ҶАЛАСАИ ҶАМЪБАСТИИ ФАЪОЛИЯТИ КОРИИ МАЪМУРИЯТИ МОИ “СУҒД” ДАР СОЛИ 2025 ВА ВАЗИФАГУЗОРИҲО БАРОИ СОЛИ 2026

ҶАЛАСАИ ҶАМЪБАСТИИ ФАЪОЛИЯТИ КОРИИ МАЪМУРИЯТИ МОИ “СУҒД” ДАР СОЛИ 2025 ВА ВАЗИФАГУЗОРИҲО БАРОИ СОЛИ 2026

Санаи 20 январи соли 2026 дар маҷлисгоҳи Маъмурияти МОИ “Суғд” ҷаласаи корӣ таҳти роҳбарии Роҳбари Маъмурият Муҳаммадзода Муҳаммад Султон оид ба ҷамъбасти натиҷаҳои фаъолияти Маъмурият ва субъектҳои МОИ “Суғд” дар соли 2025 ва ҳамчунин вазифагузориҳо барои соли 2026 баргузор гардид.

    Дар ҷаласа муовинони Роҳбари Маъмурият, сардорони шуъбаҳо ва бахшҳо, роҳбарон ва сармуҳосибони субъектҳои минтақа иштирок намуданд.

   Ҷаласа бо суханони ифтитоҳи Роҳбари Маъмурияти МОИ “Суғд” Муҳаммадзода М. С. ҳусни оғоз гардида, оид ба ҷамъбасти натиҷаи фаъолияти Маъмурияти МОИ “Суғд” дар соли 2025 аз ҷониби муовини якуми Роҳбари Маъмурияти МОИ “Суғд” Ҳакимов Насимҷон Абдуғаниевич гузориши муфассал тариқи рӯнамо пешниҳод гардид.

    Муҳаммадзода М. С.  ҷиҳати иҷрои дастуру супоришҳои Асосгузори сулҳу ваҳдати миллӣ – Пешвои миллат Президенти Ҷумҳурии Тоҷикистон муҳтарам Эмомалӣ Раҳмон, вобаста ба самти саноатикунонии кишвар ва таваҷҷӯҳи хос ба соҳибкорон бобати зиёд намудани шумораи ҷойҳои кории нав дар Паёми навбатиашон, ки санаи 16 декабри соли 2025 ироа карда буданд, иштирокчиёни ҷаласаро вазифагузорӣ намуданд.

    Ҳамзамон, Роҳбари Маъмурият фаъолияти  Маъмурияти МОИ “Суғд” ва субъектони минтақаро дар соли 2025 хуб арзёбӣ намуда, баҳри боз ҳам баланд бардоштани самаранокии фаъолият, беҳтар намудани ҳолати инфрасохтор, зиёд намудани ҷойҳои кории нав, сари вақт пардохт намудани маблағи барқ, иҷораи замин, зиёд намудани музди миёнаи маоши кормандон, насби панелҳои офтобӣ дар корхонаҳо, ташкили шанбегиҳо дар минтақа, шинонидани дарахтони ҳамешасабз ва гулҳои мавсимӣ дар саҳни корхонаҳо, давом додани роҳи пиёдагард дар шафати роҳҳои асосии минтақа ба масъулин дастуру супоришҳо доданд.

Ҳамчунин, дар охири ҷаласа Роҳбарият барои боз ҳам ҷоннок намудани корҳои истеҳсолию содиротӣ ва ҷалби сармоягузории дохилию хориҷӣ дастуру тавсияҳо доданд.    

ТАШРИФИ ҲАЙАТИ САРМОЯГУЗОРОНИ ҶУМҲУРИИ ҚИРҒИЗИСТОН БА МОИ “СУҒД”

ТАШРИФИ ҲАЙАТИ САРМОЯГУЗОРОНИ ҶУМҲУРИИ ҚИРҒИЗИСТОН БА МОИ “СУҒД”

 Санаи 19 январи соли 2026 ба МОИ “Суғд” ҳайати сармоягузорони Ҷумҳурии Қирғизистон таҳти роҳбарии намояндаи Иттиҳодияи дӯзандаҳои қирғизӣ ҷаноби Элбек Хабибуллоев, хонум Дуйшабаева Дилорамхан ва роҳбари Ширкати нассоҷии ҶДММ “Ecotex”-и Ҷумҳурии Қирғизистон хонум Жолдошова Айгул Нурматовна бо мақсади боздид аз МОИ “Суғд” ташриф намуданд.

