Шӯъбаи иттилоот

• 16.11.2020

Ҷаласаи кормандони Маъмурият бахшида ба Иди “Рӯзи Президенти Ҷумҳурии Тоҷикистон”

Имрӯз дар толори маҷлисгоҳи Маъмурияти МОИ “Суғд” ҷаласаи кормандони Маъмурият бахшида ба Иди “Рӯзи Президенти Ҷумҳурии Тоҷикистон” барпо гардид. Сараввал Роҳбари Маъмурият Камолиддинзода И. аҳли нишастро бо ҷашни “Рӯзи Президенти Ҷумҳурии Тоҷикистон” табрик намуда, қайд кард, ки Рӯзи 16 ноябр дар Қонуни Ҷумҳурии Тоҷикистон «Дар бораи рӯзҳои ид» рӯзи Президент муайян карда шудааст. Қабул шудани ин сана бе сабаб нест зеро, ки ба саҳифаҳои таърих назар кунем санаи 16 ноябри соли 1992 дар шаҳри Хуҷанд иҷлосияи 16-уми Шӯрои Олии Ҷумҳурии Тоҷикистон дар шароити барои миллати тоҷик ниҳоят ҳассосу мушкил ва сарнавиштсоз доир гардида, дар иҷлосияи тақдирсоз Эмомалӣ Раҳмон аз ҷониби вакилон ба ҳайси раиси Шӯрои Олии Ҷумҳурии Тоҷикистон ва дар соли 1994 дар асоси интихоботи президентӣ Президенти Ҷумҳурии Тоҷикистон интихоб гардид. Сипас суханро ба Муовини аввали худ Зикриёзода С. ҷиҳати қироати маърӯза доир ба мавзӯи ҷаласа дод.

Зикриёзода С. дар оғози маърӯзаи худ доир ба қабул шудани ин Ид дар Қонуни Ҷумҳурии Тоҷикистон «Дар бораи рӯзҳои ид» сухан ронда қайд намуд, ки мансаби Президентӣ муқаррароти конститутсионӣ буда, дар Конститутсияи Ҷумҳурии Тоҷикистон тартибу шартҳои ба ин мансаби олии ҳокимияти давлатӣ интихоб шудан ва лаҳзаи ба фаъолият шурӯъ намудани Президент муқаррар гардидааст.

Дар давоми сухани худ Зикриёзода С. дар бораи хизматҳои шоистаи Пешвои Миллат ва обруву нуфузи ин шахси барӯманд дар арсаи байналмилалӣ, ки ҳамчун шахси сулҳофару сулҳпарвар, сарҷамъкунандаи миллату мардумсолор шинохта шудааст сухан ронда, заҳматҳои ояндабинонаи роҳбари кишварро баҳри рушду нумӯъ ва ободии Ватану фароҳам овардани шароити арзанда барои мардуми кишвар, ташаббускори ҳалли масъалаҳои глобалӣ ва муаррифӣ кардани Тоҷикистонро ба ҷаҳониён эътироф намуд.

Аз номи роҳбарияти Мамурияти МОИ “Суғд” кулли мардуми кишвари азизамонро бо иди “Рӯзи Президенти Ҷумҳурии Тоҷикистон” самимона муборакбод гуфта, ба ҳар як шумо фазои осоишу меҳру муҳаббат, файзу баракат ва ба диёри биҳиштосои Тоҷикистон сулҳу сафо ва гулгулшукуфоии ҷовидонаро таманно менамоем.

• 22.10.202023.10.2020

Ҷашни 5-солагии ҶДММ КФ “Фартуна Ко” дар МОИ “Суғд”

Имруз дар бинои асосии ҶДММ КФ “Фартуна Ко” чорабинӣ бахшида ба таҷлили  5 –солагии фаъолияти кории ширкат барпо гардид. Ёдовар бояд шуд, ки ҶДММ КФ “Фартуна Ко”соли 2015 бо иштироки Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон мавриди истифода қарор гирифта буд. Боиси фараҳмандист, ки ширкати ҶДММ КФ “Фартуна Ко”  бо маҳсулоти босифати худ, яъне дару тирезаҳои миллӣ, ки ба ҳама талаботҳои замони муосир ва экологӣ ҷавобгӯ мебошанд, на танҳо дар қаламрави кишвар, балки берун аз ҳудуди он машҳур гаштааст.

Дар чорабинии мазкур Роҳбари Маъмрияти МОИ “Суғд” Камолиддинзода Илёсиддин роҳбар ва кормандони ҶДММ КФ “Фартуна Ко” табрик намуда, оид ба дастовард ва комёбиҳои корхона дар рушди иқтисодиёти мамлакат, расидан ба ҳадафи чоруми стратегияи мамлакат “Саноатикунонии босуръати кишвар” баромад кард ва ду нафар кормандони фаъол,  Тоҳиров Нӯъмон сармуҳосиб ва Собиров Рашидҷон мудири амбори  ҶДММ КФ “Фартуна Ко” бо Ифтихорнома аз номи  Роҳбари Маъмрияти МОИ “Суғд” сарфароз намуд.

