Ташрифи Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Раҳимзода Султон Нурмаҳмадпур ба МОИ “Суғд”
Санаи 27-уми сентябри соли 2025 Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Раҳимзода Султон Нурмаҳмадпур бо сардори Раёсати сармоягузорӣ ва идораи амволи давлатии вилояти Суғд Шарифҷон Ахмедов ба МОИ “Суғд” ташриф оварданд.
Муовини роҳбари МОИ “Суғд” Ҳакимов Н.А., дар даромадгоҳи МОИ “Суғд” меҳмононро хуш пазируфта доир ба рафти фаъолияти маъмурият ва рафти сохтмон дар ҳудуди МОИ “Суғд” ба меҳмонон маълумот доданд.
Сипас меҳмонон аз фаъолияти якчанд субъектҳои МОИ “Суғд” аз ҷумла: ҶДММ “Азияполитекс”, ҶДММ КМ ТТ “Арча-Мебел”, ҶДММ “Донаи Алмос” боздид намуда бо масъулини корхонаҳои мазкур доир ба раванди истеҳсоли маҳсулот саволу ҷавоб намуданд.
Инчунин меҳмонон аз рафти корҳои сохтмонии ҶДММ “Сайр Суғд” ва бинои нави Маъмурияти МОИ “Суғд” шиносоӣ намуданд.
