ТАШРИФИ ДОНИШҶӮЁНИ ФАКУЛТЕТИ ГЕОЭКОЛОГИЯ ВА ТУРИЗМИ МДТ ДОНИШГОҲИ ДАВЛАТИИ ХУҶАНД БА НОМИ АКАДЕМИК Б.ҒАФУРОВ БА МОИ “СУҒД”

ТАШРИФИ ДОНИШҶӮЁНИ ФАКУЛТЕТИ ГЕОЭКОЛОГИЯ ВА ТУРИЗМИ МДТ ДОНИШГОҲИ ДАВЛАТИИ ХУҶАНД БА НОМИ АКАДЕМИК Б.ҒАФУРОВ БА МОИ “СУҒД”

 
Санаи 16-уми июни соли 2025 ташрифи донишҷӯёни факултети геоэкология ва туризми МДТ Донишгоҳи давлатии Хуҷанд ба номи академик Б.Ғафуров ба МОИ “Суғд” баргузор гардид. Донишҷӯёнро муовини Роҳбари Маъмурият Ҳакимов Н.А. дар маҷлисгоҳи Маъмурият пешвоз гирифтанд. Мутахассиси пешбари шуъбаи муносибатҳои байналмиллалӣ ва ҷалби сармоягузорӣ Раҳимова У. дар бораи МОИ “Суғд” тариқи презентатсия маълумот пешниҳод намуд.
Ҳадафи ташрифи донишҷӯён ба МОИ “Суғд” шиносоӣ ва мукаммал гардонидани маълумотҳо дар бораи корхонаҳои саноатӣ мебошад. Аз ин лиҳоз донишҷӯён бо якчанд субъектони МОИ “Суғд”, аз ҷумла ҶДММ “Азияполитекс” ва ҶДММ “КФ Фортуна-Ко” аз наздик шинос шуда, доир ба фаъолияти корхонаҳои мазкур маълумот гирифтанд. Дар охир донишҷӯён миннатдории хешро ба Роҳбарияти МОИ “Суғд” баён намуданд.
   
ҶАЛАСАИ САЙЁРИ ШӮРОИ ЭКСПЕРТӢ ОИД БА САНОАТИ КӮҲӢ ВА МЕТАЛЛУРГИЯ ДАР ХУҶАНД БАРГУЗОР ГАРДИД

ҶАЛАСАИ САЙЁРИ ШӮРОИ ЭКСПЕРТӢ ОИД БА САНОАТИ КӮҲӢ ВА МЕТАЛЛУРГИЯ ДАР ХУҶАНД БАРГУЗОР ГАРДИД

 
13 июни соли 2025 дар шаҳри Хуҷанд ҷаласаи сайёри Шӯрои экспертӣ оид ба саноати кӯҳӣ ва металлургия баргузор гардид. Ин ҳамоиши муҳими соҳавӣ дар доираи Ярмаркаи XI байналмилалии савдо «СУҒД–2025» сурат гирифт.
Ҷаласа бо ташаббуси Маркази рушди иқтисодии давлатҳои аъзои Иттиҳоди Давлатҳои Мустақил (СНГ) ва бо дастгирии Кумитаи саноатии СНГ ташкил шуда, дар он намояндагони кишварҳои гуногуни Иттиҳод, роҳбарони ширкатҳои саноативу истеҳсолӣ, инчунин олимон ва мутахассисони соҳа ширкат варзиданд.
Дар чорабинӣ ҳамзамон Роҳбари Маъмурияти МОИ “Суғд ” Муҳаммадзода Муҳаммад Султон иштирок намуд. Зимни суханронии худ Роҳбари Маъмурияти МОИ “Суғд” доир ба нақши муҳими МОИ “Суғд” дар рушди соҳаи саноат арзёбӣ намуда, роҳбарони ширкатҳои саноативу истеҳсолии ҷаласаро баҳри ҳамкорӣ ва сармоягузорӣ ба МОИ “Суғд” даъват намуд.
Мавзӯи асосии ҷаласа ба баррасии масъалаҳои мубрами рушди соҳаи саноати кӯҳӣ ва металлургия, табодули таҷриба миёни ширкатҳо ва таҳкими ҳамкориҳои байнидавлатӣ бахшида шуда буд.
Иштирокдорони ҷаласа доир ба вазъи кунунии бозорҳои саноатӣ, дастовардҳои навтарини технологӣ дар истихроҷу коркард, имкониятҳои ҷалби сармоягузорӣ ва татбиқи лоиҳаҳои муштарак ибрози назар намуданд.
Таъкид гардид, ки баргузории чунин ҳамоишҳо барои тавсеаи робитаҳои иқтисодии байни кишварҳои СНГ заминаи мусоид фароҳам оварда, ба суръат бахшидани рушди иқтисодиёти минтақавӣ мусоидат менамояд.
  
