маконе, ки бизнес рушд мекунад
Ҳайати соҳибкорони Туркия 9 ноябри соли 2022 ба МОИ “Суғд” ташриф оварданд. Роҳбари Маъмурияти МОИ “Суғд” Камолиддинзода Илёсиддин меҳмононро бо фаъолият ва шароиту имкониятҳои МОИ “Суғд” шинос намуд.
Дар доираи вохўрии мазкур меҳмонон аз фаъолияти ҶДММ КМ ТТ “Таҷпроф”, ҶДММ КМ ТТ “Арча – мебел” ва ҶСК “Ариана Метал Пласт” дидан намуданд.
Санаи 28 октябри соли 2022 Сафири Фавқулодда ва Мухтори Ҷопон дар Ҷумҳурии Тоҷикистон ҷаноби Тошихиро Аикӣ якҷо бо намояндагони сафорати мазкур ба МОИ “Суғд” ташриф оварданд.
Роҳбари Маъмурияти МОИ “Суғд” Камолиддинзода Илёсиддин меҳмононро бо фаъолият ва шароиту имкониятҳои МОИ “Суғд” шинос намуд.
Сипас меҳмонон аз фаъолияти ҶСК “Ариана Металл Пласт” ва ҶДММ “КФ Фортуна-Ко” дидан намуданд.
Маълумоти бештар
Ҳамасола дар Маъмурияти МОИ «Суғд» вохӯриҳо бо насли ҷавон баргузор мегардад. Ҳамин тавр, санаи 13 октябри соли ҷорӣ ҳудуди 50 нафар донишҷӯёни Донишкадаи политехникии Донишгоҳи техникии Тоҷикистон ба номи академик М.Осимӣ, факултаи «Иқтисод ва менеҷмент» изҳори хоҳиш намуданд, ки бо фаъолияти МОИ «Суғд» шинос шаванд.
Вохӯрӣ бо донишҷӯён аз ҷониби мутахассисони Маъмурияти МОИ «Суғд» ва муаллими калони кафедраи ДПДТТ кафедраи «Молия ва қарз» Файзиева Парвинахон ташкил карда шуд.
Донишҷӯёнро кормандони Маъмурият таҳти роҳбарии мудири шуъбаи иттилоот – Қаюмова М.И. хуш пазируфтанд.
Мутахассиси шӯъбаи сармоягузории байналмилалӣ О.Ҳалимбойзода донишҷӯёнро бо фаъолияти Раёсат аз рӯи тартиби хронологӣ, имтиёзҳои гумрукӣ ва андоз шинос намуд.Донишҷӯён тавонистанд дар бораи манфиатҳои фаъолияти соҳибкорӣ дар МОИ, бо шароити содирот ва воридоти маҳсулоти истеҳсолкардаи субъектҳо маълумот гиранд. Донишҷӯён инчунин ба масъалаи имкониятҳои кор ва шароити кор дар корхонаҳои МОИ таваҷҷӯҳ зоҳир намуданд.Дар доираи вохӯрӣ донишҷӯён барои боздид аз ҶДММ «Равзана пластик» ва ҶСП «Ариана Металл Пласт» барои шиносоии бештар бо раванди истеҳсолот ва навъҳои маҳсулот даъват карда шуданд.
Ежегодно по уже сложившейся традиции в Администрации СЭЗ «Сугд» проходят встречи с молодым поколением. Так, 13 октября текущего года около 50 студентов Политехнического института таджикского технического университета имени академика М. Осими по специальности «Экономика и управления» изъявили желание ознакомиться с деятельностью СЭЗ «Сугд».
Встречу со студентами организовали специалисты Администрации СЭЗ «Сугд» и старший преподаватель кафедры «Финансы и кредит» ПИТТУ Файзиева Парвинахон.
Встречу провели сотрудники Администрации во главе заведующего информационным отделом – Каюмова М.И.
Халимбойзода О. – специалист международного инвестиционного отдела ознакомил студентов с деятельностью Администрации в хронологическом порядке, таможенными и налоговыми преференциями.
Студенты смогли узнать о преимуществах ведения бизнеса на территории СЭЗ, об условиях экспорта и импорта продукции, производимой субъектами. Также студентов интересовал вопрос возможности трудоустройства и условия работы на предприятиях СЭЗ.
В рамках встречи студентов пригласили посетить ООО «Равзана Пластик» и ЗАО «Ариана металл пласт» для более наглядного ознакомления с производственным процессом и ассортиментом выпускаемой продукции.
11 октябри соли 2022 Сафири Ҷумҳурии Исломии Покистон дар Ҷумҳурии Тоҷикистон ҷаноби Имрон Ҳайдар якҷо бо намояндаи тиҷоратии Покистон дар Тоҷикистон ҷаноби Малик Абул Маҷид ба МОИ “Суғд” ташриф оварданд. Муовини якуми роҳбари Маъмурияти МОИ “Суғд” Зикриёзода Суҳроб меҳмононро бо фаъолият ва шароиту имкониятҳои МОИ “Суғд” шинос намуд.
