Минтақаи озоди иқтисодии «Суғд» интизори ҳамкорони рус ҳастанд

 

Дар доираи барномаи кории форуми «Суғд — чорроҳаи Роҳи Бузурги Абрешим» Раиси Шӯрои тиҷоратии Русияву Тоҷикистон Ислом Назаралиев аз Минтақаи озоди иқтисодии «Суғд» боздид намуд. Роҳбари Маъмурияти МОИ Муҳаммадзода Муҳаммад Султон иштирокчиёнро бо корхонаҳои нав — резидентҳои минтақа шинос намуд. Иштирокчиён иқтидорҳои истеҳсолии ширкатҳоро, ки дар соҳаҳои истеҳсоли панелҳои сохтмонӣ, профилҳои пластикӣ ва нақлиёти барқӣ фаъолият мекунанд, дидан намуданд.Роҳбарияти МОИ “Суғд”  омодагии худро барои қабули сармоягузорони рус, таъсиси корхонаҳои муштарак ва пешниҳоди шароити ҷолиб барои соҳибкорӣ изҳор намуд.

IMG_4474

IMG_4473

Маълумоти бештар
Ҷаласаи 13-уми Шӯрои нозирони минтақаҳои озоди иқтисодӣ дар Вазорати рушди иқтисод ва савдо

Ҷаласаи 13-уми Шӯрои нозирони минтақаҳои озоди иқтисодӣ дар Вазорати рушди иқтисод ва савдо

 

Санаи 18 апрели соли 2025 дар Вазорати рушди иқтисод ва савдо таҳти раёсати Муовини якуми Сарвазири Ҷумҳурии Тоҷикистон – Раиси Шӯрои нозирони минтақаҳои озоди иқтисодӣ муҳтарам Холиқзода Ҳоким Ҳикматулло ҷаласаи навбатии Шӯрои мазкур бо иштироки намояндагони вазорату идораҳои дахлдор баргузор гардид.

Иттилоъ дода шуд, ки ба ҳолати 1 январи соли 2025 дар минтақаҳои озоди иқтисодӣ 107 ширкатҳои ватанию хориҷӣ ба қайд гирифта шудааст, ки аз ин 41 субъект ба минтақаи озоди иқтисодии «Суғд», 36 субъект ба минтақаи озоди иқтисодии «Данғара», 9 субъект ба минтақаи озоди иқтисодии «Кӯлоб», 17 субъект ба минтақаи озоди иқтисодии «Панҷ» ва 4 субъект ба минтақаи озоди иқтисодии «Ишкошим» рост меояд. Танҳо дар соли 2024 дар минтақаҳои озоди иқтисодии ҷумҳурӣ 24 субъект ба қайд гирифта шуд, ки аз ин 7 субъект дар МОИ «Суғд», 9 субъект дар МОИ «Данғара», 6 субъект дар МОИ «Панҷ» ва 2 субъект дар МОИ «Кӯлоб» мебошад. Ҳамзамон аз шумораи умумии корхонаҳои бақайдгирифташуда 6 корхона ба истифода дода шуд, ки дар натиҷа 157 ҷойи корӣ таъсис дода шуд.

Ҷалби сармояи ватаниву хориҷӣ дар соли 2024 ба МОИ 114 миллион сомониро такшил мекунад, ки нисбат ба ҳамин давраи соли 2023 11 фоиз зиёд мебошад.

Аз оғози фаъолият дар минтақаҳои озоди иқтисодӣ 1625 нафар ҷойҳои корӣ таъсис дода шуда, ҳаҷми умумии сармоягузориҳо бошад ба 2499 млн. сомонӣ расидааст.

