маконе, ки бизнес рушд мекунад
3 марти соли ҷорӣ дар МОИ «Суғд» субъекти нав ҶДММ “СУҒДБИТУМ” ба қайд гирифта шуд. Шаҳодатномаи бақайдгириро роҳбари Маъмурияти МОИ “Суғд” Камолиддинзода И. Ҷ. ба роҳбари ҶДММ “Суғдбитум” Машрафов С. Ғ. супорид. Роҳбари минтақа ба субъекти нав бурдбориву пешравиҳо орзу намуд.
Санаи 21-уми феврали соли ҷорӣ, тибқи нақша – чорабинии тартибдодашуда, байни МОИ Суғд (Ҷумҳурии Тоҷикистон) ва МОИ Могилёв (Ҷумҳурии Белорусия) вохурии маҷозӣ оид ба ҳамкориҳои сармоягузорӣ ва тиҷоратию иқтисодӣ байни МОИ “Могилёв” ва МОИ “Суғд” баргузор гардид.
Сухани ифтитоҳӣ аз ҷониби роҳбарони маъмурияти минтақаҳо: МОИ “Могилёв” – Ярсев А.В. ва МОИ “Суғд” – Камолиддинзода И.Ҷ. шунида шуд.
Сипас намояндагони маъмуриятҳои МОИ “Могилёв” ва МОИ “Суғд” оид ба имкониятҳои дуҷониб тариқи рӯнамо маълумот доданд.
Инчунин масъулини якчанд субъектҳои МОИ “Могилёв” ва субъектҳои МОИ “Суғд”, аз ҷумла ҶДММ КФ “Фортуна Ко”, ҶДММ КМ ТТ “Арча”, ҶДММ КМ ТТ “Силкоат Бойя”, ҶДММ КМ ТТ “Таҷпроф” ва ҶСК “Ариана Металл Пласт” тариқи рӯнамо доир ба корхонаи худ маълумот доданд.
Маълумоти бештар
9 феврали соли 2023 дар бинои Маъмурияти МОИ “Суғд” нишасти матбуотӣ доир ба натиҷаҳои фаъолияти МОИ “Суғд” дар соли 2022 баргузор гардид, ки дар он Роҳбари Маъмурият Камолиддинзода Илёсиддин Ҷамолиддин ба намояндагони ВАО – и вилоятиву ҷумҳуриявӣ оид ба дастовардҳо ва нақшаҳои фаъолияти МОИ “Суғд” иттиллоъ дод.
Зимни баромад қайд карда шуд, ки Маъмурияти МОИ “Суғд” ҷиҳати иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон, Қарорҳои Ҳукумати Ҷумҳурии Тоҷикистон, супоришҳо ва фармоишҳои Вазорати рушди иқтисод ва савдо, татбиқи Қонуни Ҷумҳурии Тоҷикистон “Дар бораи минтақаҳои озоди иқтисодӣ”, Низомномаи минтақаи озоди иқтисодии “Суғд”, нақшаи кории минтақа барои соли 2022 тадбирҳои зуруриро роҳандозӣ намуд.
Роҳбари Маъмурият Камолиддинзода И. қайд намуд, ки ҳаҷми истеҳсолоти маҳсулоти саноатӣ, хизматрасонӣ ва сохтмонии МОИ “Суғд” дар давраи ҳисоботӣ 412,5 млн. сомониро ташкил намуд, ки нисбат ба соли 2021 111,4 млн. сомонӣ ё 37 фоиз зиёд аст. Инчунин дар давраи ҳисоботӣ ҳаҷми маҳсулоти содиротии субъектҳо 135,3 млн сомониро ташкил намуда, нисбат ба ҳамин давраи соли 2021-ум 30,1 млн. сомонӣ ё 28,6 фоиз зиёд гардид.
Дар рафти нишаст зикр гардид, ки дар ин давра сармоягузорӣ асосан аз ҷониби 7 корхона, аз ҷумла ҶДММ “Оҳанкор”, ҶДММ “Азияполитекс”, ҶДММ “Донаи Алмос”, ҶДММ “Покзарф” ҶДММ “Хуҷанд Пласт”, ҶДММ КМ ТТ “Арча Мебел” ва ҶДММ КМ ТТ “Таҷпроф” таъмин гардид, ки маҳсулотҳои истеҳсолшуда асосан ба Қазоқистон, Қирғизистон, Ўзбекистон, Олмон, Ироқ, Туркия ва Россия содирот гардиданд.
Инчунин қайд гардид, ки дар соли 2022 ҳаҷми сармоягузории мустақим 23,7 млн. сомониро ташкил намуд, ки нисбат ба ҳамин давраи соли гузашта (18,1 млн. сомонӣ) 30,9 фоиз зиёд гардида, аз оғози фаъолияти МОИ “Суғд” ба 138,9 млн. сомонӣ баробар гардид.
Дар соли 2022 шумораи умумии ҷойҳои корӣ дар МОИ «Суғд» ба 799 нафар баробар гардид, ки нисбат ба соли 2021 (774 нафар) 25 ҷойи корӣ зиёд мебошад.
Дар соли ҷорӣ аз ҷониби субъектҳои МОИ “Суғд” ба буҷети давлат аз ҳисоби пардохти андозҳои дахлдор (андоз аз даромад ва андози иҷтимоӣ) 4,95 млн. сомонӣ ворид гардид.
