Шӯъбаи иттилоот

• 11.04.202222.07.2022

Боздиди намояндагон ва ҳайати соҳибкорони вилояти Липетски Федератсияи Россия таҳти роҳбарии Президенти Палатаи савдо ва саноати вилояти Липетск Голстов А.В. аз МОИ “Суғд”

Санаи 11 апрели соли 2022 ҳайати соҳибкорони вилояти Липетски Федератсияи Россия таҳти роҳбарии Президенти Палатаи савдо ва саноати вилояти Липетск Голстов А.В якҷо бо намояндагони Мақомоти иҷроияи ҳокимияти давлатии вилояти Суғд таҳти роҳбарии муовини Раиси вилояти Суғд, мӯҳтарам Анвар Яъқубӣ аз МОИ “Суғд” дидан карданд.

          Роҳбари Маъмурият мӯҳтарам Камолиддинзода Илёсиддин Ҷамолиддин бо мақсади тақвият ба рушди муносибатҳои иқтисодӣ ва дар ин замина ҷалби бештари сармоягузории дохилию хориҷӣ мехмононро бо шароиту имкониятхои Минтақаи озоди иқтисодии “Суғд” шинос намуда, сипас фаъолияти  Филали Хантана канада ИНК дар ҶТ ва ҶДММ КМ ТТ “Силкоат Боля” -ро дидан карданд.     

• 08.04.202208.04.2022

Дар Маъмурияти минтақаи озоди иқтисодии “Суғд” 8 апрели соли 2022 вохӯрӣ бо Директори бонки рушди Авруосиё дар Ҷумҳурии Тоҷикистон мӯҳтарам Никулин Николай Николаевич, ҷиҳати муаррифӣ ва пешниҳод намудани хизматрасониҳои бонкӣ, аз ҷумла пешниҳодҳои қарзӣ бо фоизҳои паст, лоиҳаҳои сармоягузорӣ дар кишвар ва рушди фаъолияти соҳибкорӣ бо намояндагони субъектҳои МОИ “Суғд” доир гардид.

• 05.04.202212.04.2022

5 апрели соли 2022 дар маҷлисгоҳи Маъмурияти МОИ “Суғд” вохӯрӣ бо котиби дуюми Сафорати Ҷопон дар Ҷумҳурии Тоҷикистон мӯҳтарам Кейта Хори доир шуд. Роҳбарияти Маъмурияти МОИ “Суғд” муҳтарам Камолиддинзода И.Ҷ. котиби дуюми сафорати мазкурро бо фаъолият ва афзалиятҳои МОИ “Суғд” ва субъектҳои он, аз ҷумла ҶСК “Ариана металл пласт”ва ҶДММ КФ “Фортуна-КО” шинос намуд.

• 16.02.202217.02.2022

НИШАСТИ МАТБУОТӢ ДАР МОИ “СУҒД” ОИД БА НАТИҶАҲОИ ФАЪОЛИЯТ ДАР СОЛИ 2021

Имрӯз дар бинои Маъмурияти МОИ “Суғд” нишасти матбуотӣ доир ба натиҷаҳои фаъолияти МОИ “Суғд” дар соли 2021 баргузор гардид, ки дар он Муовини якуми Роҳбари Маъмурият Зикриёзода Сӯҳроб ба намояндагони ВАО оид ба дастовардҳои МОИ “Суғд”иттилло дод.

         Зимни баромад қайд карда шуд, ки Маъмурияти МОИ “Суғд” ҷиҳати иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон, қарорҳои Ҳукумати Ҷумҳурии Тоҷикистон, супоришҳо ва фармоишҳои Вазорати рушди иқтисод ва савдо, татбиқи Қонуни Ҷумҳурии Тоҷикистон  “Дар бораи минтақаҳои озоди иқтисодӣ”, Низомномаи минтақаи озоди иқтисодии “Суғд”, Нақшаи кории минтақа барои соли 2021 тадбирҳои зуруриро роҳандозӣ намуд.