Айни ҳол аз ҷониби субъектҳои минтақаҳои озоди иқтисодӣ истеҳсоли металлоконструксия, профилҳои алюминӣ ва пластикӣ барои дару тирезаҳо, лӯлаҳо ва зарфҳои пластикӣ, ноқилҳои барқӣ, рангубори сохтмонӣ, маҳсулоти металлопластикӣ, мотороллерҳои барқӣ, дару тирезаҳои чубин, маҳсулоти ороишии сохтмонӣ, мебел ва маводҳои шустушӯӣ ба роҳ монда шуда, ҳаҷми истеҳсоли маҳсулоти саноатӣ дар соли 2024 ба 523 млн. сомонӣ (76 млн. сомонӣ зиёд нисбат ба соли 2023) баробар гардид. Ҳаҷми истеҳсоли маҳсулоти саноатӣ аз оғози фаъолияти минтақаҳои озоди иқтисодӣ ба 2988 млн. сомонӣ баробар гардидааст.

Аз оғози фаъолият то имрӯз аз ҷониби субъектҳои минтақаҳои озоди иқтисодӣ ба буҷети давлатӣ 386 млн. сомонӣ боҷҳои гумрукӣ ва андозҳо пардохт карда шудаанд, ки ин маблағ нисбат ба маблағгузорӣ аз буҷети давлатӣ барои рушди инфрасохтор ва нигоҳдории минтақаҳои озоди иқтисодӣ қариб 3,5 маротиба зиёд аст.

Ҳамзамон қайд гардид, ки зимни сафари кории худ ба вилояти Суғд аз ҷониби Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон санаи 30 марти соли 2025 дар Минтақаи озоди иқтисодии «Суғд» корхонаҳои ҶДММ «Тоҷпанел» ва марҳилаи дуюми истеҳсолии ҶДММ КМ ТТ «Афранг Пластик» расман ифтитоҳ гардиданд.

Тибқи лоиҳаи сармоягузорӣ самти фаъолияти ҶДММ «Тоҷпанел» ба истеҳсоли ҳаргуна масолеҳи бинокорӣ (панелҳо) равона гардида, ҳаҷми умумии сармоягузорӣ зиёда аз 5,5 миллион сомониро ташкил дода, иқтидори истеҳсолии он 30000 м2 панелҳо дар як сол мебошад.

ҶДММ КМ ТТ «Афранг Пластик» тибқи лоиҳаи сармоягузорӣ бо истеҳсоли профилҳои пластикӣ машғул буда, ҳаҷми умумии сармоягузории он 13 миллион сомониро ташкил медиҳад. Иқтидори истеҳсолии корхонаи мазкур 4000 тонна профилҳои пластикӣ дар як сол буда, ҳангоми пурра ба кор оғоз намудани он зиёда аз 100 нафар сокинони маҳаллӣ бо ҷойи кори доимӣ таъмин карда мешаванд.

Дар ҷаласа ҳисоботи котиби масъули Шӯрои нозирон оид ба масъалаҳои минтақаҳои озоди иқтисодӣ вобаста ба иҷрои қарорҳои ҷаласаҳои қаблии Шӯрои нозирон ва ҳисоботи роҳбарони маъмуриятҳои минтақаҳои озоди иқтисодии «Суғд», «Данғара», «Кӯлоб», «Панҷ» ва «Ишкошим» оид ба фаъолияти минтақаҳо дар соли 2024 шунида шуд.

Вазири рушди иқтисод ва савдо, муовини Раиси Шӯро Завқизода Завқӣ Амин дар муҳокимаҳо иштирок намуда, вобаста ба роҳҳои боз ҳам рушд додани минтақаҳои озоди иқтисодӣ таклифҳо пешниҳод намуд.

Дар анҷоми ҷаласа аз ҷониби Раиси Шӯрои нозирон ба вазорату идораҳои дахлдор ва роҳбарони маъмуриятҳои минтақаҳои озоди иқтисодӣ ҷиҳати бартараф намудани камбудиву норасоиҳои ҷойдошта, тақвият додани фаъолияти минтақаҳои озоди иқтисодӣ, таъсиси корхонаҳои саноатӣ, ҷалби ҳарчи бештари сармоя, зиёд намудани истеҳсоли маҳсулот ва содироти онҳо супоришҳои қатъӣ дода шуд.