  
Ташрифи намояндагони вилояти Могилёви Ҷумҳурии Белорус таҳти роҳбарии муовини губернатори вилояти Могилёв Якубенко Анатолий Сергеевич ба МОИ “Суғд”

Ташрифи намояндагони вилояти Могилёви Ҷумҳурии Белорус таҳти роҳбарии муовини губернатори вилояти Могилёв Якубенко Анатолий Сергеевич ба МОИ “Суғд”

 
Санаи 13 июни соли 2025 намояндагони вилояти Могилёви Ҷумҳурии Белорус таҳти роҳбарии муовини губернатори вилояти Могилёв Якубенко Анатолий Сергеевич ва намояндаи МОИ “Могилёв” Хаит Кирил Игорович ба МОИ “Суғд” ташриф оварданд.
Муовини Роҳбари МОИ “Суғд” Ҳакимов Н. меҳмононро хуш пазируфта, оид ба афзалиятҳои МОИ “Суғд” маълумот доданд.
Қайд кардан ба маврид аст, ки МОИ “Суғд” бо МОИ “Могилёв”- и Ҷумҳурии Белорус шуруъ аз соли 2022 ёддошти тафоҳум ба имзо расонидааст ва дар ҳошияи ин санади ҳамкорӣ ҳамасола тибқи нақшаи тартибдодаи худ корбарӣ менамоянд. Ба ин васила дар оянда ҷонибҳо азм гирифтанд то муносибатҳои иқтисодии худро ҷоннок намоянд.
Сипас меҳмонон аз рафти фаъолияти якчанд субъекҳои МОИ “Суғд” аз ҷумла: ҶДММ “Азияполитекс”, ҶДММ “КФ Фортуна-Ко”, ҶДММ КМ ТТ “Арча-мебел” ва ҶДММ КМ ТТ “Афранг пластик” дидан намуда, бо роҳбарияти корхонаҳои мазкур оиди фаъолият дар МОИ “Суғд” ҳамсӯҳбат шуданд.
   
Иштироки намояндагони Маъмурияти МОИ “Суғд” якҷо бо субъектони фаъоли худ ба маросими расмии Хl Ярмаркаи байналмиллалии савдо таҳди унвони “Суғд 2025”

Иштироки намояндагони Маъмурияти МОИ “Суғд” якҷо бо субъектони фаъоли худ ба маросими расмии Хl Ярмаркаи байналмиллалии савдо таҳди унвони “Суғд 2025”

 
12 июни соли 2025 дар Қасри варзиши шаҳри бостонии Хуҷанд маросими расмии ифтитоҳи ёздаҳумин Ярмаркаи байналмилалии савдо таҳти унвони «Суғд – 2025» баргузор гардид.
Чорабинӣ бо ҳузури масъулини мақомоти давлатӣ, доираҳои тиҷоратӣ, саноатӣ, сармоягузорӣ, намояндагони кишварҳои хориҷӣ, созмонҳои байналмилалӣ ва шарикони рушди Ҷумҳурии Тоҷикистон оғоз шуд.
Раиси вилояти Суғд Раҷаб Аҳмадзода дар суханронии худ иброз намуд, ки баргузории чунин ярмаркаи сатҳи байналмилалӣ яке аз иқдомҳои муҳим дар роҳи тақвияти иқтисоди минтақавӣ, тавсеаи ҳамкориҳои мутақобилан судманд ва ҷалби сармоя ба иқтисоди вилоят мебошад.
Ёдовар мешавем, ки дар Ярмаркаи байналмиллалии савдо Суғд-2025 субъектони фаъоли МОИ Суғд аз ҷумла ҶДММ “Сайёҳи Суғд “, ҶДММ “Саманди Суғд “, ҶДММ ” Тоҷпанел, ҶДММ “Стар пласт “, ҶДММ “Реал” , ҶДММ “Азияполитекс “, ҶДММ КМ ТТ “Арча мебел “, ҶДММ КФ “Фортуна-Ко ” ва ҶДММ КМ ТТ “Силкоат Бойя ” иштироки фаъол намуда бо маҳсулоти хушсифати худ диққати тамошобинонро бештар ба худ ҷалб намуд.
Ҳамзамон дар ҳошияи баргузории Ярмаркаи байналмиллалии савдо Суғд-2025 санаи 13 июн байни субъекти МОИ Суғд ҶДММ КФ “Фортуна-Ко” ва ҶДММ “Подосиновский”-и вилояти Кировскии Федератсияи Россия Ёддоши тафоҳум ба имзо расонида шуд, ки ин гувоҳи ташаккули муносибатҳои дуҷонибаи иқтисодӣ мебошад.
   