    Дар натиҷа соли 2021 дар МОИ “Суғд” 2 субекти нав ба қайд гирифта шуда, 4 субект фаъолияти истеҳсолиро ба роҳ монда, шумораи субектҳои фаъолиятдошта аз 14 адади соли 2020 то ба 18 адад баробар гардид.

         Дар ин замина  маҷмўи маҳсулоти саноатии  МОИ “Суғд”  295,4 млн. сомониро  ташкил намуд, ки нисбат ба соли 2020 111,2 млн. сомонӣ ё 60,3 фоиз зиёд аст.

Ҳаҷми корҳои сохтмонӣ ва хизматрасонӣ бошад дар ин давра 5745,8 ҳазор сомониро ташкил дод, ки нисбат ба соли 2020  24,5 фоиз зиёд мебошад.

Дар давраи ҳисоботӣ ҳаљми маҳсулоти содиротии субъектҳо 105,2 млн сомониро ташкил намуда, нисбат ба ҳамин давраи соли 2020-ум 61,7 млн. сомонӣ ё 2,4 маротиба зиёд гардид.

Дар соли 2021 субъектҳои МОИ “Суғд” маҳсулотҳои худро асосан ба Қазоқистон, Қирғизистон, Ўзбекистон, Олмон, Ироқ, Туркия, Россия ва Аморати Муттаҳидаи Арабистон содирот карданд.

Дар соли 2021 ҳаҷми сармоягузории мустақим дар МОИ “Суғд” 18,1 млн. сомониро ташкил намуд, ки нисбат ба соли 2020 1,2 млн. сомонӣ ё 7,1 фоиз зиёд гардида, аз оғози фаъолияти МОИ “Суғд” ба 115,2 млн. сомонӣ баробар гардид.

Дар соли 2021 шумораи умумии ҷойҳои корӣ дар МОИ «Суғд» ба 774 нафар баробар гардид, ки нисбат ба соли 2020 (668 нафар) 106 ҷойи корӣ  ё 15,9 фоиз зиёд мебошад.

Дар соли ҷорӣ аз ҷониби субъектҳои МОИ “Суғд” ба буҷети давлат аз ҳисоби пардохти андозҳои дахлдор (андоз аз даромад ва андози иҷтимоӣ)  5,3 млн. сомонӣ ворид гардид, ки нисбат ба соли 2020  0,9 млн. сомонӣ ё 20,4 фоиз зиёд аст.

Дар ин давра ҳаҷми пардохти боҷи гумрукӣ ва андоз аз арзиши иловашуда ба буҷет аз ҳисоби  субъектҳои МОИ “Суғд” 31,8 млн. сомониро ташкил намуд, ки нисбат ба соли 2020 10,8 млн. сомонӣ ё 51,4 фоиз зиёд мебошад.

        Зикриёзода Сӯҳроб дар нишати матбуоти иттило дод, ки Маъмурият МОИ «Суғд»  дар соли 2021 ҷиҳати ҷалби сармоягузории хориҷӣ ва таъсиси корхонаҳои истеҳсолӣ бо намояндагон ва соҳибкорони  давлатҳои хориҷӣ, ташкилоту созмонҳои  байналхалкӣ, аз ҷумла Раиси Палатаи савдо ва саноати Федератсияи Россия муҳтарам Сергей Катирин, Сафири Ҷумҳурии Фаронса дар Тоҷикистон муҳтарам Мишел Тарран, Сафири фавқулода ва мухтори Ҷумҳурии  Федеративии Олмон дар Ҷумҳурии Тоҷикистон ҷаноби Андреас Протманн,  директори Ассотсиатсияҳои кластерҳо, технопаркҳо ва ММИ-и Федератсияи Россия муҳтарам Андрей Викторович Шпиленко, доираҳои сармоягузорону соҳибкорони вилояти Челябински Федератсияи Россия, Ҷумҳурии Бошқирдистони Федератсияи Россия, вилояти Липетски Федератсияи Россия, вилояти Красноярски Федератсияи Россия, вилояти Могилёви Ҷумҳурии Белорус, Рохбари  намояндагии доимии СММ дар Ҷумҳурии Тоҷикистон муҳтарама Сезин Синаноглу, мушовири Агентии Ҷопон оид ба Ҳамкории Байналмиллалӣ (JICA) дар Тоҷикистон муҳтарам Хироми Ниино вохуриву гуфтушунидҳо анҷом доданд.