Ҳайати меҳмононро муовини якуми Роҳбари Маъмурияти МОИ “Суғд”,  Ҳакимов Н. А., ва муовини Роҳбари Маъмурияти МОИ “Суғд”, Неъматзода Д. М., дар даромадгоҳи МОИ “Суғд” хуш пазируфта, доир ба фаъолият ва афзалияту имтиёзҳои минтақа ба ҳайати сармоягузорони Ҷумҳурии Қирғизистон маълумоти муфассал пешниҳод намуданд.

Ҳамзамон, Роҳбарияти Маъмурияти МОИ “Суғд”  сармоягузоронро аз рафти фаъолияти субъекти МОИ “Суғд” ҶДММ “Азияполитекс”, ки самти фаъолияташ бо фаъолияти ширкати ташрифнамуда монандӣ дорад, шинос намуданд.

Баъди шиносои аз ҷараёни истеҳсоли маҳсулот ва гуфтушунид ҳайати сармоягузорони Ҷумҳурии Қирғизистонбо роҳбарияти корхона,  баҳри дар оянда шартномаи ҳамкорӣ бастанро мувофиқи мақсад шуморидан.

    Дар охир ҷонибҳо омодагии худро баҳри таҳкими минбаъдаи муносибатҳои иқтисодӣ изҳор намуданд.

ТАШРИФИ ДОВТАЛАБОН АЗ ШИРКАТИ “ФУЮ”-И ШАҲРИ ЯНГ ЧУАН, ВИЛОЯТИ ШАНСИ-И ҶУМҲУРИИ МАРДУМУИИ ЧИН БА МОИ “СУҒД”

ТАШРИФИ ДОВТАЛАБОН АЗ ШИРКАТИ “ФУЮ”-И ШАҲРИ ЯНГ ЧУАН, ВИЛОЯТИ ШАНСИ-И ҶУМҲУРИИ МАРДУМУИИ ЧИН БА МОИ “СУҒД”

Имруз ба Маъмурияти МОИ “Суғд” ташрифи довталабон аз ширкати “Фую”-и шаҳри Янг Чуан,  вилояти Шанси-и Ҷумҳурии Мардумии Чин таҳти роҳбарии муассиси ширкат ҷаноби Фу Юаншен, Директори ширкат ҷаноби Гуо Ҷианбин   ва муовини ширкат хонум Янг Фуян доир гардид.

    Роҳбари Маъмурияти МОИ “Суғд” Муҳаммадзода Муҳаммад Султон меҳмононро дар маҷлисгоҳи Маъмурият истиқбол намуда, доир ба фаъолият, имконият, имтиёз ва мавқеъи ҷойгиршавии МОИ “Суғд” маълумот доданд. Ҳамчунин аз ҷониби сармутахассиси шуъбаи муносибатҳои байналмиллалӣ ва ҷалби сармоягузорӣ Ҳалимбойзода Озодҷон ба довталабон тариқи муаррифинамоӣ (презентасия) маълумоти мушаххас пешниҳод гардид, ки меҳмонон бо имтиёзҳои МОИ “Суғд” шинос шуданд.

     Инчунин аз ҷониби муассиси ширкат ҷаноби Фу Юаншен доир ба самтҳои фаъолияти ширкат, ҳадафҳои асосӣ ва нақшаҳои минбаъдаи ширкати худ каме маълумот пешниҳод гардид. Ба гуфтаи роҳбарият дар ширкати мазкур корҳои саноати куҳӣ аз ҷумлаи коркарди ангишт яъне аз хокаи ангишт лулаҳои сақомонанд дар халтаҳои муносиб, ки аз ҷиҳати экологи  безарар ва дер хомушшаванда мебошад хуб ба роҳ монда шудаст. Намояндагони ширкати мазкур нақша  доранд, ки дар оянда вобаста ба зиёд будани конҳои ангишт дар Ҷумҳурии Тоҷикистон ва ҳамсарҳади Тоҷикистон бо Ҷумҳурии Қирғизистон-ро доштан ба МОИ “Суғд” ширкати нави худро таъсис дода бошанд. Ҳамзамон ҷонибҳо дар оянда доир ба таъсиси корхонаи коркарди панелҳои офтобӣ дар ҳудуди МОИ “Суғд” ибрози андеша намуданд.

    Сипас роҳбарияти Маъмурият довталабонро аз заминҳои холии МОИ “Суғд”, ки барои таъсиси субектҳо пешниҳод мегардад, нишон дода шуд.