   
   
 
ТАШРИФИ ҲАЙАТИ СОҲИБКОРОНИ ҶУМҲУРИИ ЭРОН ТАҲТИ РОҲБАРИИ РОҲБАРИ ҲАЙАТИ НАМОЯНДАГОНИ МУШТАРАКИ БОЗОРГОНИИ ЭРОНУ ТОҶИКИСТОН МУҲАММАД АМРОНӢ БА МОИ “СУҒД”

ТАШРИФИ ҲАЙАТИ СОҲИБКОРОНИ ҶУМҲУРИИ ЭРОН ТАҲТИ РОҲБАРИИ РОҲБАРИ ҲАЙАТИ НАМОЯНДАГОНИ МУШТАРАКИ БОЗОРГОНИИ ЭРОНУ ТОҶИКИСТОН МУҲАММАД АМРОНӢ БА МОИ “СУҒД”

 

    Ҳамзамон санаи 11 июни соли 2025 ба Маъмурияти МОИ «Суғд» ҳайати соҳибкорони Ҷумҳурии Исломии Эрон таҳти роҳбарии роҳбари ҳайати намояндагони муштараки бозоргонии Эрону Тоҷикистон бо мақсади шиносоӣ аз фаъолияти МОИ “Суғд” ташриф оварданд. 

   Муовини Роҳбари Маъмурияти МОИ “Суғд” Ҳакимов Н.А. дар даромадгоҳи МОИ “Суғд” меҳмононро хуш пазируфта,  доир ба афзалиятҳои МОИ “Суғд” маълумот доданд. Қайд намудан ба маврид аст, ки имрузҳо бо ташаббуси бевоситаи сарони ду давлат муносибатҳои иқтисодӣ торафт тараққӣ ёфта истодааст ва Маъмурияти МОИ “Суғд” низ дари худро барои сармоягузорони ҳамзабону ҳамфарҳанг боз намудааст. Меҳмонон аз имтиёзҳои гумрукию андозӣ ва макони ҷойгиршавии минтақа аз наздик шинос шуда хоҳиши дар оянда ҳамкорӣ карданро қайд намуданд.

    Сипас меҳмонон аз рафти фаъолияти якчанд субъекҳои МОИ “Суғд” аз ҷумла: ҶДММ “КФ Фортуна-Ко”, ҶДММ КМ ТТ “Арча-мебел”, ҶДММ “Азияполитекс”, ва ҶДММ КМ ТТ “Афранг пластик” дидан намуда, бо роҳбарияти корхонаҳои мазкур ҳамсӯҳбат шуданд.

   

ТАШРИФИ ҲАЙАТИ НАМОЯНДАГОНИ ВИЛОЯТИ КИРОВСКИ ФЕДЕРАТСИЯИ РОССИЯ, ТАҲТИ РОҲБАРИИ ДИРЕКТОРИ АНО “МАРКАЗИ ДАСТГИРИИ СОДИРОТ”  ХОНУМА ПОГЛАЗОВА ЕЛЕНА ВИКТОРОВНА БА МОИ “СУҒД”