       Айни замон корҳои сохтмонӣ ва васлу насби таҷхизотҳо дар якчанд субъектҳо ва ободонии ҳудуди МОИ “Суғд” бо ҷараён идома дошта Роҳбарият ва кормандони Минтақаи озоди иқтисодии “Суғд” ҳамарӯза ҷиҳати расидан ба ҳадафи чоруми миллӣ “Саноатикунонии босуръати кишвар”,  иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон вобаста ба эълон гардидани солҳои 2022 –2026  «Солҳои рушди саноат» тадбирҳои судманд амалӣ намуда истодаанд.

• 10.12.202110.12.2021

Санаи 09 декабри соли ҷорӣ Филали минтақавии корхонаи воҳиди давлатии бонки саноативу содиротии Тоҷикистон «Саноатсодиротбонк», дар шаҳри Хуҷанд дар толори маҷлисгоҳи Маъмурияти МОИ “Суғд” ҷиҳати муаррифӣ ва пешниҳод намудани маҳсулоти бонкӣ ба соҳибкорон ва шахсони ҳуқуқӣ, вохӯри бо Роҳбарон ва намояндагони субъектҳои МОИ “Суғд” доир гардид.

• 06.12.202106.12.2021

БОЗДИДИ ҲАЙАТИ СОҲИБКОРОН ВА НАМОЯНДАГОНИ ВИЛОЯТИ МОГИЛЁВИ ҶУМҲУРИИ БЕЛОРУС ТАҲТИ РОҲБАРИИ МУОВИНИ РАИСИ ВИЛОЯТИ МОГИЛЁВ СТРАХАН РУСЛАН АЗ МИНТАҚАИ ОЗОДИ ИҚТИСОДИИ “СУҒД”.

Зимни боздид аз вилояти Суғд, ҳайати калони соҳибкорон ва намояндагони вилояти Могилёв санаи 03 декабри соли 2021 ба Минтақаи озоди иқтисодии “Суғд” ташриф оварданд. Ҳайати намояндагони вилояти Могилёвро сафири Ҷумҳурии Белорус дар Ҷумҳурии Тоҷикистон ҷаноби Денисенко Виктор Александрович ҳамроҳӣ мекард.

Роҳбари Маъмурият Камолиддинзода Илёсиддин ҳамроҳи кормандони масъули минтақа, меҳмононро пешвоз гирифта, бо соҳибкорон ва намояндагони вилояти зикргардида, алалхусус бо муовини якуми Роҳбари минтақаи озоди иқтисодии Моглиёви Ҷумҳурии Белорус Туз Максим Владимирович аз фаъолият, инфрасохтор ва имкониятҳои бештари сармоягузорӣ дар Минтақаи озоди иқтисодии “Суғд” шинос намуданд. Сипас дар доираи гуфтушунид байни ду минтақаҳои озоди иқтисоди ёддошти тафовум ба имзо расонида шуд ва дар ин васила ҳамкорӣ байни соҳибкорони Ҷумҳурии Белорус ва Ҷумҳурии Тоҷикистон қавитар гардид. Ин созиши ба имзо расида ба соҳибкорон ва сармоягузорон имконият медиҳад бо истифода аз технологияҳои муосир корхонаҳои нав бунёд намояд, ва ба рушди иқдисодиёти кишварҳо саҳми худро гузоранд.

        Сипас Роҳбари Маъмурият меҳмононро аз субъектҳои минтақа ҶДММ КФ “Фортуна-Ко”, ҶДММ КМ ТТ “Таҷпроф” ва ҶДММ КМ ТТ “Силкоат-боя” шинос карданд.

        Бояд тазаккур дод, зимни боздид аз субъектҳои минтақа байни ширкатҳои ҶДММ КФ “Фортуна-Ко”, ҶДММ КМ ТТ “Таҷпроф” ва ҶДММ КМ ТТ “Силкоат-боя” бо соҳибкорони вилояти Моглиёви Ҷумҳурии Белорус созишномаи ҳамкорӣ баста шуд.