Сипас меҳмонон аз фаъолияти ҶСК “Ариана Метал Пласт”, ҶДММ “КФ Фартуна-Ко”,ҶДММ КМ ТТ “Арча мебел”, ва ҶДММ КМ ТТ “Силкоат-Бойя” дидан намуданд.
20-21 сентябри соли ҷорӣ дар Маъмурияти МОИ «Суғд» тариқи маҷозӣ семинар оид ба барномаи омӯзиши, ки аз ҷониби коршиноси байналмиллалии БРСММ (ПРООН) Андреев А. бо иштироки ассосиатсияҳои кластерҳо, технопаркҳо, ММИ-и Россия ва Институти дониши иқтисодиёт таҳия гардидааст, баргузор гардид, ки кормандани шуъбаи муносибатҳои байналмиллали ва ҷалби сармоягузорӣ ва шӯъбаи иттилоот иштирок намуданд.
Санаи 16 сентябри соли ҷорӣ дар шаҳри Хуҷанд бизнес – форуми соҳибкорони вилояти Суғди Ҷумҳурии Тоҷикистон ва Федератсияи Россия баргузор гардид.
Дар форуми мазкур соҳибкорони вилояти Суғд, гуруҳи соҳибкорони Федератсияи Россия ва ҳамзамон намояндагии Маъмурияти МОИ “Суғд” таҳти роҳбарияти Камолиддинзода И.Ҷ. иштирок варзиданд.
Дар рафти кори анҷуман баромадҳои муовини Раиси вилояти Суғд – Анвар Яъқубӣ, сардори Раёсати идораи амволи давлатӣ ва сармоягузории вилоят – Ахмедов Ш., муовини Вазири рушди иқтисоди Федератсияи Россия – Волвач Д., ноиб – президенти Палатаи савдо ва саноати Федератсияи Россия – Курочкин Д. ва президенти Палатаи савдо ва саноати Сибири марказӣ – Шагеев Р. шунида шуд.
Ҳамзамон дар доираи форум аз тарафи соҳибкорони вилояти Суғд молу маҳсулотҳои истеҳсолкардаашон ба намоиш гузошта шуда, инчунин барои намоиши молу маҳсулотҳои соҳибкорони Федератсияи Россия хаймаҳо ташкил гардиданд.
Санаи 15 сентябри соли равон дар шаҳри Душанбе Форуми сармоягузории Тоҷикистон ва Россия баргузор гардид, ки дар он намояндагони Маъмурияти МОИ «Суғд» таҳти роҳбарии Камолиддинзода Илёсиддин Ҷамолиддин иштирок доштанд.
Дар доираи форум бо намояндагони тиҷоратии Федератсияи Россия дар формати B2B мулоқот баргузор гардид.
Дар натиҷаи анҷуман, Роҳбари Маъмурияти Минтақаи озоди иқтисодии «Суғд» – Камолиддинзода Илёсиддин Ҷамолиддин ва Директори генералии ҶДММ «Осминожка» бо намояндагии Шрайбман М.Б. баҳри густариш додани муносибатҳо ва ҳамкории муттақобилан судманд байни МОИ «Суғд» ва ҶДММ «Осминожка» ёддошти тафоҳум ба имзо расид.
Тибқи барномаи Мақомоти иҷроияи ҳокимияти давлатии вилояти Суғд санаи 8 – уми сентябри соли ҷорӣ дар Коҳи фарҳанги ба номи Абуабдуллоҳи Рудакӣ Форуми тиҷоратии соҳибкорони вилояти Суғд ва вилояти Фарғонаи Ҷумҳурии Ӯзбекистон баргузор гардид.
Раиси вилоят муҳтарам Раҷаббой Аҳмадзода форумро ифтитоҳ ва меҳмононро хайрамақдам намуда, оид ба самтҳои афзалиятноки соҳаҳои иқтисодии вилоят маълумот доданд. Ҳамзамон қайд карданд, ки бо мақсади густариши робитаҳои тиҷоратию иқтисодӣ, соҳибкорони ду ҷониб бояд ҳамкориҳоро тақвият бахшанд.
Намояндагони МОИ “Суғд” низ дар форум иштироки фаъол намуда, аз тарафи муовини якуми роҳбари МОИ “Суғд” Зикриёзода Сӯҳроб доир ба фаъолият ва имтиёзҳои пешбинишуда дар МОИ “Суғд” тариқи рӯнамо иттилоъ дода шуд. Инчунин дар намоишгоҳи форум молу маҳсулотҳои истеҳсолшавандаи субъектҳои МОИ “Суғд” ба маърази тамошои иштирокдорон гузошта шуд.
Санаи 9 – уми сентябр форум идома ёфта, байни соҳибкорони вилояти Суғд ва вилояти Фарғонаи Ҷумҳурии Ӯзбекистон гуфтушунидҳо анҷом дода шуда, дар доираи он байни МОИ “Суғд” ва МОИ “Қӯқанд” – и вилояти Фарғона ёддошти тафоҳум ба имзо расонида шуд, ки бешубҳа барои густариши ҳамкориҳои тиҷоратию иқтисодӣ ва ҷалби сармоягузориҳо мусоидат хоҳад намуд.
Маълумоти бештар