ТАШРИФИ ҲАЙАТИ НАМОЯНДАГОНИ ВИЛОЯТИ КИРОВСКИ ФЕДЕРАТСИЯИ РОССИЯ, ТАҲТИ РОҲБАРИИ ДИРЕКТОРИ АНО “МАРКАЗИ ДАСТГИРИИ СОДИРОТ”  ХОНУМА ПОГЛАЗОВА ЕЛЕНА ВИКТОРОВНА БА МОИ “СУҒД”

    Санаи 11 июни соли 2025 дар ҳошияи баргузории Ярмаркаи байналмиллалии савдо “Суғд-2025” ки санаҳои 12-14 июнро дар бар мегирад,  ба Маъмурияти МОИ «Суғд» ҳайати намояндагони вилояти Кировски Федератсияи Россия таҳти роҳбарии Директори АНО “Маркази дастгирии содирот” хонума Поглазова Елена Викторовна бо мақсади шиносоӣ аз фаъолияти МОИ “Суғд” ташриф оварданд. 

   Муовини Роҳбари Маъмурияти МОИ “Суғд” Ҳакимов Н.А. дар даромадгоҳи МОИ “Суғд” меҳмононро истиқбол намуда,  доир ба афзалият ва имтиёзҳои гумрукию андозӣ маълумоти муфассал доданд.

    Сипас меҳмонон аз рафти фаъолияти якчанд субъекҳои МОИ “Суғд” аз ҷумла: ҶДММ “Азияполитекс”, ҶДММ “КФ Фортуна-Ко”, ҶДММ КМ ТТ “Арча-мебел” ва ҶДММ КМ ТТ “Афранг пластик” дидан намуда, бо роҳбарияти корхонаҳои мазкур оиди фаъолият дар МОИ “Суғд” ҳамсӯҳбат шуданд.

  

 

САФАРИ РАСМИИ ҲАЙАТИ ВИЛОЯТИ СУҒД БА ВИЛОЯТИ ТЮМЕНИ ФЕДЕРАТСИЯИ РУСИЯ

САФАРИ РАСМИИ ҲАЙАТИ ВИЛОЯТИ СУҒД БА ВИЛОЯТИ ТЮМЕНИ ФЕДЕРАТСИЯИ РУСИЯ

 
Дар доираи сафари кории ҳайати вилояти Суғд ба вилояти Тюмен мулоқоти Раиси вилояти Суғд Раҷаб Аҳмадзода бо Губернатори вилояти Тюмен Александр Моор баргузор гардид.
Дар мулоқот ҷонибҳо дурнамои тавсеаи ҳамкориҳои байниминтақавии Тоҷикистону Россияро мавриди баррасӣ қарор доданд. Ба таъкиди ҷонибҳо самтҳои афзалиятноки ҳамкорӣ байни вилоятҳои Суғду Тюмен соҳаҳои саноату кишоварзӣ, тандурустӣ, илм ва маориф, фарҳанг ва сайёҳӣ ба ҳисоб мераванд. Ҳамзамон, имкониятҳои мавҷуда барои рушди ҳамкориҳо ва таъсиси корхонаҳои муштарак, аз ҷумла дар самти коркарди маҳсулоти кишоварзӣ ва пахта, мавриди таваҷҷуҳи махсус қарор гирифтанд.
Раиси вилояти Суғд Раҷаб Аҳмадзода изҳор дошт, ки вохӯрии имруза заминаи мусоид барои густариши бештари ҳамкориҳои иқтисодиву иҷтимоӣ ва фарҳангӣ байни ду минтақа мегардад. “Мо имкони таъсиси корхонаҳои муштарак ва тақвияти равобити тиҷоратиро дорем. Вилояти Суғд дорои иқтидори бузурги саноатӣ ва кишоварзист, ки метавонад ба вилояти Тюмен ҳамкории судманд дошта бошад”,- таъкид кард Раҷаб Аҳмадзода.
Губернатори вилояти Тюмен Александр Моор зимни баромади худ афзуд: “Вилояти Суғд намунаи равшани рушди босуръати саноату кишоврзист . Мо итминон дорем, ки бо дарназардошти ҳадафҳои стратегие, ки аз ҷониби сарони давлатҳоямон муайян шуданд, минтақаҳои мо метавонанд дар таҳкими равобити миёни Тоҷикистону Россия саҳми босазо гузоранд”.
Ёдовар мешавем, ки дар ҷараёни сафари худ ба вилояти Тюмен ҳайати вилояти Суғд аз маркази тиббии Тюмен, технопарк, Донишгоҳи давлатии Тюмен, корхонаҳои саноатӣ ва объектҳои инфрасохтори сайёҳи боздид анҷом доданд.
  
