Соҳибкорони ватание, ки дар хориҷа фаъолият мебаранд аз МОИ “Суғд” дидан карданд
Санаи 9 сентябри соли ҷорӣ, гурӯҳи соҳибкорони ватанӣ, ки дар хориҷа, махсусан дар Федератсияи Россия ва Қазоқистон фаъолият мебаранд ба МОИ “Суғд” ташриф оварданд.
Дар рафти ташриф меҳмонон аз фаъолияти субъектҳои минтақа – Арча ва Арча мебел шинос шуданд, ки дар рафти шиносоӣ ба онҳо оиди афзалиятҳо ва имтиёзҳои муфиди фаъолиятбарӣ дар МОИ маълумот дода шуд.
Хотиррасон мешавем, ки санаҳои 5 то 9 сентябр Анҷумани соҳибкорони бурунмарзии кишвар, ки дар он зиёда аз 70 нафар соҳибкорони тоҷик иштирок намуданд, баргузор гардид.
Анҷуман ба хотири 27-умин солгарди Истиқлолияти Ҷумҳурии Тоҷикистон ва барои муаррифии иқтидори сармоягузории қаламрави кишвар гузаронида шуд.