Имрӯз Созишнома оид ба татбиқи лоиҳаи дусола ҷиҳати тақвияти иқтидори институтсионалӣ ва амалиётии Минтақаи озоди иқтисодии «Суғд» ба имзо расид.

Таҷрибаи байналмилалӣ дар самти тақвияти иқтидори содиротӣ бар идоракунии низомнок, рақамисозӣ, сармоягузориҳои устувор ва ҳамгироӣ ба занҷираҳои глобалии арзиш асос меёбад.

Иқдоми Минтақаи озоди иқтисодии «Суғд», ки аз ҷониби Leansolutions.company дастгирӣ шудааст, намунаи равшани он аст, ки чӣ гуна равиши низомнок ва стандартҳои байналмилалии идоракунӣ метавонанд муҳити соҳибкории минтақаро дигаргун созанд.

Дар доираи лоиҳа татбиқ мегарданд:
• рақамисозии хизматрасониҳои МОИ («равзанаи ягона», CRM, платформаи онлайн барои резидентҳо);
• барномаҳои омӯзиш ва акселератсия барои соҳибкорон, занон ва ҷавонон;
• абзорҳои нави ҷалби сармоягузорӣ ва пешбурди содирот;
• ҷорӣ намудани принсипҳои иқтисоди «сабз» ва ESG;
• низоми шаффофи мониторинг ва арзёбӣ (MEL).

Барои мутахассисони зинаи миёна ва баланд ин маънои зеринро дорад:
• дастрасӣ ба таҷрибаҳои муосири идоракунӣ;
• имкониятҳои нав барои рушди соҳибкорӣ ва баромад ба бозорҳои байналмилалӣ;
• иштирок дар барномаҳои таълимӣ ва акселератсионӣ;
• имкони узвият дар лоиҳаҳои устувор ва инноватсионӣ.

Созишномаи баимзорасида тасдиқ менамояд, ки МОИ «Суғд» ба платформае табдил меёбад, ки дар он роҳбарон ва соҳибкорон метавонанд на танҳо тиҷорати худро рушд диҳанд, балки таҷрибаҳои беҳтаринро низ татбиқ намоянд:

✅ рушди институтсионалӣ: ҳамоҳангсозӣ бо стратегияҳои миллӣ субъектҳои минтақаро ба сиёсати умумии индустриализатсия ва содирот ҳамгиро месозад.

✅ идоракунии корпоративӣ: МОИ қонунгузории шаффоф, низоми устувори андозбандӣ ва стратегияҳои дарозмуддатро пешниҳод мекунад.

✅ рақамисозӣ: таҷрибаи байналмилалӣ нишон медиҳад, ки платформаҳои рақамӣ барои бақайдгирӣ, иҷозатномадиҳӣ ва ҳисоботдиҳӣ сатҳи бюрократияро ба таври назаррас коҳиш медиҳанд.

✅ сармоягузорӣ: МОИ «навигацияи сармоягузорӣ» — хизматрасониҳои инфиродии ҳамроҳии соҳибкориро аз бақайдгирӣ то баромад ба содирот пешниҳод менамояд.

✅ рушди устувор: дар МОИ ҷорӣ намудани технологияҳои каммасрафи энергетикӣ ва стандартҳои экологӣ фаъолона тарғиб мегарданд.

Мо ифтихор дорем, ки дар ибтидои ин дигаргунсозӣ қарор дорем ва шуморо даъват менамоем, ки қисми тағйироте бошед, ки ояндаи минтақаро шакл медиҳанд ва барои соҳибкорӣ уфуқҳои нав мекушоянд.

 

 

 

Табрикоти Роҳбари Маъмурияти минтақаи озоди иқтисодии “Суғд” Муҳаммадзода Муҳаммад Султон ба муносибати Соли нави мелодии 2026

Табрикоти Роҳбари Маъмурияти минтақаи озоди иқтисодии “Суғд” Муҳаммадзода Муҳаммад Султон ба муносибати Соли нави мелодии 2026