  
 
САФАРИ РАСМИИ ҲАЙАТИ ВИЛОЯТИ СУҒД БА ВИЛОЯТИ ВОРОНЕЖИ ФЕДЕРАТСИЯИ РУСИЯ

САФАРИ РАСМИИ ҲАЙАТИ ВИЛОЯТИ СУҒД БА ВИЛОЯТИ ВОРОНЕЖИ ФЕДЕРАТСИЯИ РУСИЯ

 

    Бо мақсади татбиқи дастуру супоришҳои Асосгузори сулҳу вҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, Раиси вилояти Суғд Раҷаб Аҳмадзода бо сафари расмӣ ба вилояти Воронежи Федератсияи Русия ташриф овард.

    Дар доираи сафар, рӯзи 30 май дар толори ҳукумати Воронеж мулоқоти расмии Раиси вилояти Суғд Раҷаб Аҳмадзода бо Губернатори Воронеж Александр Гусев баргузор гардид. Зимни мулоқот ҷонибҳо масъалаҳои таҳкими ҳамкориҳои байниминтақавиро дар самтҳои иқтисод, саноат, кишоварзӣ, сайёҳӣ, маориф ва фарҳанг мавриди баррасӣ қарор доданд.

   Ҳамзамон дар доираи сафар бо иштироки доираи васеи соҳибкорону намояндагони мақомоти давлатӣ, нишасти муштараки тиҷоратӣ баргузор гардида, дар он имкониятҳои иқтисодии вилояти Суғд муаррифӣ шуданд. Раиси вилоят аз ташкили корхонаҳои муштарак, бунёди марказҳои логистикӣ, афзоиши содироти маҳсулот ва рушди инфрасохтори сайёҳӣ ҳамчун самтҳои афзалиятноки ҳамкорӣ ёдовар шуд.

  Бояд қайд намуд, ки  дар ҷараёни ин сафар байни Роҳбари Маъмурияти МОИ “Суғд” Муҳаммадзода Муҳаммад Султон ва Роҳбари Маъмурияти МОИ “Ворорнеж” Трофименко Максим Игорович, Ёддошти тафоҳум ба имзо расонида шуд. Санади мазкур барои таъсиси корхонаҳои муштарак ва тақвияти муносибатҳои тиҷоративу сармоягузорӣ заминаи мусоид фароҳам хоҳад овард.

    Ҳайати расмии вилояти Суғд дар идомаи сафар аз як қатор корхонаҳои бузурги саноативу логистикии Воронеж, аз ҷумла шабакаи анборҳои “Пятёрочка”, корхонаи истеҳсоли нушокиҳои “Global Drinks”, корхонаи “Кобил-Групп” ва ширкати “Масленица” боздид ба амал оварданд.Ҷонибҳо омодагии худро ҷиҳати таъсиси корхонаҳои муштарак ва содироти маҳсулоти ватанӣ ба бозори Федератсияи Русия изҳор доштанд

   Дар охири сафар, дар толори маҷмааи таърихиву фарҳангии Столь-Фон Голштейнов вохӯрии ҷамъбастии соҳибкорони муваффақи ҳар ду минтақа баргузор гардид. Зимни он роҳбарони Суғду Варонеж аз таҷрибаҳои муваффақи ҳамкорӣ изҳори назар намуда, доир ба рушду тавсеаи ҳамкориҳои саноатӣ, дастгирии бахши хусусӣ ва пешниҳоди имтиёзҳо ба соҳибкорон табодули афкор карданд.