Чорабини дар сатҳи баланд ва риояи ҳама қойдаҳои эпидималогӣ гузаронида шуд.

• 02.10.202002.10.2020

Ҷаласаи ситоди доимамалкунанда оид ба тақвият додани фаъолияти минтақаҳои озоди иқтисодӣ

1 октябри соли ҷорӣ, дар бинои Коллеҷи техникии шаҳри Хуҷанд, ки субъекти МОИ «Суғд» мебошад, Ҷаласаи ситоди доимамалкунанда оид ба тақвият додани фаъолияти минтақаҳои озоди иқтисодӣ бо иштироки намояндагони вазорату идораҳои дахлдор, аз ҷумла гумрук ва андоз, инчунини намояндагони Маъмуриятҳои МОИ “Кулоб”, МОИ “Данғара”, МОИ “Суғд” ва роҳбарияти субъектҳои он баргузор гардид.

Ҷаласаи ситод дар шакли мизи мудаввар, ки бо ташаббуси Вазорати рушди иқтисод ва савдои Ҷумҳурии Тоҷикистон ташкил карда шуд ба мавзӯи муҳокимаи натиҷаҳои фаъолияти ҳамаи минтақаҳои озоди иқтисодии кишвар ва муаммоҳои ҷойдошта бахшида шуд.

Муовини вазири рушди иқтисод ва савдои Ҷумҳурии Тотористон Солеҳзода А.А. ифтитоҳ намуда, аҳамият ва нақши МОИ-ро дар рушди иқтисоди Тоҷикистон таъкид кард. Дар сухани худ ӯ чунин қайд намуд, ки новобаста аз вазъияти кунунӣ, ки бар асари сар задани сирояти COVID-19 ба вуҷуд омадааст, ҳамаи минтақаҳои озоди иқтисодӣ ҷиҳати пешбурди фаъолияти худ кӯшиш намуда истодаанд ва албатта дар раванди фаъолияти онҳо як қатор мушкилиҳо низ ба назар мерасанд, ки бояд дар ояндаи наздик ҳалли худро ёбанд. Сипас сухан ба муовини раиси вилояти Суғд А. Яқубӣ дода шуд, ки ӯ низ дар навбати худ дар бораи баъзе мушкилоти МОИ Тоҷикистон ва роҳҳои ҳалли онҳо сухан ронд.

Роҳбари Маъмурияти МОИ «Суғд» И.Камолиддинзода дар баромади худ доир ба натиҷаҳои фаъолияти МОИ «Суғд» дар ҳашт моҳи соли ҷорӣ ва муаммоҳои ҷойдошта маърӯза кард. Сипас, тибқи барнома, иштирокчиёни ҷаласа ба баррасии масъалаҳое гузаштанд, ки дар ҳамарӯза кору фаъолияти МОИ ба назар мерасанд.

Пас аз ба охир расидани ҷаласа, мувофиқи барнома, иштирокчиён ба субъектҳои МОИ «Суғд» – ҶДММ КМ ТТ «Тоҷпроф» ва ҶДММ «Арча Мебел» ташриф оварда, инчунин бо фаъолияти онҳо шинос шуданд.

Нимаи дуюми рӯз, ҳайати меҳмонон бо мақсади шиносоӣ бо вазъи инфрасохтори корхонаи консервабарории Исфара ба ш. Исфара рафтанд. Бояд тазаккур дод, ки дар ҳудуди ин корхона эҷоди зерминтақаи МОИ “Суғд” банақша гирифта шудааст.

• 23.09.202023.09.2020

Иштирок дар Бизнес-форум

Санаи 18 сентябри соли ҷорӣ дар ш.Душанбе Бизнес-форуми доираҳои соҳибкории Ҷумҳурии Тоҷикистон ва Ҷумҳурии Ӯзбекистон баргузор гардид. Чорабинии мазкур бо мақсади дарёфт намудани ширкатҳои ҳамкор, муаррифии фаъолият, ҷалби сармоя ва рушди тиҷорат аз ҷониби Палатаи савдо ва саноати кишварҳо ташкил шуд. Дар ҳайати меҳмонон, дар қатори намояндагони вазорату идораҳои Ҷумҳурии Ӯзбекистон, ҳайати иборат аз зиёда аз 40 намояндагони соҳаҳои гуногуни истеҳсолот ва тиҷорати ин кишвар иштирок намуданд.  