Фарорасии Соли нави мелодии 2026-ро ба аҳли субъектони МОИ “Суғд”, шарикони рушд ва мардуми сарбаланди Тоҷикистони азизамон табрику таҳният гуфта, ба ҳар яки Шумо саломатӣ, умри бобаракат, саодату комёбӣ, пешрафту ободии бештар ва суботу оромии ҷовидона орзумандам.
Боиси ифтихор аст, ки таҳти сиёсати хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар саҳифаҳои таърихи Тоҷикистони соҳибистиқлол ва маҳз дар минтақаи озоди иқтисодии “Суғд” ҳамчун соли бобарору хотирмон сабт гардид, ба монанди аз ҷониби Пешвои миллат муҳтарам Эмомалӣ Раҳмон санаи 18-уми ноябри соли 2025 дар Минтақаи озодии иқтисодии “Суғд” бинои нави Маъмурияти МОИ “Суғд”, ки дорои тамоми шароити кории муосир мебошад, ифтитоҳ ёфт, ки ин туҳфаи арзанда ба истиқболи 35-солагии Истиқлолияти давлатӣ ба кормандони минтақаи озоди иқтисодии “Суғд” ба ҳисоб меравад.
Итминони комил дорам, ки мо бо заҳмати ватандӯстонаву аҳлонаи худ ҳамаи ҳадафҳои созандаи дар соли 2026 ба нақша гирифтаамонро сарбаландона амалӣ менамоем.
Бо изҳори ҳамин ниятҳои нек бори дигар ҳамаи шумоёнро бо фарорасии Соли нави мелолии 2026 сидқан табрик гуфта, ба хонадони ҳар яки шумо зиндагии пурнишот ва ризқи фаровон, саломативу иқболи нек ва комёбиҳои рӯзафзун орзу менамоям.

Соли нав муборак бошад!

 

ТАШРИФИ САРМОЯГУЗОРОНИ ҶУМҲУРИИ МАРДУМИИ ЧИН БА МАЪМУРИЯТИ МОИ “СУҒД”

ТАШРИФИ САРМОЯГУЗОРОНИ ҶУМҲУРИИ МАРДУМИИ ЧИН БА МАЪМУРИЯТИ МОИ “СУҒД”

 
Санаи 26 декабри соли 2025 ташрифи гурӯҳи сармоягузорони Ҷумҳурии Мардумии Чин, таҳти роҳбарии хонум Сужи ва хонум Чжун Хебей, инчунин намояндагони корхонаи коркард ба басту банди биринҷ дар Ҷумҳурии Мардумии Чин Фейда Ҷитуан ба Маъмурияти МОИ “Суғд” ташриф намуданд.
Ҳайати меҳмононро Роҳбари Маъмурияти МОИ “Суғд” Муҳаммадзода Муҳаммад Султон дар маҷлисгоҳи Маъмурият қабул намуда, аз фаъолияти минтақа ва имтиёзҳои мавҷудбударо ба сармоягузорон шинос кард ва қайд намуд, ки Маъмурияти МОИ “Суғд” омода аст баҳри ҳамкориҳои судманд бо соҳибкорон ва сармоягузорони Ҷумҳурии Мардумии Чин ҳамаҷониба мусоидат намояд.
Сипас аз ҷониби мутахассиси пешбари шӯъбаи Муносибатҳои байналмилалӣ ва ҷалби сармоягузории Маъмурият, Раҳимова Умедахон ба меҳмонон тариқи муаррифинамоӣ (Презентатсия) оиди фаъолият, имтиёз ва бартариҳои МОИ “Суғд” маълумоти мушаххас пешниҳод гардид.
Ҳамзамон соҳибкорон аз заминҳои холии дар ҳудуди МОИ “Суғд” буда дидан намуда, омодагии худро баҳри таҳкими минбаъдаи муносибатҳои иқтисодӣ изҳор намуданд.
 
Screenshot 

 

  

ТАҒЙИРОТИ КАДРӢ ДАР СОХТОРИ МАЪМУРИЯТИ МОИ “СУҒД”

ТАҒЙИРОТИ КАДРӢ ДАР СОХТОРИ МАЪМУРИЯТИ МОИ “СУҒД”

