ТАШРИФИ ҲАЙАТИ ҶУМҲУРИИ ИСЛОМИИ ЭРОН ТАҲТИ РОҲБАРИИ ВАЗИРИ НЕРУИ ЭРОН ҶАНОБИ АББОС АЛИОБОДӢ БА МОИ “СУҒД”

Санаи 28-уми майи соли 2026, ҳайати Ҷумҳурии Исломии Эрон таҳти роҳбарии Вазири неруи Эрон ҷаноби Аббос Алиободӣ бо мақсади шиносоӣ ба МОИ “Суғд” ташриф оварданд.

Меҳмонони олиқадрро Роҳбари Маъмурияти МОИ “Суғд” Муҳаммадзода Муҳаммад Султон дар даромадгоҳи МОИ “Суғд” хуш пазируфта, оиди фаъолият ва афзалияту имтиёзҳои минтақа маълумоти муфассал доданд.

Сипас, боздиди меҳмонон аз фаъолияти субъектҳои МОИ “Суғд” аз ҷумла: ҶДММ “Азияполитекс”, ҶДММ “Сайр Суғд” ва ҶДММ КФ “Фортуна-Ко” доир гардид. Дар рафти боздид ҳайати меҳмонон бо роҳбарияти субъектҳои МОИ “Суғд” саволу ҷавоб намуда, ба сифати маҳсулоти истеҳсолшуда, баҳои баланд доданд.

​Боздид ва шиносоии меҳмонон дар фазои дӯстӣ ва ҳамдигарфаҳмӣ сурат гирифта, баҳри рушди муносибатҳои иқтисодии ду кишвари бо ҳам дӯст дар оянда мусоидат хоҳад кард.