Дар қатори намояндагони вазорату идораҳои дахлдор ва соҳибкорони ватанӣ, дар Бизнес-форум муовини роҳбари Маъмурияти минтақаи озоди иқтисодии “Суғд” Мирзоён Мирзоманон иштирок намуда, оиди фаъолият, афзалияту имкониятҳои МОИ дар Ҷумҳурии Тоҷикистон баромад намуд. Дар баромад ӯ соҳибкорону сармоягузоронро барои иштирок дар татбиқи лоиҳаҳои гуногун даъват намуда, таъкид кард, ки минтақаҳои озоди иқтисодиро ҳамчун майдони муҳим барои вусъати ҳакориҳо бояд истифода кард.

• 28.08.202028.08.2020

Боздиди Сафири Ҷумҳурии Қазоқистон аз МОИ “Суғд”

Санаи 27 августи соли ҷорӣ, Сафири фавқуллода ва мухтори Ҷумҳурии Қазоқистон дар Ҷумҳурии Тоҷикистон ҷаноби Тажибаев Аскар Ерликович дар доираи сафари кории худ ба вилояти Суғд, аз минтақаи озоди иқтисодии “Суғд” низ дидан намуд.

Сараввал, дар бинои Маъмурияти МОИ “Суғд” бо роҳбарияти минтақа мулоқоти судманд барпо гардид. Дар оғози вохӯрӣ Роҳбари Маъмурият И. Камолиддинзода меҳмононро хайрамақдам гуфта, доир ба ҳамкориҳои бисёрҷабҳаи Тоҷикистону Қазоқистон сухан намуд. Сипас аз ҷониби Муовини Роҳбари Маъмурият – М. Мирзоён ба самъи меҳмонон маълумоти муфассал оид ба фаъолияти МОИ “Суғд” дода шуда, масъалаҳои бамиёномада ва имкониятҳои ҳамкорӣ муҳокима карда шуданд.

Баъдан меҳмонон бо таклифи роҳбарияти Маъмурият ба якчанд субъектҳои МОИ “Суғд”, аз ҷумла ҶСК “Ариана Метал Пласт”, ҶДММ КМ ТТ “Фортуна-Ко”, ҶДММ КМ ТТ “Арча мебел”, ҶДММ КМ ТТ “Таҷпроф” ва ҶДММ КМ ТТ “Силкоат Бойя” ташриф оварда, аз фаъолият ва молу маҳсулоти онҳо шинос шуданд. Ҷаноби Сафир Тажибаев А.Е. натиҷаҳои фаъолият ва сифати молу маҳсулоти субъектҳои МОИ “Суғд” бо баҳои баланд арзёбӣ намуд.

Дар охири ташриф, ҷаноби Сафир изҳори хоҳиши дар оянда идома додани гуфтугузорро ҷиҳати пурзӯр намудани содироти маҳсулоти минтақаро ба Қазоқистон ва ҷӯстани имкониятҳои ба роҳандозии ҳамкориро байни доираҳои соҳибкорию сармоягузории ҳар ду кишвари ба ҳам дӯст намуд.  

• 30.07.2020

Иди Курбон муборак

• 28.07.202028.07.2020

Дар МОИ “Суғд” доир ба ҷамъбасти фаъолият дар нимсолаи аввали соли 2020 нишасти матбуотӣ баргузор гардид

          28 июли соли ҷорӣ дар Маъмурияти минтақаи озоди иқтисодии “Суғд” нишасти матбуотӣ бо иштироки намояндагони ВАО-и маҳаллӣ оид ба натиҷагирӣ аз фаъолияти МОИ “Суғд”дар нимсолаи аввали соли 2020 гузаронида шуд.

        Муовини якуми роҳбари Маъмурияти МОИ “Суғд” Зикриёзода Суҳроб ҳозиринро бо натиҷа ва дастовардҳои МОИ “Суғд” дар нимсолаи аввали соли ҷорӣ шинос намуд.

       Кайд  гардид, ки то имрӯз дар МОИ “Суғд” 29 субъект ба қайд гирифташуда, аз он 13 адад ба фаъолияти истеҳсолӣ ва хизматрасонӣ машғуланд.

           Дар рафти мусоҳиба Зикриёзода С. ва масъулин ба саволҳои рӯзноманигорон посух доданд.

           Рӯзноманигорон асосан оид ба  фаъолияти субъектҳои минтақаи озоди иқтисодӣ, маҳсулоти онҳо, рақобатпазирӣ ва содироти маҳсулоти истеҳсолшавандаи онҳо ба хориҷа, таъсири  бемории Короновирус Ковид-19 ба фаъолияти корхонаҳо ва нақшаҳои минбаъда таваҷҷуҳ зоҳир намуданд.

           Зикриёзода С. ба ҳамаи саволҳои  додашуда посухҳои мушаххас дода қайд намуд, ки Маъмурияти МОИ “Суғд” ҷиҳати иҷроиши ҳадафҳои дар назди МОИ “Суғд” гузошташуда марҳила ба марҳила тадбирҳо меандешанд.