Маълумоти бештар
Форуми байналмилалии сайёҳии “Суғд – чорроҳаи Роҳи бузурги Абрешим”

Форуми байналмилалии сайёҳии “Суғд – чорроҳаи Роҳи бузурги Абрешим”

Санаи 18-уми апрели соли 2025 дар шаҳри Хуҷанд дуюмин Форуми байналмилалии сайёҳии “Суғд – чорроҳаи Роҳи бузурги Абрешим” баргузор гардид, ки дар он намояндагони соҳаи сайёҳии 10 давлати дунё–Тоҷикистон, Туркманистон, Руссия, Чин, Белорус, Қазоқистон, Қирғизистон, Ӯзбекистон, Аморати Муттаҳидаи Араб ва Юнон иштирок намуданд.

Роҳбари Маъмурияти МОИ “Суғд” Муҳаммадзода Муҳаммад Султон пас аз иштирок дар Форум, иштирокчиёни Форуми дуюми байналмилалии сайёҳии “Суғд — чорроҳаи Роҳи бузурги Абрешим”-ро аз Маҷмааи таърихию фарҳангии “Қалъаи Хуҷанд” шинос намуданд.

Меҳмонон зимни шиносоӣ бо санъати миллии меъмории тоҷик, ба монанди кандакорӣ, наққошӣ, кундалкорӣ, гачкорӣ, коркарди бадеии чӯбу санг, кошинкорӣ, буриш ва ғайра, ки дар 5 толори намоишӣ ба таври васеъ истифода гардидааст, ба ҳунари волои ҳунармандону устоҳои чирадасти Ҷумҳурии Тоҷикистон баҳои баланд доданд.

Бояд қайд намуд, ки дар Маҷмааи таърихию фарҳангии “Қалъаи Хуҷанд”, Намоиши молу маҳсулоти корхонаҳои вилояти Суғд ба пешниҳоди меҳмонон гардонида буд, ки дар қатори корхонаҳои мазкур молу маҳсулоти истеҳсолнамудаи субъектони МОИ “Суғд” аз ҷумла ҶДММ “Сайёҳи Суғд” ҷой дошт, ки диққати меҳмононро бештар ба худ ҷалб намуд.

   

 

Маълумоти бештар
Ташрифи муовини губернатори вилояти Тюмени Федератсияи Россия Андрей Пантелеев ба МОИ “Суғд”

Ташрифи муовини губернатори вилояти Тюмени Федератсияи Россия Андрей Пантелеев ба МОИ “Суғд”

Санаи 18 апрели соли 2025 ба Донишкадаи Саноат ва Хизматрасонӣ, меҳмонон аз Федератсияи Россия, вилояти Тюмен бо сардории муовини губернатори вилояти Тюмен Андрей Пантелеев ташриф оварданд. Кормандони донишкада меҳмононро хуш пазируфта, онҳоро дар маҷлисгоҳ қабул намуданд ва оиди донишкада тариқи муаррифинамоӣ (презентатсия) ба онҳо маълумоти мушаххас дода шуд. Сипас, онҳо аз синфхонаҳои донишкада диданӣ намуданд.

  

  

 

Маълумоти бештар
Ташрифи Директори Генералии “НафтаГаз” Назаралиев Ислам Замирович ба МОИ “Суғд”

Ташрифи Директори Генералии “НафтаГаз” Назаралиев Ислам Замирович ба МОИ “Суғд”

Санаи 17 апрели соли 2025 ташрифи Директори Генералии “НафтаГаз” аз Федератсияи Россия Назаралиев Ислам Замирович ба МОИ “Суғд” баргузор гардид. Меҳмононро Роҳбари МОИ “Суғд” Муҳаммадзода Муҳаммад Султон хуш пазируфта, дар бораи бартарият ва афзалиятҳои МОИ “Суғд” маълумоти мушаххас доданд. Сипас, меҳмонон аз фаъолияти якчанд субъектҳо, аз ҷумла ҶДММ “Тоҷпанел”, ҶДММ “Сайр Суғд” ва ҶДММ КМ ТТ “ Афранг Пластик” аз наздик дидан намуданд.