  

 

ТАШРИФИ ҲАЙАТИ НАМОЯНДАГОНИ ҶУМҲУРИИ БЕЛОРУС ТАҲТИ РОҲБАРИИ РАИСИ ВИЛОЯТИ МИНСК АЛЕКСЕЙ КУШНАРЕНКО БА МОИ “СУҒД”

ТАШРИФИ ҲАЙАТИ НАМОЯНДАГОНИ ҶУМҲУРИИ БЕЛОРУС ТАҲТИ РОҲБАРИИ РАИСИ ВИЛОЯТИ МИНСК АЛЕКСЕЙ КУШНАРЕНКО БА МОИ “СУҒД”

 

    Нимаи дуюми санаи 27 майи соли 2025 ба Маъмурияти МОИ «Суғд» ҳайати намояндагони Ҷумҳурии Белорус таҳти роҳбарии Раиси вилояти Минск Алексей Кушнаренко бо мақсади шиносоӣ аз фаъолияти МОИ “Суғд” ва густариши  робитаҳои иқтисодӣ ташриф оварданд. 

    Роҳбари Маъмурияти МОИ “Суғд” Муҳаммадзода Муҳаммад Султон дар даромадгоҳи МОИ “Суғд” меҳмононро хуш пазируфта доир ба афзалият ва имтиёзҳои гумрукию андозӣ маълумоти муфассал доданд. Ҳамзамон Роҳбарияти Маъмурият ба меҳмонон омодагии худро баҳри мустаҳкам намудани муносибатҳои иқтисодӣ баён намуданд.

    Сипас меҳмонон аз рафти фаъолияти якчанд субъекҳои МОИ “Суғд” аз ҷумла: ҶДММ “Азияполитекс”, ҶДММ “КФ Фортуна-Ко” ва ҶДММ КМ ТТ “Арча-мебел” дидан намуда, бо роҳбарияти корхонаҳои мазкур оиди фаъолият дар МОИ “Суғд” ҳамсӯҳбат шуданд. Ҳамчунин дар охир ҷонибҳо ҳамдигарро бо тӯҳфаҳои хотиравӣ қадрдонӣ намуданд.

  

   Ҳамзамон ҳайати намояндагони вилояти Мински Ҷумҳурии Белорус ба Маҷмааи таърихию фарҳангии “Қалъаи Хуҷанд” ташриф оварда, аз Намоишгоҳи молу маҳсулоти корхонаҳои вилоят аз ҷумла субектҳои МОИ “Суғд”  ҶДММ КМ ТТ “Силкоат Бойя”, ҶДММ “КФ Фортуна Ко”, ҶДММ “Азияполитекс”, ҶДММ “Тоҷпанел” ҶДММ “Сайр Суғд”, ҶДММ  “Сайёҳи Суғд” ва ҶДММ “Саманди Суғд”  дидан намуда ба сифати маҳсулоти корхонаҳои мазкур баҳои баланд доданд.

   

  

ИШТИРОКИ РОҲБАРИ МАЪМУРИЯТИ МОИ “СУҒД” МУҲАММАДЗОДА М.С. ДАР ФОРУМИ ИҚТИСОДИЮ ТИҶОРАТӢ ТАҲТИ УНВОНИ “ТОҶИКИСТОН-БЕЛОРУС”

ИШТИРОКИ РОҲБАРИ МАЪМУРИЯТИ МОИ “СУҒД” МУҲАММАДЗОДА М.С. ДАР ФОРУМИ ИҚТИСОДИЮ ТИҶОРАТӢ ТАҲТИ УНВОНИ “ТОҶИКИСТОН-БЕЛОРУС”

 Санаи 27 майи соли 2025 дар шаҳри Гулистони вилояти Суғд форуми иқтисодию тиҷоратӣ таҳти унвони “Тоҷикистон-Белорус” бо иштироки доираҳои тиҷоратии вилояти Суғди Ҷумҳурии Тоҷикистон ва вилояти Мински Ҷумҳурии Белорус доир гардид.

   Дар кори форум Раиси вилояти Суғд Раҷаб Аҳмадзода, Раиси вилояти Мински Ҷумҳурии Белорус Алексей Кушнаренко, роҳбарони ташкилоту идораҳо аз ҷумла Роҳбари Маъмурияти МОИ “Суғд” Муҳаммадзода Муҳаммад Султон ва соҳибкорони ду ҷониб иштирок намуданд.

    Ҳадафи асосии ин ҳамоиш густариши робитаҳои тиҷоративу сармоягузорӣ, рушди ҳамкориҳои саноативу молиявӣ, ҷалби сармоя барои таъсиси корхонаҳои муштарак, баланд бардоштани гардиши мол ва дарёфти шарикони нав мебошад.

   

 

loading