар Минтақаи озоди иқтисодии “Суғд” шинос намуда зикр карданд, ки минтақаи озоди иқтисодии “Суғд” ба соҳибкорон имконият медиҳад бо  истифода аз технологияҳои муосир корхонаҳои нав бунёд намояд.

          Сипас Роҳбари Маъмурият меҳмононро аз субъектҳои минтақа ҶДММ “Арча-мебел”, ҶДММ КМ ТТ “Таҷпроф”, ҶСК “Ариана металл пласт” ва Филали “Хантана канада ИНК дар Тоҷикистон” шинос карданд. Меҳмонон аз раванди истеҳсолии корхонаҳои мазкур шинос шуда, ба маҳсулотҳои таёрнамудаи онҳо баҳои баланд доданд.

Маълумоти бештар
Рӯзи Конститутсияи Ҷумҳурии Тоҷикистон муборак!!!

Рӯзи Конститутсияи Ҷумҳурии Тоҷикистон муборак!!!

         Маъмурияти минтақаи озоди иқтисодии “Суғд”  бо арзи эҳтироми беандоза Шуморо ба муносибати фарорасии ҷашни 27-умин солгарди қабули Конститутсияи Ҷумҳурии Тоҷикистон табрику муборакбод намуда, бароятон беҳтарин орзуҳои зиндагӣ, некрўзиву хушбахтӣ, сиҳатмандӣ ва бахту саодати рўзгорро  таманно дорад.

        Дар ҳақиқат, Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон қабули Конститутсияро арзишмандтарин дастоварди мардум ва давлати тоҷикон дар интиҳои асри гузашта ва натиҷаи мантиқии талошҳои ҷомеаи адолатпарвар дар роҳи расидан ба марҳалаи тозаи рушду инкишофи хеш ва муаррифии кишвари мо ба оламиён ҳисобидаанд.

         Хоҳони онем, ки ин бахтномаи миллат ба фаъолияти ҳамешагӣ ва пурмасъулиятатон ҷиҳати рушди давлатдории навини тоҷикон, бунёди ҷомеаи ҳуқуқбунёду демократӣ ва дурахшонии фардои кишвар руҳу илҳоми тоза бахшад.

Маълумоти бештар
Боздиди Сафири фавқулода ва мухтори Ҷумҳурии Федеративии Олмон дар Ҷумҳурии Тоҷикистон ҷаноби Андреас Протманн аз МОИ “Суғд”

Боздиди Сафири фавқулода ва мухтори Ҷумҳурии Федеративии Олмон дар Ҷумҳурии Тоҷикистон ҷаноби Андреас Протманн аз МОИ “Суғд”

Санаи 30 октябри соли 2021 Сафири фавқулода ва мухтори Ҷумҳурии  Федеративии Олмон дар Ҷумҳурии Тоҷикистон ҷаноби Андреас Протманн зимни ташриф ба вилояти Суғд бо ҳамроҳии намояндагони мақомоти иҷроияи ҳокимияти давлатии вилоят аз МОИ “Суғд” дидан карданд. Роҳбари Маъмурият мӯҳтарам Камолиддинзода Илёсиддин Ҷамолиддин бо мақсади тақвияти ҳамкориҳо байни кишварҳои Олмон ва Тоҷикистон ва дар ин замина ҷалби бештари сармоягузорони дохилию хориҷӣ ба иқтисодиёти кишвар меҳмононро аз фаъолияти субъектҳои минтақа, аз он ҷумла ҶДММ “Арча мебел”, ҶДММ КМ ТТ “Таҷпроф”, ҶДММ КМ ТТ “Силкоат Боя” ва МТҒ “Колеҷи техникии ш. Хуҷанд ” шинос карданд. 

Дар ин замина иброз гардид, ки минбаъд низ барои тақвият бахшидан ба рушди муносибатҳои иқтисодӣ байни кишварҳои Олмон ва Тоҷикистон тавассути истифодаи васеи имтиёзҳои андозию гумрукӣ ба соҳибкорон тавассути Минтақаи озоди иқтисодии “Суғд” тадбирҳои зарурӣ андешида хоҳад шуд.

Маълумоти бештар
Иштироки намояндагон ва субъетҳои МОИ «Суғд» дар VII Ярмаркаи байналмилалии савдо “Суғд-2021”

Иштироки намояндагон ва субъетҳои МОИ «Суғд» дар VII Ярмаркаи байналмилалии савдо “Суғд-2021”

Санаи 20 октябри соли 2021 дар идомаи кори форуми “Имкониятҳои тиҷорату сармоягузорӣ ва дурнамои рушди минтақаҳо” дар Қасри варзиши шаҳри Хуҷанд ҳафтумин Ярмаркаи байналмилалии савдо “Суғд-2021” баргузор гардид.  