Маълумоти бештар
Ташрифи Директор оид ба рушди иқтисодӣ ва инфрасохтори саноати БОР – Юҷвол Сингҳ ва Даря Парфёнова – мутахассиси соҳаи савдо ба Маъмурияти МОИ “Суғд”

Ташрифи Директор оид ба рушди иқтисодӣ ва инфрасохтори саноати БОР – Юҷвол Сингҳ ва Даря Парфёнова – мутахассиси соҳаи савдо ба Маъмурияти МОИ “Суғд”

14 апрели соли 2025 ташрифи Директор оид ба рушди иқтисодӣ ва инфрасохтори саноати Бонки Осиёи Рушд (БОР) – Юҷвол Сингҳ ва Даря Парфёнова – мутахассиси соҳаи савдо ба Маъмурияти МОИ “Суғд” доир гардид. Муовини роҳбари Маъмурияти МОИ “Суғд” Ҳакимов Н.А. меҳмононро дар маҷлисгоҳи Маъмурият хайрамақдам намуданд. Ба меҳмонон аз ҷониби мутахассиси пешбари шуъбаи байналмиллалӣ ва ҷалби сармоягузорӣ Раҳимова Умеда оиди фаъолият, имтиёз ва бартариҳои МОИ “Суғд” маълумоти мушаххас дода шуд.

  

Маълумоти бештар
Вохӯрии Муовини сардори Раёсати адлия дар вилояти Суғд бо шахсони масъули МОИ “Суғд”

Вохӯрии Муовини сардори Раёсати адлия дар вилояти Суғд бо шахсони масъули МОИ “Суғд”

Санаи 11.04.2025 бо мақсади баланд бардоштани маърифати ҳуқуқӣ ва дар самти таъмини иҷрои Қарори Ҳукумати Ҷумҳурии Тоҷикистон дар бораи “Таълим ва тарбияи ҳуқуқии шаҳрвандони Ҷумҳурии Тоҷикистон барои солҳои 2020-2030” дар толори МТҒ “Донишкадаи саноат ва хизматрасонӣ” бо иштироки Муовини сардори Раёсати адлия дар вилояти Суғд Раҷабзода Бибираҷаб, Корманди Раёсат Расулзода Нигора ва намояндагони Маъмурияти МОИ “Суғд”, ҳамчунин масъулони субъектҳои МОИ “Суғд” якҷо бо донишҷӯёни МТҒ “Донишкадаи саноат ва хизматрасонӣ” мулоқот доир гардид.
Сипас Муовини сардори Раёсати адлия дар вилояти Суғд Раҷабзода Бибираҷаб вобаста ба паёми Асосогузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон доир ба баланд бардоштани сатҳу сифати зиндагии мардум, аз худ намудани забонҳои хориҷӣ аз қабили русиву англисӣ ва баланд бардоштани маърифати ҳуқуқии шаҳрвандон дар ҷомеа суханронӣ намуданд.

Маълумоти бештар
Ташрифи Президенти Палатаи савдо ва саноати вилояти Красноярски Федератсияи Россия ҷаноби Рафаэл Марсович Шагеев ба МОИ “Суғд”

Ташрифи Президенти Палатаи савдо ва саноати вилояти Красноярски Федератсияи Россия ҷаноби Рафаэл Марсович Шагеев ба МОИ “Суғд”

Санаи 10-уми апрели соли 2025 ба МОИ “Суғд” ташрифи Президенти Палатаи савдо ва саноати вилояти Красноярски Федератсияи Россия ҷаноби Рафаэл Марсович Шагеев ба доир гардид. Муовини Роҳбари Маъмурияти МОИ “Суғд” Ҳакимов Насимҷон Абдуғаниевич дар маҷлисгоҳи МОИ “Суғд” меҳмононро қабул намуданд.
Ҳамчунин, мутахассиси пешбари шуъбаи муносибатҳои байналмиллалӣ ва ҷалби сармоягузорӣ Раҳимова Умеда доир ба фаъолият, имтиёз ва бартариҳои МОИ “Суғд” тариқи муаррифинамоӣ (презентатсия) маълумоти мушаххас доданд. Пас аз мулоқоти судманд меҳмонон қайд намуданд, ки дар оянда баҳри ҳамкориҳои иқтисодӣ вобаста аз шароити мусоди сармоягузорӣ дар МОИ “Суғд” ҳамкорӣ менамоянд.
Сипас, меҳмонон аз субъектҳои МОИ “Суғд” аз ҶДММ КМ ТТ “Таҷпроф” ва ҶДММ “ Сайёҳи Суғд” дидан намуда, доир ба фаъолияти онҳо маълумоти мушаххас гирифтанд.

