МОИ «Суғд» — ғолиби озмуни «ТОП-35 ширкати боэътимоди сол»

Минтақаи озоди иқтисодии «Суғд» дар озмуни ҷумҳуриявии «ТОП-35 ширкати боэътимоди сол» аз рӯи номинатсияи «Минтақаи озоди иқтисодӣ» сазовори ҷойи аввал гардида, ҳамчун ғолиби озмун эътироф шуд.

Ин дастоварди арзанда аз ҷониби Вазири рушди иқтисод ва савдои Ҷумҳурии Тоҷикистон муҳтарам Абдураҳмонзода Абдураҳмон Сафаралӣ ба Роҳбари Маъмурияти МОИ “Суғд” Муҳаммадзода Муҳаммад Султон дар вазъияти тантанавор тақдим карда шуд.Ҷоизаи мазкур нишонаи боварии Ҳукумати мамлакат, эътимоди ҷомеаи соҳибкорӣ ва сармоягузорон ба фаъолияти самараноки Маъмурияти МОИ «Суғд», саҳми он дар рушди соҳибкорӣ, ҷалби сармоя, ташкили ҷойҳои нави корӣ ва таҳкими иқтидори истеҳсолии кишвар мебошад.

Ғолибият дар чунин озмун барои коллективи Маъмурияти МОИ «Суғд» мояи ифтихор буда, ҳамзамон масъулияти моро ҷиҳати идомаи фаъолияти созанда, фароҳам овардани шароити мусоид барои сармоягузорон ва рушди минбаъдаи минтақа боз ҳам бештар менамояд.

Маъмурияти МОИ «Суғд» ҳамаи кормандон, субъектҳои минтақа ва шарикони худро ба муносибати ин дастоварди муҳим самимона табрик намуда, ба онҳо дар фаъолияти минбаъда комёбиҳои нав орзу менамояд.