Вохӯрии муовини Раиси вилоят Анвар Яъқубӣ ва Роҳбари Маъмурияти МОИ “Суғд” Муҳаммадзода Муҳаммад Султон бо намояндаи Бонки Ҷаҳонӣ
Санаи 5 майи соли 2025 дар бинои Мақомоти иҷроияи ҳокимияти давлатии вилояти Суғд вохӯрии муовини Раиси вилоят Анвар Яъқубӣ ва Роҳбари Маъмурияти МОИ “Суғд” Муҳаммадзода Муҳаммад Султон бо намояндаи Бонки Ҷаҳонӣ, Иқтисодчии калон оид ба кишоварзӣ Хазем Ханбал баргузор гардид. Дар рафти вохӯрӣ масъалаи дар мавзеи Минтақаи озоди иқтисодии “Суғд” дар доираи лоиҳаи “Баланд бардоштани рушди уствории соҳаи кишоварзӣ”, барои сохта ба истифода додани “Марказҳои тақсимоти яклухти маҳсулоти кишоварзӣ ва сохтани сардхона, ки Маъмурияти МОИ “Суғд” дар якҷоягӣ бо Вазорати кишоварзии Ҷумҳурии Тоҷикистон ба масоҳати 2 гектар замин ҷудо намудааст ва аз тарафи Бонки умумиҷаҳонӣ маблағгузорӣ карда мешавад, мавриди баррасии дуҷониба қарор дода шуд.
