Ифтитоҳи корхонаи ҶДММ “Афранг Пластик” дар МОИ “Суғд”
30 марти соли 2025 дар МОИ “Суғд” Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ҳамчунин корхонаи муштараки истеҳсоли профилҳои пластикӣ ҶДММ “Афранг Пластик”-ро мавриди истифода қарор доданд. Корхона дар 1 сол имкон дорад то 6 ҳазор тонна маҳсулоти пластикӣ омода намояд. Ин иқтидор баъд аз 3 соли фаъолият, солона ба 8 ҳазор тонна ва шумораи коргарон ба 150 нафар расонда мешавад. Ҳоло дар корхонаи мазкур 100 коргар маҳсулоти тайёри пластикӣ мутобиқ ба талаботи стандарти ҷаҳонӣ истеҳсол менамоянд.