  

Маълумоти бештар
ИШТИРОКИ РОҲБАРИ МАЪМУРИЯТИ МОИ “СУҒД” МУҲАММАДЗОДА М.С. ДАР КОНГРЕССИ 14-УМИ СОЛОНАИ САРМОЯГУЗОРӢ (AIM CONGRESS 2025)

ИШТИРОКИ РОҲБАРИ МАЪМУРИЯТИ МОИ “СУҒД” МУҲАММАДЗОДА М.С. ДАР КОНГРЕССИ 14-УМИ СОЛОНАИ САРМОЯГУЗОРӢ (AIM CONGRESS 2025)

Санаи 7-9 апрели соли 2025 Роҳбари Маъмурияти МОИ “Суғд” Муҳаммадзода Муҳаммад Султон таҳти роҳбарии Раиси Кумитаи сармоягузорӣ ва идораи амволӣ давлатии Ҷумҳурии Тоҷикистон Мӯҳтарам Султон Раҳимзода, дар Конгресси Солонаи Сармоягузорӣ  (AIM Congress 2025), ки дар шаҳри Абу-Дабии Аморати Муттаҳидаи Араб, ифтитоҳ ёфт намояндагӣ карданд. Дар Конгресси мазкур зиёда аз 20 000  иштирокчӣ аз 175 кишварӣ дунё ширкат варзиданд. AIM Congress яке аз платформаҳои пешсафӣ ҷаҳонӣ барои ташаккули ояндаи сармоягузориҳои байналмилалӣ мебошад.

    

Муҳаммадзода Муҳаммад Султон бо якқатор ширкатҳои тиҷоратӣ, сармоягузорону роҳбарони Минтақаҳои озоди иқтисодии давлатҳои хориҷӣ оид ба ҷалби сармоягузории хориҷӣ ва рушди инфрасохтор, татбиқи лоиҳаҳои инноватсионӣ гуфтушунид гузарониданд.

Иштироки Роҳбари Маъмурияти МОИ “Суғд” дар AIM Congress 2025 нишондиҳандаи муаррифгари иштироки афзояндаи МОИ “Суғд” дар арсаи байналмилалӣ ва кушиши ҷалби сармояи босифат тавассути мутобиқ шудан ба тамоюлҳои ҷаҳонӣ мебошад.

Бояд қайд намуд, ки мулоқот дар руҳияи созанда ва ҳамдигарфаҳмӣ гузашта, омодагии ҷонибҳо барои таҳкими минбаъдаи ҳамкорӣ таъкид гардид.

  

 

Маълумоти бештар
Конгресси 14-уми солонаи сармоягузори AIM – 2025 дар шаҳри Абу Забии Амороти Муттаҳидаи Араб

Конгресси 14-уми солонаи сармоягузори AIM – 2025 дар шаҳри Абу Забии Амороти Муттаҳидаи Араб

Санаи 7- уми апрели соли 2025 Роҳбари Маъмурияти минтақаи озоди иктисодии “Суғд” муҳтарам Муҳаммадзода Муҳаммад Султон дар конгресси 14-уми солонаи сармоягузори AIM – 2025 дар шаҳри Абу Забии Амороти Муттаҳидаи Араб иштирок карданд.  Дар ин конгресс масъалаҳои ҷалби сармояи хориҷӣ ба Минтақаҳои озоди иқтисодӣ, рушди инфрасохтор ва татбиқи лоиҳаҳои инноватсионӣ баррасӣ шуданд.  Муҳаммадзода Муҳаммад Султон дар бораи имкониятҳои сармоягузорӣ дар МОИ “Суғд” маълумот дод ва бо якчанд ширкатҳои бузурги байналмилалӣ музокираҳои самарабахш гузарониданд.

    

  

Маълумоти бештар
loading