• 22.07.2020

Субъекти МОИ “Суғд” – ҶДММ КМ ТТ “Силкоат Бойя” љоизадори озмуни Ҷоизаи Иттиҳоди Давлатҳои Мустақил гардид

Моҳи июни соли ҷорӣ, корхонаи муштараки тоҷики-туркии “Силкоат Бойя” ҷоизадори озмуни “Ҷоизаи Иттиҳоди Давлатҳои Мустақил (ИДМ)” барои дастовардҳо дар истеҳсоли маҳсулот ва хизматрасониҳои баландсифат ва сазовори ҷоизаи «Признание делового совершенства» гардид.

Ҳадафи озмун баланд бардоштани қобилияти содиротии корхонаҳои мухталифи кишварҳои ИДМ ва ҳавасмандгардонии истеҳсоли маҳсулоти босифат, пешниҳоди хизматрасониҳои баландсифат ва ҷорӣ кардани усулҳои самараноки идоракунии сифат мебошад.

Дар ин озмун шахсони ҳуқуқии ҳама гуна шакли ташкилию ҳуқуқии давлатҳои узви ИДМ, ки бо истеҳсоли маҳсулот ё хизматрасонӣ машғул мебошанд, метавонанд иштирок намоянд.

Бояд қайд кард, ки ҷоизаи ИДМ ба ташкилотҳои давлатҳои аъзои ИДМ дар ду сол як маротиба дар асоси озмун барои баланд бардоштани сифати маҳсулот (хизматрасонӣ), таъмини бехатарии онҳо, инчунин ҷорӣ намудани усулҳои муосири идоракунии сифат дода мешавад.

Бинобар гуфтаҳои намояндаи ҶДММ КМ ТТ “Силкоат Бойя” озмун дар ду марҳила баргузор гардида, дар он комиссияи махсус довталабонро дар маҳалҳо санҷида, фаъолияти онҳоро арзёбӣ намуд.

Пас аз гузаштани ду марҳила ва иҷрои талаботи озмун ҶДММ КМ ТТ “Силкоат Бойя” сазовори “Ҷоизаи Иттиҳоди Давлатҳои Мустақил” барои дастовардҳо дар истеҳсоли маҳсулот ва хизматрасониҳои баландсифат гардид.

Тибқи натиҷаи озмун ҶДММ “Солкоат Бойя” сазовори диплом, тӯҳфаҳо ва ҳуқуқи истифодаи тамғаи Ҷоизаи ИДМ барои мақсадҳои таблиғотӣ ба мӯҳлати се сол гардид.

Аммо, маросими мукофотонидани ғолибони озмун бо сабаби ҷорӣ гардидани чораҳои маҳдудкунанда барои пешгирии паҳншавии бемории Коронавирус (COVID-19) дар тамоми ҷаҳон ба таъхир гузошта шудааст.

         Бояд қайд намуд, ки ҶДММ КМ ТТ “Силкоат Бойя” дар ҳудуди МОИ “Суғд” аз соли 2011 муваффақона фаъолият бурда, яке аз ширкатҳои пешрафта на танҳо дар вилояти Суғд, балки дар ҷумҳурӣ ба ҳисоб меравад. Ширкати мазкур борҳо ғолибиятро дар озмунҳои гуногуни маҳаллӣ ва ҷумҳуриявӣ ба даст овардааст. Маҳсулоти истеҳсолкунандаи ин ширкат бо сифати аълои худ ҳам дар бозорҳои кишвар ва ҳам дар минтақаи Осиёи Марказӣ машҳуранд.

• 01.07.2020

Шиносоӣ аз фаъолияти субъектҳои МОИ “Суғд”

Аз ҳафтаи сипаришуда то имрӯз роҳбари Маъмурияти МОИ “Суғд” Камолиддинзода И. бо гуруҳи корӣ бо навбат аз кору фаъолияти субъектони МОИ “Суғд” шиносоӣ пайдо намуда, аз рафти иҷрои корҳои онҳо дидан намуд.

Дар рафти вохурӣ бо роҳбарони субъетҳо роҳбарияти МОИ “Суғд”

оид ба муаммоҳои мавҷуда, нақшаҳо ва рафти фаъолият пурсон гардида, ба кори минбаъдаи онҳо дастурҳои дахлдор пешниҳод намуд.

Бояд зикр намоем, ки айни замон дар МОИ “Суғд” 29 адад субъетҳо ба қайд гирифта шуда, аз ин шумора, 15 субъект ба фаъолият бурда истода, 3 субъекти дигар дар марҳилаи корҳои сохтмонӣ ва омодагӣ ба оғози фаъолият қарор доранд.