Ташрифи Директори ширкати байналмиллалии “ANT GROUP” ҷаноби Даулеткулов Н.Т. ба МОИ “Суғд”
Санаи 30-юми январи соли 2025 ташрифи Директори ширкати байналмиллалии “ANT GROUP” дар Ҷумҳурии Қазоқистон ҷаноби Даулеткулов Нурдаулет Тасболатович ба Маъмурияти МОИ “Суғд” доир гардид. Роҳбари Маъмурияти МОИ “Суғд” Муҳаммадзода Муҳаммад Султон дар маҷлисгоҳи МОИ “Суғд” меҳмононро хуш пазируфта, оиди фаъолият, имтиёз ва бартариҳои МОИ “Суғд” маълумоти мушаххас доданд. Пас аз мулоқоти судманд меҳмонон қайд намуданд, ки дар оянда баҳри ҳамкориҳои иқтисодӣ вобаста аз шароити мусоди сармоягузорӣ дар МОИ “Суғд” ҳамкорӣ менамоянд.
Роҳбарияти Маъмурияти МОИ “Суғд” тибқи супориши Раиси вилояти Суғд мӯҳтарам Раҷаббой Аҳмадзода, бахшида ба истиқболи иди байналмиллалии Наврӯз ва ҳамчунин ташрифи меҳмонони олиқадр (Президентҳои сарони давлатҳои ҳамсояи Ӯзбекистон, Қирғизистон ва Тоҷикистон) ба шаҳри бостонии Хуҷанд корҳои ободонию кабудизоркуниро дар ҳудуди МОИ “Суғд” ташкил намуда, ҳар ҳафта шанбегиҳоро гузаронида истодааст. Санаи 1 уми феврали соли 2025 таҳти Роҳбарии Маъмурияти МОИ “Суғд” Муҳаммадзода Муҳаммад Султон бо аҳли кормандони Маъмурият ва ҳамчунин субъектони минтақа шанбегӣ доир карда шуд. Дар шанбегии мазкур зиёда аз 250 ниҳолҳои ҳамешасабз дар шафати роҳи автомобилгарди дохилии минтақа шинонида шуд.
28 августи соли 2023 Маъмурияти МОИ «Суғд» маросими супоридани тасдиқномаи мақоми субъекти МОИ «Суғд» ба корхонаи нав баргузор гардид. Муовини Роҳбари Маъмурияти МОИ «Суғд» Ҳакимов Н. А. ба директори Ҷамъияти масъулияташ маҳдуди «Суғдтрансхолдинг» дар фаъолияташ муваффақиятҳои калон ва натиҷаҳои назаррас таманно намуд.
Дар доираи лоиҳа истеҳсоли ҳаргуна маснуоти дӯзандагӣ ва сохтмони анбори сабзавот пешбинӣ шудаанд.
Ҳаҷми эъломшудаи сармоягузорӣ ин ширкат 10 ҳазор доллари ИМА-ро ташкил медиҳад, ки аз ҳисоби сармояи худи сармоягузори тоҷик амалӣ мешавад.