 
Санаи 18 декабри соли 2025 дар маҷлисгоҳи Маъмурияти МОИ “Суғд” тағйироти кадрии муовини якум, муовин ва Роҳбари дастгоҳи Маъмурият доир гардид.
Сухани ифтитоҳиро Роҳбари Маъмурияти МОИ “Суғд” Муҳаммадзода Муҳаммад Султон ҳусни оғоз бахшида, намояндаи Вазорати рушди иқтисод ва савдои Ҷумҳурии Тоҷикистон, Сардори раёсати маъмуригардонии минтақаҳои озоди иқтисодӣ Хусейнов Ҷовид Маҳмуродовичро ба бинои нави Маъмурият хайра мақдам намуд. Сипас, намояндаи вазорат аҳли кормандони Маъмуриятро бо Фармоиши Вазири рушди иқтисод ва савдои Ҷумҳурии Тоҷикистон доир ба вазифаи муовини якуми Роҳбари Маъмурияти МОИ “Суғд” таъин намудани Ҳакимов Насимҷон Абдуғаниевич ва ба вазифаи муовини Роҳбари Маъмурияти МОИ “Суғд” таъин намудани Неъматзода Диловаршо Маҳмадшоро шинос карда , ба кору фаъолияти минбаъдаашон бурдбориҳо таманно намуд. Ҳамзамон бо Фармоши Роҳбари Маъмурияти МОИ “Суғд” Муҳаммадзода Муҳаммад Султон, доир ба вазифаи Роҳбари дастгоҳи Маъмурияти МОИ “Суғд” таъин намудани Носиров Маъруфҷон Рустамҷонович ба аҳли иштирокдорон баён гардид.
Дар охири баромад, Роҳбари Маъмурият нафарони ба вазифаҳои нав таъиншударо шодбош гуфта, ба онҳо бо масъулияти баланди касбӣ ва фаъолияти минбаъдаашон баҳри рушди минтақа саҳмгузоштанро ҳидоят намуд.
 

 

 

ТАМОШОИ ДАСТАҶАМЪОНАИ ПАЁМИ АСОСГУЗОРИ СУЛҲУ ВАҲДАТИ МИЛЛӢ-ПЕШВОИ МИЛЛАТ, ПРЕЗИДЕНТИ ҶУМҲУРИИ ТОҶИКИСТОН МУҲТАРАМ ЭМОМАЛӢ РАҲМОН БА МАҶЛИСИ ОЛИИ ҶУМҲУРИИ ТОҶИКИСТОН “ДАР БОРАИ САМТҲОИ АСОСИИ СИЁСАТИ ДОХИЛӢ ВА ХОРИҶИИ ҶУМҲУРИИ ТОҶИКИСТОН” ДАР МАҶЛИСГОҲИ МАЪМУРИЯТИ МИНТАҚАИ ОЗОДИ ИҚТИСОДИИ “СУҒД” АЗ ҶОНИБИ РОҲБАРИЯТ, АҲЛИ КОРМАНДОНИ МАЪМУРИЯТ ВА СУБЪЕКТҲОИ МОИ “СУҒД”

ТАМОШОИ ДАСТАҶАМЪОНАИ ПАЁМИ АСОСГУЗОРИ СУЛҲУ ВАҲДАТИ МИЛЛӢ-ПЕШВОИ МИЛЛАТ, ПРЕЗИДЕНТИ ҶУМҲУРИИ ТОҶИКИСТОН МУҲТАРАМ ЭМОМАЛӢ РАҲМОН БА МАҶЛИСИ ОЛИИ ҶУМҲУРИИ ТОҶИКИСТОН “ДАР БОРАИ САМТҲОИ АСОСИИ СИЁСАТИ ДОХИЛӢ ВА ХОРИҶИИ ҶУМҲУРИИ ТОҶИКИСТОН” ДАР МАҶЛИСГОҲИ МАЪМУРИЯТИ МИНТАҚАИ ОЗОДИ ИҚТИСОДИИ “СУҒД” АЗ ҶОНИБИ РОҲБАРИЯТ, АҲЛИ КОРМАНДОНИ МАЪМУРИЯТ ВА СУБЪЕКТҲОИ МОИ “СУҒД”

 

 

 

ИШТИРОКИ РОҲБАРИ МАЪМУРИЯТИ МОИ “СУҒД” МУҲАММАДЗОДА МУҲАМММАД СУЛТОН ДАР МАРОСИМИ ҶОИЗАСУПОРИИ ОЗМУНИ ҶУМҲУРИЯВИИ “БЕҲТАРИН СОДИРОТКУНАНДАИ ТОҶИКИСТОН”

ИШТИРОКИ РОҲБАРИ МАЪМУРИЯТИ МОИ “СУҒД” МУҲАММАДЗОДА МУҲАМММАД СУЛТОН ДАР МАРОСИМИ ҶОИЗАСУПОРИИ ОЗМУНИ ҶУМҲУРИЯВИИ “БЕҲТАРИН СОДИРОТКУНАНДАИ ТОҶИКИСТОН”

