Нишасти матбуотӣ дар Маъмурияти МОИ “Суғд”
7-уми феврали соли 2025 дар бинои Маъмурияти МОИ “Суғд” нишасти матбуотӣ доир ба фаъолияти Муассисаи давлатии Маъмурияти минтақаи озоди иқтисодии “Суғд” дар соли 2024 баргузор гардид. Роҳбари Маъмурият Муҳаммадзода Муҳаммад Султон намояндагони ВАО-ро хайрамақдам намуда, барои ҳамкориашон изҳори миннатдорӣ баён намуданд.
Зимни баромад Муҳаммадзода Муҳаммад Султон қайд намуданд, ки Маъмурияти МОИ “Суғд” дар соли 2024 ҷиҳати иҷрои дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва қарорҳои Ҳукумати Ҷумҳурии Тоҷикисон тадбиқи Қонуни Ҷумҳурии Тоҷикистон “ Дар бораи минтақаҳои озоди иқтисодӣ”, Низомномаи минтақаи озоди иқтисодии “Суғд”, Нақшаи кории минтақа барои соли 2025 тадбирҳои заруриро роҳ андозӣ намуд.
Дар соли 2024 дар минтақаи озоди иқтисодии “Суғд” 7 субъекти нав ба қайд гирифта шуд, ки шумораи умумии субъектон ба 41 адад расида, 21 адади онҳо бо фаъолияти истеҳсолӣ, сохтмонӣ ва хизматрасонӣ машғул мебошанд. Маҷмӯмаи маҳсулоти саноатӣ дар соли 2024 ба 442 миллион сомонӣ баробар гардид, ки нисбат ба ҳамин давраи соли 2023, 125,2% ё 89,1 миллион сомонӣ зиёд мебошад. Инчунин ҳаҷми корҳои сохтмонӣ ва хизматрасонӣ дар ин давраи ҳисоботӣ ба 4,4 миллион сомонӣ расонида шуд. Ҳаҷми маҳсулоти содиротии субъектҳо дар давраи ҳисоботӣ ба 141,5 миллион сомонро ташкил намудааст, ки нисбат ба ҳамин давраи соли 2023, 105% ё 6,7 милион сомонӣ зиёд мебошад.
Дар соли 2024 ҳаҷми сармоягузории мустақим 47,3 миллион сомониро ташкил намуд, ки нисбат ба ҳамин давраи соли гузашта, 147,8% ё 15,3 миллион сомонӣ зиёд гардида, аз оғози фаъолияти МОИ “Суғд” ба 218,3 миллион сомонӣ баробар гардид.
Дар давраи ҳисоботӣ шумораи умумии ҷойҳои корӣ дар МОИ “Суғд”, 930 нафарро ташкил дод, ки нисбат ба ҳамин давраи соли 2023 ба 20 ҷойи кории нав ё 102,2% зиёд мебошад.
Қайд кардан ба маврид аст, дар рафти нишасти матбуотӣ Роҳбари Маъмурияти МОИ “Суғд” Муҳаммадзода Муҳаммад Султон бо субъекти нав ҶДММ “Сайёҳи Суғд” шартномаи фаъолиятро ба имзо расонида, Тасдиқномаи МОИ “Суғд”-ро ба роҳбари корхонаи мазкур супорида шуд. Намояндагони ВАО бо намояндаи муассиси ҶДММ “Сайёҳи Суғд” Юрий Косолап ҳамсӯҳбат шуда, доир ба фаъолияташон маълумотҳои мушаххас гирифтанд.
Дар анҷом роҳбари Маъмурияти МОИ “Суғд” Муҳаммадзода Муҳаммад Султон ба намояндагони ВАО изҳори миннатдории хешро бобати ҳамкории доимӣ бо МОИ “Суғд” баён намуданд.
Тибқи барномаи Маъмурият ба намояндагони ВАО пресс-тур ташкил карда шуд, ки намояндагони расонаҳои чоппиву электронӣ бо роҳбару намояндагони субъекҳои МОИ “Суғд”, ҶДММ “Сайр Суғд” ва ҶДММ “Азия политекс” ҳамсӯҳбат гардида, аз рафти корҳои сохтмонии корхонаҳои нави сохтаистодашаванда дар МОИ “Суғд” дидан намуданд.
Маълумоти бештар