Дар Ярмаркаи байналмилалии муовини якуми Сарвазири Ҷумҳурии Тоҷикистон Давлаталӣ Саид, Раиси вилояти Суғд Раҷаббой Аҳмадзода, раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Саъдӣ Қодирзода, намояндагони вазорату идораҳо, сафири Тоҷикистон дар Ӯзбекистон Абдуҷаббор Раҳмонзода, намояндаи доимии Барномаи Рушди СММ дар Тоҷикистон Мехта Пратибха, намояндаи тиҷоратии Федератсияи Россия дар Ҷумҳурии Тоҷикистон Евгений Коренков, президенти палатаи савдо ва саноати вилояти Липетски Федератсияи Россия Анатолий Голтсов, муовини ҳокими вилояти Тошканди Ҷумҳурии Ӯзбекистон Равшан Юлдошев, роҳбарони ташкилоту идораҳои вилоятӣ, беш аз 200 нафар тоҷирону соҳибкорон ва сармоягузорон аз Россия ва Ӯзбекистон, зиёда аз 200 нафар соҳибкорону роҳбарони корхонаҳои саноатии вилоят ва дигар минтақаҳои кишвар иштирок намуданд.

Дар ярмаркаи мазкур маҳсулоти беш аз 200 корхонаҳои саноатӣ ва маҳсулоти кишоварзӣ, ки дар қатори онҳо субъектҳои МОИ “Суғд” ҶСК “Ариана Метал пласт”, ҶДММ КФ “Фартуна Ко”, ҶДДМ “Равзана Пласт”, ҶДММ КМ “Сикоят Бойя” маҳсулоти истеҳсолшавандаи худро ба намоиш гузоштанд, ки меҳмонони дохиливу хориҷӣ аз он боздид намуданд.

Дар рафти чорабинӣ намояндагони Маъмурияти МОИ “Суғд” бо соҳибкорону тоҷирон ва муасиссону роҳбарони корхонаҳо, масъулини мақомоти давлатии кишварҳои иштироккунанда, миёни ҳам мубодилаи иттилоъ  намуда,  баҳри ҳамкории дутарафа гуфтушунидҳои дуҷониба гузаронидаанд.

Дар натиҷаи гуфтушинидҳо дар қисмати маросими пӯшидашавии ярмаркаи байналмилалӣ, Маъмурияти МОИ “Суғд” бо МОИ “Ургути” вилояти Самарқанди Ҷумҳурии Ӯзбекистон, бо муассиси LLC “Kokand Bicycles”, ва  бо роҳбарияти ФХ «AGRO EXPORT Yangiobod» ёддошти тафоҳум ба имзо расонида шуд.

Маълумоти бештар
Боздиди меҳмонон дар доираи форуми “Имкониятҳои тиҷоративу сармоягузорӣ ва дурнамои рушди минтақаҳо” аз фаъолияти МОИ “Суғд”.

Боздиди меҳмонон дар доираи форуми “Имкониятҳои тиҷоративу сармоягузорӣ ва дурнамои рушди минтақаҳо” аз фаъолияти МОИ “Суғд”.

Санаи 18 октябри соли ҷорӣ дар доираи форуми “Имкониятҳои тиҷоративу сармоягузорӣ ва дурнамои рушди минтақаҳо” гурӯҳи соҳибкорон бо роҳбарии Президенти палатаи савдо ва саноати вилояти Липетски Федератсияи Россия Анатолий Голтсов  аз фаъолияти субъектҳои МОИ “Суғд” дидан намудаанд.

 

 

Маълумоти бештар
Боздиди директори Ассотсиатсияи кластерҳо, технопаркҳо ва ММИ-и Россия Шпиленко Андрей Викторович ба МОИ “Суғд”

Боздиди директори Ассотсиатсияи кластерҳо, технопаркҳо ва ММИ-и Россия Шпиленко Андрей Викторович ба МОИ “Суғд”

4 октябри соли равон дар доираи сафари корӣ ба Ҷумҳурии Тоҷикистон, директори Ассотсиатсияи кластерҳо, технопаркҳо ва ММИ Россия Андрей Викторович Шпиленко ва кормандонаш  аз МОИ «Суғд» дидан карданд.

         Муовини якуми роҳбари Маъмурияти МОИ «Суғд» Зикриёзода Суҳроб ба меҳмонон дар бораи фаъолияти МОИ «Суғд», хусусан дар бораи фазои сармоягузорӣ, имтиёҳои андозӣ, инфрасохтор, самтҳои афзалиятноки фаъолияти МОИ, лоиҳаҳои барои беҳтар кардани ҷолибияти  инвеститсионӣ равонагардида, маҳсулоти истеҳсошаванда дар субектҳо ва дигар масъалаҳо маълумот дод.

        Дар вохӯрӣ инчунин роҳбарон ва мутахассисони шӯъбаҳои Маъмурияти МОИ «Суғд» иштирок карданд, ки ба меҳмонон дар бораи фаъолияти шӯъбаҳои худ маълумоти муфассал доданд.