Санаи 11 декабри соли 2025 дар меҳмонхонаи “Ҳайят Реҷенси”-и шаҳри Душанбе маросими ҷоизасупорӣ ба ғолибони Озмуни ҷумҳуриявии “Беҳтарин содироткунандаи Тоҷикистон” баргузор гардид.
Дар кори озмун муовини Сарвазири Ҷумҳурии Тоҷикистон Сулаймон Зиёзода, директори Агентии содироти назди Ҳукумати Ҷумҳурии Тоҷикистон Баҳриддин Сироҷиддин, роҳбарони ширкатҳову корхонаҳои дохиливу хориҷӣ, ташкилоту идораҳо ва соҳибкорон иштирок намуданд.
Боиси ифтихор ва сарфарозии аҳли кормандони Маъмурияти МОИ “Суғд” ва субъектони минтақа мебошад, ки дар озмуни мазкур Минтақаи озоди иқтисодии “Суғд” ғолиби озмуни “Беҳтарин содироткунандаи Тоҷикистон” дар номинатсияи беҳтарин содироткунандаи минтақаи озоди иқтисодӣ бо ҷоиза ва диплом сарфароз гардид. Иттилоъ дода мешавад, ки ҷоиза ва дипломро муовини Вазири саноат ва техналогияҳои нави Ҷумҳурии Тоҷикистон Азиз Назар ба Роҳбари Маъмурияти МОИ “Суғд” Муҳаммадзода Муҳаммад Султон тақдим намуд.
Ҳамзамон бояд қайд кард, ки дар озмуни “Беҳтарин содироткунандаи Тоҷикистон” субъектҳои МОИ “Суғд” ҶДММ “Донаи Алмос”, ҶДММ “Сайр Суғд” ва ҶДММ КМ ТТ “Таҷпроф” иштирок намуда, соҳиби ҷоиза ва диплом гардиданд.

 

 

  

ТАШРИФИ САРМОЯГУЗОРОНИ ҶУМҲУРИИ МАРДУМИИ ЧИН ТАҲТИ РОҲБАРИИ МУОВИНИ МУДИРИ ДЕПАРТАМЕНТИ МАРКАЗИ ТИҶОРАТИ ҶАҲОНӢ ГРЕНЛАНДИЯ ХОНУМ КВИНА (QUEENA) БА МАЪМУРИЯТИ МОИ “СУҒД”

ТАШРИФИ САРМОЯГУЗОРОНИ ҶУМҲУРИИ МАРДУМИИ ЧИН ТАҲТИ РОҲБАРИИ МУОВИНИ МУДИРИ ДЕПАРТАМЕНТИ МАРКАЗИ ТИҶОРАТИ ҶАҲОНӢ ГРЕНЛАНДИЯ ХОНУМ КВИНА (QUEENA) БА МАЪМУРИЯТИ МОИ “СУҒД”

Санаи 10 декабри соли 2025 муовини мудири департаменти маркази тиҷорати ҷаҳонии Гренландия хонум Квина якҷо бо сармоягузорони Ҷумҳурии Мардумии Чин, намояндагони ширкати чинии “GUANGDONG AOKLY GROUP”, ки ба истеҳсоли батареяҳои сурбӣ ва литий машғул аст ба Маъмурияти МОИ “Суғд” ташриф намуданд.
Ҳайати намояндагонро Роҳбари Маъмурияти МОИ “Суғд” Муҳаммадзода Муҳаммад Султон дар маҷлисгоҳи Маъмурият қабул намуда, меҳмононро аз фаъолияти минтақа ва имтиёзҳои мавҷудбударо ба сармоягузорон шинос кард ва қайд намуд, ки Маъмурияти МОИ “Суғд” омода аст баҳри ҳамкориҳои судманд бо соҳибкорон ва сармоягузорони Ҷумҳурии Мардумии Чин ҳамаҷониба мусоидат намояд.
Сипас аз ҷониби мутахассиси пешбари шӯъбаи Муносибатҳои байналмилалӣ ва ҷалби сармоягузории Маъмурият, Раҳимова Умедахон ба меҳмонон тариқи муаррифинамоӣ (Презентатсия) оиди фаъолият, имтиёз ва бартариҳои МОИ “Суғд” маълумоти мушаххас пешниҳод гардид.
Дар охир ҷонибҳо омодагии худро баҳри таҳкими минбаъдаи муносибатҳои иқтисодӣ изҳор намуданд.

 

 

 

loading