• 26.11.202130.11.2021

Боздиди ҳайати калони соҳибкорони вилояти Красноярски Федератсияи Россия, бо роҳбарии Президенти Палатаи савдо ва саноати Сибири марказӣ Рафаел Шагиев аз Минтақаи озоди иқтисодии “Суғд”.

Зимни ташрифи ҳайати калони соҳибкорони вилоятии Красноярски Федератсияи Россия, бо роҳбарии Президенти Палатаи савдо ва саноати Сибири марказӣ Рафаел Шагиев зимни ташриф ба вилояти Суғд бо ҳамроҳии намояндагони мақомоти иҷроияи ҳокимияти давлатии вилоят санаи 26 ноябри соли 2021 аз Минтақаи озоди иқтисодии “Суғд” боздид намудаанд.  

          Роҳбари Маъмурият Камолиддинзода Илёсиддин меҳмононро аз фаъолият ва имкониятҳои сармоягузорӣ дар Минтақаи озоди иқтисодии “Суғд” шинос намуда зикр карданд, ки минтақаи озоди иқтисодии “Суғд” ба соҳибкорон имконият медиҳад бо  истифода аз технологияҳои муосир корхонаҳои нав бунёд намояд.

          Сипас Роҳбари Маъмурият меҳмононро аз субъектҳои минтақа ҶДММ “Арча-мебел”, ҶДММ КМ ТТ “Таҷпроф”, ҶСК “Ариана металл пласт” ва Филали “Хантана канада ИНК дар Тоҷикистон” шинос карданд. Меҳмонон аз раванди истеҳсолии корхонаҳои мазкур шинос шуда, ба маҳсулотҳои таёрнамудаи онҳо баҳои баланд доданд.

• 05.11.202105.11.2021

Рӯзи Конститутсияи Ҷумҳурии Тоҷикистон муборак!!!

         Маъмурияти минтақаи озоди иқтисодии “Суғд”  бо арзи эҳтироми беандоза Шуморо ба муносибати фарорасии ҷашни 27-умин солгарди қабули Конститутсияи Ҷумҳурии Тоҷикистон табрику муборакбод намуда, бароятон беҳтарин орзуҳои зиндагӣ, некрўзиву хушбахтӣ, сиҳатмандӣ ва бахту саодати рўзгорро  таманно дорад.

        Дар ҳақиқат, Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон қабули Конститутсияро арзишмандтарин дастоварди мардум ва давлати тоҷикон дар интиҳои асри гузашта ва натиҷаи мантиқии талошҳои ҷомеаи адолатпарвар дар роҳи расидан ба марҳалаи тозаи рушду инкишофи хеш ва муаррифии кишвари мо ба оламиён ҳисобидаанд.

         Хоҳони онем, ки ин бахтномаи миллат ба фаъолияти ҳамешагӣ ва пурмасъулиятатон ҷиҳати рушди давлатдории навини тоҷикон, бунёди ҷомеаи ҳуқуқбунёду демократӣ ва дурахшонии фардои кишвар руҳу илҳоми тоза бахшад.

• 30.10.202102.11.2021

Боздиди Сафири фавқулода ва мухтори Ҷумҳурии Федеративии Олмон дар Ҷумҳурии Тоҷикистон ҷаноби Андреас Протманн аз МОИ “Суғд”

Санаи 30 октябри соли 2021 Сафири фавқулода ва мухтори Ҷумҳурии  Федеративии Олмон дар Ҷумҳурии Тоҷикистон ҷаноби Андреас Протманн зимни ташриф ба вилояти Суғд бо ҳамроҳии намояндагони мақомоти иҷроияи ҳокимияти давлатии вилоят аз МОИ “Суғд” дидан карданд. Роҳбари Маъмурият мӯҳтарам Камолиддинзода Илёсиддин Ҷамолиддин бо мақсади тақвияти ҳамкориҳо байни кишварҳои Олмон ва Тоҷикистон ва дар ин замина ҷалби бештари сармоягузорони дохилию хориҷӣ ба иқтисодиёти кишвар меҳмононро аз фаъолияти субъектҳои минтақа, аз он ҷумла ҶДММ “Арча мебел”, ҶДММ КМ ТТ “Таҷпроф”, ҶДММ КМ ТТ “Силкоат Боя” ва МТҒ “Колеҷи техникии ш. Хуҷанд ” шинос карданд. 