         Дар навбати худ, Андрей Шпиленко барои маълумоти пурра изҳори миннатдорӣ карда, дар бораи имкониятҳои ҳамкорӣ, ки ба нафъи ҳарду ҷониба мебошанд, қайд кард.

          Меҳмонон инчунин қайд карданд, ки онҳо дар идомаи ҳамкорӣ кушиш хоҳанд кард, то дар рушди муносибатҳои дуҷониба дар соҳаҳои тадқиқот ҳамкорӣ кунанд, таҷрибаҳои байналмилалиро амалӣ созанд, барои расидан ба ҳадафҳои умумӣ якдигарро дастгирӣ ва кӯмак расонанд.

         Дар идомаи вохӯрӣ барои меҳмонон боздид аз як қатор корхонаҳои ҳудуди минтака ташкил карда шуд, ки онҳо бо фаъолияти истеҳсолии корхонаҳои ҶСК “Ариана Метал Пласт”, ҶДММ “Фартуна и КО” ва  ҶДММ «Тадж Проф» шиносои пайдо намудаанд.

        Қобили зикр аст, ки будубоши коршиносони Ассотсиатсияи кластерҳо, технопаркҳо ва ММИ-и Россия дар МОИ «Суғд» бо дастгирии Вазорати рушди иқтисод ва савдои Ҷумҳурии Тоҷикистон ва БРСММ сурат гирифт.  

Маълумоти бештар
Ташрифи намояндагони Агентии Ҷопон оид ба ҳамкории байналмилалии Ҷопон (JICA) дар Тоҷикистон ба МОИ “Суғд”

Ташрифи намояндагони Агентии Ҷопон оид ба ҳамкории байналмилалии Ҷопон (JICA) дар Тоҷикистон ба МОИ “Суғд”

1 октябри соли 2021 бо мақсади шиносоӣ бо самтҳои афзалиятноки ҳамкорӣ намояндагони Агентии Ҷопон оид ба ҳамкории Байналмилалӣ (JICA) дар Тоҷикистон бо сардории мушовири Агентии Ҷопон оид ба  ҳамкории Байналмилалӣ Хироми Ниино бо ҳамроҳии муовини якуми Вазири рушди иқтисод ва савдои Ҷумҳурии Точикистон Солеҳзода Ашурбой Абдувоҳид ба Маъмурияти МОИ “Суғд” ташриф оварданд.

Дар оғози вохӯрӣ ба меҳмонон аз ҷониби муовини якуми роҳбари Маъмурияти  МОИ “Суғд” оид ба фаъолияти МОИ “Суғд” маълумот дода шуда, дар рафти он масъалаҳои ҷолиби диққати меҳмонон махсусан масъалаҳо вобаста ба татбиқи лоиҳаҳо ҷихати фароҳам овардани шароити мусоид барои сармоягузорон муҳокима карда шудаанд.

Дар навбати худ меҳмонон оид ба самти фаъолияти кории худ ва нақшаҳояшон дар Ҷумҳурии Тоҷикистон ирози ақида намуда, инчунин омодагии худро дар ин самт барои мусоидати рушди ояндаи МОИ «Суғд»  иброз намудаанд.

Ҳамзамон меҳмонон ба як қатор корхонаҳои ҳудуди МОИ «Суғд» ташриф оварда аз фаъолияти онҳо шинос гардиданд.

Маълумоти бештар
Вохӯрии доираҳои соҳибкорони Ҷумҳурии Бошқирдистони Федератсияи Россия дар МОИ “Суғд”

Вохӯрии доираҳои соҳибкорони Ҷумҳурии Бошқирдистони Федератсияи Россия дар МОИ “Суғд”

Дар доираи сафари корӣ ба вилояти Суғд санаи 19 августи соли равон ба МОИ “Суғд” ҳайати доираҳои тиҷоратӣ аз Ҷумҳурии Бошқирдистони Федератсияи Россия ташриф оварданд.

Воӯри дар Маъмурияти МОИ «Суғд» сурат гирифта дар он самтҳои ҳамкориҳои дуҷониба муҳокима карда шуданд.

Дар музокирот аз ҷониби Зикриёзода С. – муовини якуми Роҳбари Маъмурият – презентатсия дар бораи Минтақаи озоди иқтисодии “Суғд” ироа карда шуд.

Дар натиҷаи муаррифӣ, ҷонибҳо ба муҳокимаи масъалаҳои мавриди таваҷҷӯҳи ҳарду тараф гузаштанд.

Дар ҷараёни мулоқот меҳмонон ба як қатор корхонаҳои ҳудуди МОИ «Суғд» ташриф оварда, бо маҳсулоти истеҳсолшуда ошно шуданд.

Маълумоти бештар
loading