Дар ин давра ҳаҷми пардохти боҷи гумрукӣ ва андоз аз арзиши иловашуда ба буҷет аз ҳисоби субъектҳои МОИ “Суғд” 33,6 млн. сомониро ташкил намуд, ки нисбат ба соли 2021 1,8 млн. сомонӣ зиёд мебошад.
Бо мақсади рушди фаъолияти субъектҳо Маъмурият ҷиҳати баланд бардоштани сатҳи муаррифии МОИ “Суғд” дар арсаи байналмиллалӣ ва пешниҳоди маҳсулоти истеҳсолнамудаи субъектҳо дар бозорҳои хориҷӣ ҳамкориро бо намояндагӣ ва ниҳодҳои дипломатии Тоҷикистон дар кишварҳои хориҷӣ ҷоннок намуда, як қатор корҳоро ба анҷом расонидааст.
Дар соли 2022 ҷиҳати таъмини иҷрои фаъолияти минтақа бо якчанд сармоягузорони ватанию хориҷӣ ва корпуси дипломатӣ зиёда аз 50 вохӯриҳо ва гуфтушунидҳои маҷозӣ, инчунин сафарҳои хизматӣ аз ҷониби Роҳбарияти маъмурият баргузор гардид.
Қайд кардан ба маврид аст, ки Роҳбари Маъмурияти МОИ “Суғд” дар маросими ҷамъбастии натиҷаҳои Озмуни ҷумҳуриявии “Беҳтарин содироткунандагони Тоҷикистон” иштирок намуда, сазовори ҷоизаи номинатсияи “Беҳтарин содироткунандаи минтақаи озоди иқтисодӣ” барои давраи соли 2021 байни минтақаҳои озоди иқтисодии Тоҷикистон гардид.
Инчунин дар рафти мулоқот қайд гардид, ки бо намояндагони МОИ “Ҷиззах”, “Қӯқанд” ва вилояти Фарғонаи Ҷумҳурии Узбекистон ва ҶДММ “Осминожка”-и Федератсияи Россия ёддоштҳои тафоҳум баста шуд.
Дар ҷамъбасти нишасти матбуот Роҳбари Маъмурият қайд намуд, ки дар семоҳаи аввал ифтитоҳи корхонаи бузурги истеҳсолӣ ҶДММ “Азияполитекс” дар ҳудуди минтақа ба нақша гирифта шуда, дар он зиёда аз 150 – 200 нафар бо ҷои кори нав таъмин хоҳанд гардид.
Маълумоти бештар
28 ноябри соли 2022 роҳбари МОИ “СУҒД” Камолиддинзода И.Ҷ дар маросими ҷамъбасти натиҷаҳои Озмуни ҷумҳуриявии “Беҳтарин содироткунандаи Тоҷикистон”, ки аз ҷониби Агентии содироти назди Ҳукумати Ҷумҳурии Тоҷикистон дар шаҳри Душанбе баргузор гардид, иштирок намуданд.
Дар маросими мазкур МОИ “СУҒД” беҳтарин содироткунанда аз рӯи номинатсияҳои дахлдори Қоидаҳои муқаррарнамудаи Озмун интихоб гардида, бо ҷоиза ва дипломи Озмуни “Беҳтарин содиркунандаи Тоҷикистон” барои соли 2021 ғолиб дониста шуд.
Инчунин субъектҳои МОИ “СУҒД”, ҶДММ КМ ТТ “Таҷпроф” ва ҶСК “Ариана металл пласт” дар ин маросим бо ҷоиза ва сертификати Озмуни мазкур дар номинатсияи “Саноатӣ” ғолиб дониста шуданд.
Маълумоти бештар
Намояндагони маъмурияти МОИ “Суғд” ва субъектҳои он бо сардории муовини якуми роҳбари Маъмурияти минтақа Зикриёзода Сӯҳроб дар Форуми инвеститсионии “Made In Tj”, ки аз ҷониби Фонди ҷамъиятии “Соҳибкорӣ ва рушд” (Accelerate prosperity) 24 ноябри соли 2022 дар омӯзишгоҳи Бонки миллӣ дар шаҳри Гулистон баргузор гардид, иштирок намуданд.
Бояд қайд намуд, ки дар баробари баргузории форум намоишгоҳ низ доир гардид, ки аз ҷониби молистеҳсолкунандагони вилояти Суғд, инчунин субъектҳои минтақа, аз қабили ҶДММ КМ ТТ “Силкоат Бойя” ва ҶСК “Ариана Металл Пласт” маҳсулоти саноатии ватанӣ ба меҳмонону иштирокдорон ба намоиш гузошта шуд.
Ҳайати соҳибкорони Туркия 9 ноябри соли 2022 ба МОИ “Суғд” ташриф оварданд. Роҳбари Маъмурияти МОИ “Суғд” Камолиддинзода Илёсиддин меҳмононро бо фаъолият ва шароиту имкониятҳои МОИ “Суғд” шинос намуд.
Дар доираи вохўрии мазкур меҳмонон аз фаъолияти ҶДММ КМ ТТ “Таҷпроф”, ҶДММ КМ ТТ “Арча – мебел” ва ҶСК “Ариана Метал Пласт” дидан намуданд.