Дар ин замина иброз гардид, ки минбаъд низ барои тақвият бахшидан ба рушди муносибатҳои иқтисодӣ байни кишварҳои Олмон ва Тоҷикистон тавассути истифодаи васеи имтиёзҳои андозию гумрукӣ ба соҳибкорон тавассути Минтақаи озоди иқтисодии “Суғд” тадбирҳои зарурӣ андешида хоҳад шуд.

• 21.10.2021

Иштироки намояндагон ва субъетҳои МОИ «Суғд» дар VII Ярмаркаи байналмилалии савдо “Суғд-2021”

Санаи 20 октябри соли 2021 дар идомаи кори форуми “Имкониятҳои тиҷорату сармоягузорӣ ва дурнамои рушди минтақаҳо” дар Қасри варзиши шаҳри Хуҷанд ҳафтумин Ярмаркаи байналмилалии савдо “Суғд-2021” баргузор гардид.  

Дар Ярмаркаи байналмилалии муовини якуми Сарвазири Ҷумҳурии Тоҷикистон Давлаталӣ Саид, Раиси вилояти Суғд Раҷаббой Аҳмадзода, раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Саъдӣ Қодирзода, намояндагони вазорату идораҳо, сафири Тоҷикистон дар Ӯзбекистон Абдуҷаббор Раҳмонзода, намояндаи доимии Барномаи Рушди СММ дар Тоҷикистон Мехта Пратибха, намояндаи тиҷоратии Федератсияи Россия дар Ҷумҳурии Тоҷикистон Евгений Коренков, президенти палатаи савдо ва саноати вилояти Липетски Федератсияи Россия Анатолий Голтсов, муовини ҳокими вилояти Тошканди Ҷумҳурии Ӯзбекистон Равшан Юлдошев, роҳбарони ташкилоту идораҳои вилоятӣ, беш аз 200 нафар тоҷирону соҳибкорон ва сармоягузорон аз Россия ва Ӯзбекистон, зиёда аз 200 нафар соҳибкорону роҳбарони корхонаҳои саноатии вилоят ва дигар минтақаҳои кишвар иштирок намуданд.

Дар ярмаркаи мазкур маҳсулоти беш аз 200 корхонаҳои саноатӣ ва маҳсулоти кишоварзӣ, ки дар қатори онҳо субъектҳои МОИ “Суғд” ҶСК “Ариана Метал пласт”, ҶДММ КФ “Фартуна Ко”, ҶДДМ “Равзана Пласт”, ҶДММ КМ “Сикоят Бойя” маҳсулоти истеҳсолшавандаи худро ба намоиш гузоштанд, ки меҳмонони дохиливу хориҷӣ аз он боздид намуданд.

Дар рафти чорабинӣ намояндагони Маъмурияти МОИ “Суғд” бо соҳибкорону тоҷирон ва муасиссону роҳбарони корхонаҳо, масъулини мақомоти давлатии кишварҳои иштироккунанда, миёни ҳам мубодилаи иттилоъ  намуда,  баҳри ҳамкории дутарафа гуфтушунидҳои дуҷониба гузаронидаанд.

Дар натиҷаи гуфтушинидҳо дар қисмати маросими пӯшидашавии ярмаркаи байналмилалӣ, Маъмурияти МОИ “Суғд” бо МОИ “Ургути” вилояти Самарқанди Ҷумҳурии Ӯзбекистон, бо муассиси LLC “Kokand Bicycles”, ва  бо роҳбарияти ФХ «AGRO EXPORT Yangiobod» ёддошти тафоҳум ба имзо расонида шуд.